تسجيل الديوان هذا الشهر 53 ()

وعليكم السلام أختي ،،،

لا أختي الديوان يعرف عنج كل شي إذا توظفتي حتى لو بقطاع خاص وتلقائيا يسقط اسمج… ولو كنتي تدرسين بأي جهة راح يعرفون عنج هالشي لأن بياناتنا كلها عندهم توصلهم اول بأول حتى الشهادة أول ماتخرجين مو محتاجة تودينها لهم بس حطي رقمج المدني وتلفونج بيوم التسجيل وشوفي بياناتج كلها تطلع عندهم .. يعني لا تستعجلين على رزقج …

والشغلة الأهم اللي صرت قايلتها مليون مرة إن الرغبات يابنات شيء شكـــــلي فقط .. وراح يحطونج حسب إحتياج الجهات … وأنا سألت الموظفة مناك عن الرغبات قالت لي حنا مانطالع رغباتكم حنا نحطم حسب احتياجات الوزارات.
ادري تحبطتي بس هذا الواقع لأن انا مثلج ماكنت أعرف ومستانسة بالرغبات وكل شوي أشيل وأحط بس من عرفت إن السالفة حظ يا نصيب ريحت راسي ووكلت أمري لله. أهم شي شدي حيلج وجيبي نسبة لأن الأولوية بالتوظيف للي معدلاتهم عالية واللي متزوجين.

السلام عليكم

ممكن اعرف لي متا التسجيل

يعني يفتح الديوان لرغبات المسجلين من 5-3-2010 الى ؟ -؟ -2010

شكثر المده اللي بيظل الديوان مبطل

و مشكووورين خواتي مقدما

^ وعليكم السلام .. شوفي مافي شي اسمه رغبات ، الديوان لمن يفتح حطي رقمج المدني و رقم تلفونج عشان المسجات وتلفون البيت وبسسسس مالج شغل بالرغبات كلها خرطي ترا الأماكن اللي بيحطونج فيها حسب اللي هم يبونها مو الرغبات اسأليني أنا حطوني بـ 7 أماكن ولا مكان فيهم حاطته ضمن رغباتي ..لكن إسمج يظل موجود بالديوان حتى لو رفضتي مليون وحده <<< خبرررة … فلأ تحاتين متى يخلص التسجيل انتي من تسجلين خلاااااااااااص اسمج نزل عندهم وراح يظل عندهم لمااا توظفين راح يسقط من عندهم تلقائيا لا تحاتين حبوبة.

شيدة المطر شلون طريقة التسجيل ؟؟ ويصير التسجيل عن طريق السايت؟

مشكووره حبيبتي :**

هلا بنات هذا الموقع مالهم ادخليه قدامج 3 خانات سهلة مايحتاج شرح رقمج المدني وتلفونج وتنفيذ وبس خلاص نزل اسمج بالديوان.
أنا بالنسبة لي أفضل الموقع أصلا التلفون شخباري تدرين ليش؟ لأن كل جهة بالتلفون لها رمز وشوفي كم جهة ؟ شتذكرين شتخلين .. ترا التسجيل بالموقع حيل سهل انتي بس ادخلي الرابط وبتشوفين شكثر سهل.. وحتى لمن تجيكين على اسمج بدال ماتدورين بالجريدة كلها وتعبين عيونج ويمكن نزل اسمج ويمكن مانزل … بس ادخلي عالموقع ووروحي لنفس هالرابط ووادخلي خانة "نتائج الترشيح" وراح يطلع لج خانة تحطين فيها رقمج المدني وشوفي شيطلع لج …

أما بالنسبة للرغبات والله الموظفة قالت لي احنا مانطالع الرغبات .. حبطتني وعصبت ..بس عاد انتو حطوها وشوفو شيصير إن شاء الله يطالعون فيها.. لمن تسجلون روحو لخانة راح تطلع لكم لمن تضغطون "تنفيذ" اسمها "لمعرفة او تسجيل الرغبات" وبس اختارو اللي تبونه.

الرابط: http://www.csc.net.kw/maincsc7.htm

موفقيين ان شاءالله بنحط رغباتنا وننطر شيصير :

بنات تتوقعون شكثر وقت ياخذون على مايوظفونه؟؟ << بكلريوس