تلقيح صناعي للمرة الثالثه للي نجح معاها التلقيح أبي نصيحتج .

ليش ما توقفين جم شهر علاج وتنسين سالفه الحمل من بالج ومن راسج
وتاخذين ريلاكس
وتلهين بشي ثااني

شرطج تحملين *_^

بدون علاج!!!

انا مو قاعده احبطج بس انا وايد ابحث عن الموضوع قبل لا اسويه وسبحان الله ما صار
الله كريم ان شاءالله وتحملين هالشهر
ويارب ترزق كل محرومه يارب العالمين

اقتباس:

المشاركة الأصلية كتبت بواسطة british girl الصراحه لما قعدت ادور بالنت عن الموضوع تلقيح نسبته حيل ضعيفه او يكون في حمل بس يطيح انا سويتها مره بس وماصار فيه بس جربتهاااا انا مو قاعده احبطج بس انا وايد ابحث عن الموضوع قبل لا اسويه وسبحان الله ما صار الله كريم ان شاءالله وتحملين هالشهر ويارب ترزق كل محرومه يارب العالمين

تسلمين حبيبتي لا ماحبطتيني ولا شي انا اصلا عندي خبر بهالموضوع وانا مثلج اي شي يديد اعرفه او اسمع عنه على طول google وأشوف شنو اهو واشلون طريقته
أصلا الدكتور اشكره قالي احنا كنا ندري ان ماراح ينجح معاج بس قلنا بنجرب
وانا ناطره دوري حق أطفال انابيب اصلا واهو بيشوف وضع رحمي والمبايض عالدورة الطبيعيه
الله كريم يامعوده اللي الله كاتبه بيصير وتسلمين على هالدعوه الحلوة والله يرزقنا كلنا يارب

يعني مثل ماقالت اختي لو تتركين العلاج كم شهر وتريحين عنه
يمكن الله يرزقج
عيدي تفكيري
والله يرزقج يالغاليه

انا سويت التلقيح الصناعي والحمد لله حملت بس مادري اذا علاجج نفسي ولا لأ الحمد لله انا وزوجي ما فينا شي بس طولت ولدي صار عمره ثلاث سنين ونص وحملت فيه طبيعي بس سبحان الله هالمرة ربي كاتب الحمال بالتلقيح .. انا سويته بعيادة الدكتورة فوزية القطان بديت اخذ كلوكوفاج قبل التلقيح بشهر واخذت كلوميد مرة وحدة باليوم مدة خمس ايام وبعدين لما شافت التبويض عندي عطتني ابرة تفجيرية وعقب سويت التلقيح وقالت لي الطبيبة اذا رديتي البيت لازم يصير فيه جماع … ومعلومة من الطبيبة اللي اعالج عندها يفضل انه الزوجة توصل الاورجازم او النشوة لانه هذا يساعد السائل المنوي المحقون على الحركة ويزيد من فرصة تلاقي البويضة بالحيوان المنوي ووحصول التلقيح ويفضل الراحة لمدة ثلاث ايام وبعدين مارسي حياتج عادي وتحليل الحمل اتسوينه عقب 14 يوم من التلقيح .وبعد التلقيح باول ثلاث ايام راح اتحسين بالم اسفل البطن مثل الدورة وبعدين يصير الوضع عادي … وانا بالنسبة لي بعد اسبوع حسيت بالم بالصدر وثقل بالصدر والحمد لله الحين انا حامل … الله يتمم علي ويرزق كل محرومة ان شاء الله

اللي سوبته اني كثرت الاستغفار والدعاء وكنت اشرب ماي وايد وابتعدت عن القهوة وعصير الاناناس والاناناس وبالنسبة للجماع صار عقب التلقيح على طول مرة ثانية صار عقبها بيومين وبعدين وقفنا وهذا الشي من عندي الدكتورة قالت عادي الجماع ما يأثر على النتيجة بس انا خفت والدفاستون ما اخذته الا بعد ما حللت

الله يرزقج ان شاء الله ونصيحة لا اتفكرين انا لما قرب موعد التحليل كان عندي احساس ان الدورة راح تنزل باي وقت .. وخصوصا اني سويت بحث وادري انه نسبة نجاح التلقيح بسيطة جدا