جربت حرة المره اللي يتزوج عليها ريلها

‘

‘

‘

مرحبا بنات

انا حدي معصبة ومنرفزة طول اليوم عقب الحلم اللي شفته

بقولكم سالفتي قبل الحلم
انا زعلانه على ريلي صارلي اكثر من اسبوع ماكلمه ابيه يعتذر لأنه صرخ علي بالجمعية اول مرة يسويها وطلعت ابجي ومو راضي كلش يعتذر
المشكلة بعد هو زعل مادري على شنو
اظاهر مالنا حق نزعل عند شباب جيل هالوقت
المهم ينام معاي بنفس السرير بس مايتغطى بنفس الديباج ياخذله بطانية بروحه ويعطيني ظهره وانا ويهي جذي

منو الزعلان فينا انا والا هو ؟

نيي للحلم

حلمت انه تزوج علي
يمه شقولكم الحرة اللي عشتها مت من البجي دقيت على امي واختي اصارخ وابجي وانا اشوفه مع عروسته بالغرفة اللي يمي وقاعده افكر يمكن يسوي نفس اللي يسويه فيني قمت اخذ الاغراض بالغرفة واكسرها واصارخ وطلعت برى البيت مثل المينونة اصااااارخ ورديت البيت لقيته قاعد بالصاله ولاهمه ينطر مرته تجي تقعد يمه بالصاله وشفتها واهيا يايه تمشي يايبه الشاي
اخذت الشاي وكبيته على راسها جان تروح الغرفة تبجي وراح ريلي وراها بيراضيها
بنات والله مت بهالحلم كااااااابوووووووووووس
عشت لحظات القهر والحزن والبجي والحره كل شي كل شي كل شي امبيه كااااااابووووووس

قعدت من النوم لقيته قاعد يلبس غترته بيطلع لصلاة اليمعه جان امسك كوب الماي يمي واحذفه عليه ماحاش شي ملابسه
وويهي كله دموع من البجي

انصدم وقعد يطالع فيني ويصرخ انتي اشفييييييييج ؟

استوعبت اني كنت احلم بكابوس جان اقوله تشوفني ابجي وانا نايمة ماقومتني وسميت علي ؟

طالع فيني وقال الحمدلله والشكر

متفشلة من اللي سويته ومنقهره من الحلم غمت صدري ومنرفزة طول اليوم

الحمدلله انه مو صج بس عشت حرة المره اللي يتزوج عليها ريلها

لاتقولون كنت افكر قبل لااحلم والله ماطرى على بالي مطنشة والعروس اعرفها من زمان اشيابها لي بالحلم
خلاص كرهتها

طمنوني يعني شنو تفسير الحلم ؟ اللي ريلها يتزوج عليها

للعلم ماني حامل

ومنو حلمت ان ريلها تزوج عليها هل تأثرت بعد ماعرفت انه كابوس او عادي ؟
بعد شلون اخلي ريلي يعتذر لي عن اللي سواه لاتقولون كلميه مصيبه اذا ماياني بنفسه واعتذرلي