حبوب التخسيس سيبوترم المصريه

بصراحه انا بعد ماسمعت رفيجتي تمدحهم واضعفت عليهم قلت خل اجربهم ويابهم اخوي لي من مصر الله وكيلج 20 علبه وبديت وكلت اول حبه لا تشوفين اشصار فيني رقعه رقعه وعوار راس وييت بنام ماقدر جفاني النوم الناس كلها نايمه وانا قاعده لا واذا غطيت دقيقه اقوم جني مفزوعه ومخترعه قلت شالله حادني خل اوقفهم احسنلي .

وقامت اختي وجربتهم والله العظيم ما اجذب عليج بدون مبالغه اضعفت باسبوع 6 كيلوووو مشالله مشالله ماكانت تاكل شي وحتى الماي ماتشربه من كثر ما نفسها مسدوده ، والله ولا صار فيها شي من الاعراض اللي صارتلي ومشالله كملت بس انا اقولج اختي سمينه حيل يمكن علشان جذي ماصار فيها اللي صار فيني .