السلام عليكم ورحمة الله وبركاته
شلونكم بنات شخباركم 
مواليد اطفال 2024 _ 2024
سويت هذا التجمع خاص لاطفال kg1 لسنه 2024 _ 2024
ان شاء الله عيالنا السنه اليايه بيروحون اولى روضه عسى الله يجعلهم من الذريه الصالحه
بما اني ام صغيره واول تجربه لي كبدايه في طريج بنتي للدراسه واجهت امور ومشاكل وايد .gif "Eh S(1)")
ويمكن في بنات نفس مشكلتي
قلت خل نتشاور
ونحل هالمواضيع مع بعض 
وياليت بهذا التجمع نفيد ونستفيد من بعضنا ونشق اول خطوه لطريج مستقبل عيالنا 
بداية عندي جم سؤال :-
متى تبدا تسجيل الروضه ومتى يخلص
شنو الاوراق المطلوبه ومتى نسوي الفحوصات وشنو يبون ناخذ معانا ؟؟ ومتى نقدمها لهم ( شلون نسوي ملف كامل للطفل ) شنو يحتاجون منا ؟؟؟
ضروري
بحالة رفض الاب تسجيل الطفله في الروضه .gif "Eh S(13)")
عنادا عن الام بسبب انفصالها عنه وطلب النفقه !! فرفض المجيئ 
لتسجيلها 
** مع العلم ان مدارس الحكومه شرطها الابو اللي يسجل مو الام 
وحبيت اسال عن المدارس الخاصه هل يشرطون وجود الاب وقت التسجيل ؟؟؟ فيدونا بنات الخاص لو سمحتوا طلبوا منكم ؟؟
**بالنسبه لي سألت مدرسه وقالو ييبو ورقة موافقه من التعليم الخاص !!!
شلون راح نساعد بعض عشان نهيأ عيالنا عشان ما يستاحشون ويكونون جريئين مو مغلوب على امرهم وينطقون ويسكتون
افكار لتعليمهم من المواقع وطباعه اوراق العمل وكل شي يخص في منهج kg1 و لتنظيم اوقاتهم بوقت ما تبدا المدرسه وتعديل نومتهم
واكلهم الصحي …
انا ودي اغير كل شي بنظامها واهتم فيها زياده لان خلص وقت الدلع 
خل نتكلم عن طلبات واحتياجات المرحله من ملابس وطلبات واغراض ووسائل تعليميه شلون نخلي عيالنا مميزين ..
بنتج او ولدج باي مدرسة ..؟ وشنو سوا بالامتحان القبول وجم اسعار المدرسه؟ ومتى تبدا الدراسه ( وكلمينه عن شخصيته وكل شي يخصه )
جني قرقرت عليكم وايد خخخ 
بس ودي اسوي التجمع مميز وكل ام تخلي حق ولدها ملف خاص بهذا التجمع يتكون عن كل شي ذكرته لكم فوق .. مع اليوميات والافلام اللي يسوونها عيالنا ومواقفهم التحفه واللحظات الحزينه لوووول وقت اول يوم فراق بينج وبينه بالمدرسه
وفديتكم يا بنات ديرتي حبايبي كويتيات على راسي 
السلام عليكم ورحمة الله وبركاته
شلونكم بنات شخباركم
مواليد اطفال 2024 _ 2024
سويت هذا التجمع خاص لاطفال kg1 لسنه 2024 _ 2024
ان شاء الله عيالنا السنه اليايه بيروحون اولى روضه عسى الله يجعلهم من الذريه الصالحه
بما اني ام صغيره واول تجربه لي كبدايه في طريج بنتي للدراسه واجهت امور ومشاكل وايد ويمكن في بنات نفس مشكلتي
قلت خل نتشاور ونحل هالمواضيع مع بعض
وياليت بهذا التجمع نفيد ونستفيد من بعضنا ونشق اول خطوه لطريج مستقبل عيالنا
متى تبدا تسجيل الروضه ومتى يخلص
شنو الاوراق المطلوبه ومتى نسوي الفحوصات وشنو يبون ناخذ معانا ؟؟ ومتى نقدمها لهم ( شلون نسوي ملف كامل للطفل ) شنو يحتاجون منا ؟؟؟
بحالة رفض الاب تسجيل الطفله في الروضه عنادا عن الام بسبب انفصالها عنه وطلب النفقه !! فرفض المجيئ لتسجيلها
** مع العلم ان مدارس الحكومه شرطها الابو اللي يسجل مو الام
وحبيت اسال عن المدارس الخاصه هل يشرطون وجود الاب وقت التسجيل ؟؟؟ فيدونا بنات الخاص لو سمحتوا طلبوا منكم ؟؟
**بالنسبه لي سألت مدرسه وقالو ييبو ورقة موافقه من التعليم الخاص !!!
شلون راح نساعد بعض عشان نهيأ عيالنا عشان ما يستاحشون ويكونون جريئين مو مغلوب على امرهم وينطقون ويسكتون
افكار لتعليمهم من المواقع وطباعه اوراق العمل وكل شي يخص في منهج kg1 و لتنظيم اوقاتهم بوقت ما تبدا المدرسه وتعديل نومتهم
واكلهم الصحي …
انا ودي اغير كل شي بنظامها واهتم فيها زياده لان خلص وقت الدلع
خل نتكلم عن طلبات واحتياجات المرحله من ملابس وطلبات واغراض ووسائل تعليميه شلون نخلي عيالنا مميزين ..
بنتج او ولدج باي مدرسة ..؟ وشنو سوا بالامتحان القبول وجم اسعار المدرسه؟ ومتى تبدا الدراسه ( وكلمينه عن شخصيته وكل شي يخصه )
جني قرقرت عليكم وايد خخخ بس ودي اسوي التجمع مميز وكل ام تخلي حق ولدها ملف خاص بهذا التجمع يتكون عن كل شي ذكرته لكم فوق .. مع اليوميات والافلام اللي يسوونها عيالنا ومواقفهم التحفه واللحظات الحزينه لوووول وقت اول يوم فراق بينج وبينه بالمدرسه
وفديتكم يا بنات ديرتي حبايبي كويتيات على راسي
وليما الحين مو عارررفة شي بالمرة
بالنسبة حق ولدي عمري 3 سنوات و4 شهور وان شالله راح يدخل الروضة هالسنة …
الحمدالله اهوا من السنة الي طافت يداوم بالحضانة فالحمدلله واااايد فادني هالشي تعود اسم الله عليه على الدوام وقعدة الصبح واليونيفورم
وهالسوالف يعني اول الايام كان يستعسر كل يوم الصبح وبجي وحالة والحين بعض المرات بس الحمدلله تأقلم وتعود والحضانة ثنائية اللغة
حضانة الشهيدة اسرار القبندي … والحمدلله كل شي يعلمونهم اياه بالعربي والانجليزي وان شالله يفيده واااايد حق الروضة … بالنسبة للروضة
تونا مسجلينا بمدرسة دسمان ثنائية اللغة والحمدلله اجتاز المقابلة وقبلوه بس الحين قاعدين نكمل باجي الاجراءات لدخولة الروضة ..
والله ليلحين ماعندي فكرة متى يبدي الكورس الاول بالنسبة للروضة يمكن شهر 8 او 9 …والله يسهل ويوفق عيالنا جميعا يااااااارب …
سجلتة بالمدرسة العالمية الامركية بحولى سجلتة من شهر 1 والحمداللة اقبلوة
ودوامهم اخر شهر8
واتوقع كل المدارس الخاصة ينتهى التسجيل شهر3
وبالسبة للطلبات المدرسة نفسها تعطيك ورقة الطلبات
والحمداللة هذة ثالث سنة له بحضانة سمارت كدز
ونومتة متسنعة
اخذ لة من بروى او مكتبة جرير كتب تاسيس حق kg1
ارقام -الوان-احرف-حيوان
وشهر تسعه داوم الله يوفقهم ويجعلهم من الذريه الصالحه
بس ماني عرفه شنو اشتريلها وشسويلها ياريت يفيدونا العضوات الحلوات
فدييييييييييييييييتكم
بناتي هم حياتي
بين الحكومه والخاص
الحكومه : في الجابريه اتوقع اسمها الفداء ق 6
الخاص : الغانم ثنائيه اللغه . الخليج الانجليزيه اللي بالسالميه . الانجليزيه اللي بالمنقف
صراحه محتاره لان صج معاشي مو ذاك الزود اخاف اتوهق ووراي سفر بالصيف غير التجهيزات المدرسيه والملابس
يعني على الراهي بقط اكثر من 2018 على المدرسه مع التجهيزات خلال سنه
اما بالحكومه لالا باخذ راحتي وما افكر بشي وبكشخ بنتي وماراح اخلي عليها قاصر بشي
بس في مشكله بشخصيتها كلش ضعيفه وتستحي خجوووله وما تحب تخالط اليهال واذا انطقت تسكت وتبجي ماكو شي اسمه دفاع عن النفس
او اهتمام باليهال هناك
صح ولا لا بنات .. والله انا وايد احاتي هالشي صج ضايق خلقي
ساعدوني بالاختيار بنات … قنعوني بشي يمكن اسويه
انا منفصله عن ابوها واصلا ابوها ما يدري عنها
فقلت ليش هالعباله باجر يروح ياخذها من الروضه وانا مادري
رحت سجلتها بالخاص
وما اطلبوا مني حضور الاب
خذيت الاوراق من المدرسه ووديتها الصحه المدرسيه وعطوني ملف ورجعته حق المدرسه وتحتاجين حق الملف صوره والبطاقه المدنيه وصوره وصوره الجنسيه وصوره بطاقه المدنيه حق الطفل
بس
حتى اسالتني وين يشتغل ابوها قلت لها انا الحاضنه وابوها ماله شغل اكتبت مكان دوامي
حتى المدرسه عطيتهم صوره من حكم الحضانه احتياط عشان باجر ما يقدر يسوي شي
انا بخصوص المصاريف كلنا نفس الحاله
انا داشه جمعيه عشان اجمع لها لان اعرف نفسي ما اعرف اخش شي ابد
هلا وغلا
الحمدالله وانتي وكل موجودين ان شاء الله بخير يارب
امهات مستقبل يصونكم ارحمن
اولا :تسالين عن تسجيل ان كان ظروري (اب ) يسجل ((اب ))ولا لا نعم لازم
واذا في خلاف يكون عندج ورقة حضانه لي طفل تكون لج حق تسجيل اطفالج ان كانت مدرسة خاصه او حكوميه
الاوراق مطلوب :تقريبا هي
جنسية اب,, اذا في خلاف جنسية ام صوره عنها….نفس طلب لي صحه مدرسيه يعني سوي لج ملفين واحد لي مدرسه والثاني لي صحه مدرسيه
شهاده ميلاد صوره عنها
شهاده تطعيم صوره عنها
3 صورة شخصيه
واي شي تبين لعيونج
بطاقه مدنيه صوره عنها طبعا لي طفل ولي ولي امر ان كانت ام او اب
وصورة ورقه الحكم حضانه عن طفل
لي لي مدرسة انا ولدي مدرسة كيمبردج في حولي اول سنة kg1 يداوم إن شاء الله شهر ((9 ))
تسجيل يطلبون منج 200دك
هذي عن مدرسة كيمبردج نتكلم
ام صحه مدرسيه لم الحين مارحت باجر بكمل بروح طلبيت شهاده ميلاد اصليه وصوره عنها…وشهادة تطعيم اصليه صوره عنها…. وبطاقة منديه صوره عنها..ولي امر بطاقه مدنيه صوره عنها ..3 صورة شخصيه
ودعيلي بالتوفيق
وربي يوفق بنتج ..انا الحين مدخله ولدي حضانه لان دوم لازق فيني حضانه شوي يخلي يعتمد علي نفس وتهئيه لي دخول الروضه ان شاء الله ماباقي الا سته اشهر وان شاء الله يدخل الروضه منكم بالتوفيق والدعاء وربي يوفقكم يصونكم
وهذي تجربتي
سلام عليكم
أنا ولدي أجتاز مقابلة كامبردج حولي
وبالنسبة للرسوم أعتقد KD985 بالسنة
وانشالله بوديه حضانه بالصيف أو أسجله كورس صيفي علشان يتهيأ للروضة لان الابلة اللي قابلته قالت لي جابليه بالصيف وعلميه ،، وأنا أصلا مقررة أوديه انشالله
انا وديته الصيف اللي فات حضانة شهر واحد بس كان عمره سنتين ونص بعدين جا رمضان وطلعته وبعدين صارت سالفة الانفلونزا وخفت اوديه مرة ثانية ،، بعدين على يناير دخلته نفس الحضانة ولمدة شهر فقط (مرة ثانية) وطلعته :$
والحين هو في البيت بس انا الوضع مو عاجبني انشالله في اقرب وقت بسجله بالصيفي
أختي Miss Heathrow : اللي سمعته عن الروضة الحكومة انهم ما يدرسون وممنوع ان الطفل يمسك قلم يعني لعب في لعب
وأحنا نبي عيالنا يتعلمون ف نضطر ندخلهم خاص حتى ولو الظروف ما تسمح في مدارس معقولة بالنسبة للرسوم
والصراحة أنا في نظري التعليم مهم وأهم من الكماليات
تقبلي مروري
وشكراً
رحت خذيت فره على بعض المدارس
رحت الغانم بسلوى.gif "Eh S(13)")
.gif "Eh S(13)")
.gif "Eh S(13)")
صرااااحه ولا بيزه موليه امبيه ويع لاعت جبدي من اسلوب تعاملهم استقبال نفسيه خاااااايسه حده قله ادب 
والازعاج
ويع ويع والله لو شنو ما ادخلها بنتي صفوف صغيره وايد وفيها وااااايد يهال احس قمته فوق اللي شفته من الاستقبال
طلعت وقلت الحكومه ابرك وايد …
رحت الشمس المشرقه اللي يمها ما رضوا ادش اشوف الصفوف والمدرسه الا من ادفع رسوم التسجيل !!! والامتحان .. رفضوا حييييل واصروا بعد
والله مت من الضحك وقالت الياهل فوق 1750
على شنو ما ادري هم ما اعجبتني وطلعت بسرعه
رحت الخليج الانجليزيه اللي بالسالميه
بصراحه مت عليها صج من اسلوب تعامل واستقبال روووعه مع العلم كان وايد زحمه التسجيل ووايد ناس بس في ابتسامه وفروني المدرسه كلها برحابه صدر 
قمه بالابداع ودشيت صف صف حتى الملعب شلون يلعبون مع اليهال ونااااااااااااااااااااااااسه .gif "Eh S(9)")
وايد راقيه حتى اليهال ذربين
ورسومهم زينه 1350 على دفعتين …
انا حبيتها وايد وايد بس المشكله ان اختي شككتني فيها وقالت نظام الانجليزي صعب وايد وتاسيسهم قوي ونظامهم صارم مع الياهل مع اني اللي اشفته وايد حلو مع لعبهم
ما ادري ساعات اقول احسن يكون صارم لان عيال هالوقت ما يبيلهم لعب ويبي اللي يادبهم ويعدل نظام سلوكهم
وساعات اقول لالالا يمكن التدريس صعب علي ما اعرف ادرسها بعدين وساعات اقول يمكن بالابتدائي اوديها حكومه حالها حالنا والحكومه ما فيها شي والشاطر شاطر بكل مكان واهي بنت ما ينخاف عليها بالحكومه
والله ما ادري محتاره
شرايكم .gif "Eh S(2)")
افتر بعد على المدارس؟؟؟ سمعت بنات يتكلمون عن الاكاديميه الانجليزيه بالسالميه شارع عمان شاريكم فيها ؟؟
هذي باجر يمكن اروح لها
وبعد اجيال بمر عليها يمدحونها واااايد وااااايد
وان شاء الله خير,,,
تفضلو هالروابط تساعدكم بتسلية الأطفال وتعليمهم وتجهيزهم للروضه ( انجليزي )