خاص بتحاضير مادة العلوم المرحله الابتدائية

السلام عليكم ؟شلونكم يا ابلات العلوم…
عندي اقتراح يحتاج تعاون نبي انزل تحاضير جاهزه حق بعض يعني التحضير يكون طباعة كمبيوتر…انا عن نفسي بدبرلكم اولى وثانية وثالثة لكن بدايته من اخر الفصول للفصل الدراسي الاول….
ونحتاج تعاون يعني رابعه وخامسة انقسمهم بينا كل 10 بنات ياخذون فصل من كتاب الفصل الدراسي الاول(بحسب عدد المشاركات اذا زاد يخف علينا الشغل)وبجذي ماراح اتحضرين الا درس او بالكثير ثلاثه ويكون عندج تحضير الكتاب كله…

واذا شفنا فيها نحاسه يكون علخاص او عندي طريقة سريه وعجيبة اشرحها لكم بعدين واللي ماتتعاون ماتستفيد وانا عن نفسي تحاضير اولى وثانيه وثالثه بنزلها للكل نحيس ولا متعاون واجرنا على الله لكن الشغل الثاني اللي بيتعبون عليه البنات اللي تتعاون تبشر بالسعد…
وعلى فكرة اذا عددكم كبير ماراح ياخذ التحضير اسبوع لانه ماراح يطلعلج الا درس واحد..شنو رايكم..

اللي تبي ومتأكدة انها بتتعاون 10000000بالميه يعني ماعندها ضروف اتأخرها او ماتخليها اتسوي,,,تشترك معنا بكلمة (نعم)واللي ماتبي لاترد علموضوع عشان يكون مرتب..وادري كثير من البنات بيسئلوني عن تحاضير اولى وثانية وثالثة والاجابة بدبرها لكم من رئيسة قسمي بعد اجازة العيد وبحطها في موضوع غير هلموضوع
عشان ماتصير مداخلات في هلموضوع اتعفسه ارجو ان الردود تكون بكلمة:نعم مع اختيار المرحله رابعه او خامسة
عشان نحصي عددنا ونقسم الشغل….وبخلي الموضوع اسبوعين متروك عشان يكون فيه نصيب من المشاركات…
اتمنى يكون فيه قبول للاستفادة ونفتك من التحضير اللي كسر ضهورنا