السلام عليكم .gif "Eh S(11)")
شخباركم يا زميلاتي بالمهنة عساكم بخير .gif "Eh S(16)")
اليوم دشت علي الناظرة وكانت دخلتها حلوة وخفيفة على القلب وكان بنص الحصة
وانا محضرة صفحتين بس من الكتاب وكنت بتكلم بآخر نقطه من الحقائق
فقمت اعيد وازيد بالحقائق اللي طافو لما وصلت للحقيقة الاخيره
المهم شافت دفتر جم بنيه بس ماكانت مستانسه واهيا تشوفهم مع اني اول بأول اصلح
وسبحان الله امس مصلحه دفاتر كل البنات
ولما قاعده اشرح اشوفها تتمشى بين الطاولات عشان تشوف الدفاتر بس شتت انتباهي
وانا بعد من النوع انتقل من جهه الى جهه
قبل ما تطلع قامت تتنهد وويها معصب وقالت يعطيج العافيه ومشت
حتى البنات لما شافوها قالو وي الناظرة معصب حده
ودرسي بسيط ما يبيله حركه وتفاعل و معلوماته بسيطه
لما رحت لها المكتب كان في كذا ابله وياي جان تقول لما دشينا عليها انااليوم وايد مرتاحه
ولما قريت ورقه التقيم كاتبة لي شي زين بس ما امدحتني قالت انتي وايد جامده قاعده في مكانج انتقلي بين الادراج خلج قريبه منهم مع اني جدامها قاعده اتنقل من مكان لي مكان حتى لما قلت حق المدرسه الاولى استغربت قالت لي انتي اكثر ابله تمرين صوب البنات اشلون تقول جذي الناظره وهم بعد قالت لي الناظره خلي البنات يسألونج عن اللي مو فاهمينه بس للحين ما ني قادره استوعب ليش اطلعت واهي معصبه وتتنهد ما ادري
واللي ابي اعرفه ان بس راح يكون هذا اهوا تقييم
وانتو بمدارسكم يورونكم ورقة التقييم!؟؟؟
وهالتقييم اهوا اللي يوقف عليه الامتياز
انا قلبي كان مقموت حده لما شفت وياها معصب
بس لما رحت لها مكتبها كانت غير وكاتبه شي حلو وزين بس ما امدحتني كلش
حده ضايق خلقي 
السلام عليكم
اليوم دشت علي الناظرة وكانت دخلتها حلوة وخفيفة على القلب وكان بنص الحصة
وانا محضرة صفحتين بس من الكتاب وكنت بتكلم بآخر نقطه من الحقائق
فقمت اعيد وازيد بالحقائق اللي طافو لما وصلت للحقيقة الاخيره
المهم شافت دفتر جم بنيه بس ماكانت مستانسه واهيا تشوفهم مع اني اول بأول اصلح
وسبحان الله امس مصلحه دفاتر كل البنات
ولما قاعده اشرح اشوفها تتمشى بين الطاولات عشان تشوف الدفاتر بس شتت انتباهي
وانا بعد من النوع انتقل من جهه الى جهه
قبل ما تطلع قامت تتنهد وويها معصب وقالت يعطيج العافيه ومشت
حتى البنات لما شافوها قالو وي الناظرة معصب حده
ودرسي بسيط ما يبيله حركه وتفاعل و معلوماته بسيطه
لما رحت لها المكتب كان في كذا ابله وياي جان تقول لما دشينا عليها انااليوم وايد مرتاحه
ولما قريت ورقه التقيم كاتبة لي شي زين بس ما امدحتني قالت انتي وايد جامده قاعده في مكانج انتقلي بين الادراج خلج قريبه منهم مع اني جدامها قاعده اتنقل من مكان لي مكان حتى لما قلت حق المدرسه الاولى استغربت قالت لي انتي اكثر ابله تمرين صوب البنات اشلون تقول جذي الناظره وهم بعد قالت لي الناظره خلي البنات يسألونج عن اللي مو فاهمينه بس للحين ما ني قادره استوعب ليش اطلعت واهي معصبه وتتنهد ما ادري
واللي ابي اعرفه ان بس راح يكون هذا اهوا تقييم
وانتو بمدارسكم يورونكم ورقة التقييم!؟؟؟
وهالتقييم اهوا اللي يوقف عليه الامتياز
انا قلبي كان مقموت حده لما شفت وياها معصب
بس لما رحت لها مكتبها كانت غير وكاتبه شي حلو وزين بس ما امدحتني كلش
حده ضايق خلقي
مو هذي اخر دخلة
عندج الكورس اليااي بعد بتحضرلج
وعادي معصبة بس تقييمج زيين
ولا تبتسم و تضحك زاتقولج ماكو احسن منج و بالاخير تعطييج 89
لاا انشالله انقهرت من دفتر بنية انه تصوييب ما تصوييب بسسسس
ويمكن اهيا عندها مشكلة تنفس ولا شي
لأنج اتقولين اتنهد
وكانت داشه الحصه الاخيره حق زميلتي بالقسم نفس الصف ونفس اليوم
واطلعت واهيا تبتسم حق زميلتي وتضحك
ولما راحت لها المكتب زميلتي تقول قالت لها انها حدها مستانسه وامدحتها وايد
وانا حدي متضايقه كل مره تدش علي المدرسه الاولى والموجهه فجأه من احسن ما يمكن
حتى التقييم لما اشوفه منهم استانس
وهالمره صج كاتبه شي زين بس تضايقت لانها ما امدحت حصتي و لما اطلعت معصبه وحتى البنات لاحظو هالشي
اسوء يوم في حياتي هذا
المفروض تطلع مبتسمه حتي لو في شي مو عاجبها
كنوع من تأثير علي نفسيه المعلمه والطالبات
اشلون خلت هالاحساس يوصل لهم
عالاقل بعد الحصه تقول ملاحظاتها عليج!!
بعدين جنون شلون مامدحت وانتي تقولن التقيم كاتبه شي حلو طيب … !
والله يا استيفيم كاتبه كلام وايد حلو بالتقيم بس لما دشينا يمعه مع المدرسات قالت لي النقاط الجمود بحركتي بالصف وانا اصلا قاعده انتقل بينهم من مكان لي مكان واني اخلي البنات اهم اللي يسألوني عن كلمه او جمله مو مفهومه مو انا اللي افهمهم كل شي !!!وهالشي اللي قالته مو مكتوب بالتقييم اشلون!!! ،،،و توني اكلم المدرسه بقسم ثاني تقول الناظره انها دشت اليوم حصه ما كانت عاجبتها كلش ،،، بس ما رضت تقول منو الابله اولا بأي قسم!!!
وبعدين مو ذنبي اذا موضوع الدرس جامد ما فيه شي
سوي اللي يرضى عليه ربج وبس
لاتتكدرين ….. ياكثر اللي يحبون الاحباط
انا دخلت علي الدفاتر مومصلحه والبنات موكاتبين الواجب وانا تعيين جديد
قلت لها انا عندي 5 صفوف مالحق اصلح لهم واتابعهم
خاصتا عندنا دفاتر اسلاميه وقرآن
قالتلي قبل نهاية الحصه امشي بين البنات وصلحي ع السريع بعدين جمعي الدفاتر عشان رصد الدرجات
اكتبت لي بالتقييم الملاحظه علي دفاتر البنات انهم مومصلحين
حتى دفتر العلامات ماستعملته بالحصه حطته سلبيه
لازم اعطي البنات اللي يشاركون درجات عشان الباقي يتشجعون ع المشاركة
وبس
الدنيا سهالات
وبالتوفيق يارب
بنات الحين التقييم اللي قريته ووقعت عليه ،،اهوا اللي يحدد مصير التقرير الامتياز وهالسوالف؟،،وجم النسبه اللي تحط عليها الناظرة؟
بنات واسوووني حدي متضايقه
بالعكس لا يضيق خلقج ولا شي واهم شي بالسالفه كلها انها امدحتج ما نقدت بورقه التقييم
ومو حلوه بعد تطلع مبووزه لووول والله صج تسبب احباط
فالله يعينج ما ادري اشلون اواسيج جنووونه
ان زميلتي انا شايفتها اشلون تشرح كل شي عايم على بعضه
دايما تخليهم يقرون الكتاب وتخطط معاهم من غيرما اتدشش المعلومه
ولما يبقى ربع الدرس ما اشرحته
ما تقوم تشرحه بالحصه اليايه اللي عليهم لا تدش بدرس يديد
واكثر من مره ادش عليهم الصف ويقولون ابله فلانه ما تفهم اشرحي لنا انتي
وصج عاد لان 10 بنات عندها رسوب و10 على الحفه
وانا ما عندي ولا طالبه راسبه واقل درجه يايبه 13 من 20 وجم بنت درجه كامله
ودايما احدد لهم بالكتاب واخطط واكتب اسئله واشرح ما اطلع الا واهم فاهمين لان اطلب منهم يسكرون الكتاب واكرر عليهم الاسئله ويكونون فاهمين ويجاوبون صح
بس سبحان الله هالدرس اللي دشت علي فيه الناظره جامد ما في معلومات حتى
مع اني يايبه وسايل وبطاقات وقراءات خارجيه بس بالشرح ماكو شي يديد
وحتى دفتر تحضيري مافي غير 4 حقائق
واطلعت لي واهي معصبه ومع زميلتي مستانسه!
الحين بنات لما تقيم الناظره بس يكون على الحصه والشرح والا حتى مستوى الطالبات وغيابي ورئيسه القسم والموجهه والوكيلات ما تستشيرهم!؟
اهم شي انتي ارضي ربج وسوي الي عليج وكاافي كلمة البنات لج ابله انتي تفهمين
ووقت التقارير اي الغياب يأثر وياخذون راي الموجهه ورئيسة القسم والناظره اكيييد
بس ما اعرف جم بايد كل وحده
الله المستعاان ويجعل هالعام الدراسي عام حافل بالتميزز والنجاح
موفقه