رحت اعاده هيكله وهذا ردهم عن بدل البطاله

هذيلة ناس متناقضة كل من يقط له كلمة ومايدرون وين الله قاطهم قبل ٣ اسابيع رحت لهم جيكولي قالو تستحقين البدل بس تعالي الاسبوع الياي
واول امس رحت لهم ولا تقولي تاريخ ٢٤-١٠ تعالي والحين يقولون لج هاليومين

أنا اول أمس رايحة ومثل ما قالت الإخت قالوا لي الباب يتبطل تاريخ 23-10

يصادف يوم الاحد بس قالت الاحد والثلاثا بس حق شباب الإثنين والأربعا بنات وما ذكرت لي أي شي ثاني عن موعد او إعلان…….

آنا رحت بدون موعد ولا إعلان ,,
بس بناآت اذا اسألوكم أذا بتتوظفين بالخاآص وافقي ,,
لأأن مايمشون إلا انج طالبه توظيف بالخاآص بس جذي وكل مااعرضوا عليج وظيفه ارفضي عاآآدي ,,
وماااايأثر على اسمج بالديوان كلش الا اذا وافقتي على الوظيفه بالخاص ,,
وطبعاآ يعطونكم موعد كل شهر لااازم ماتطوفينه وإلاا ماراح يمشولج بالشهر اللي طوفتي فيه الموعد ,,
وإذا طوفتي موعد دقي عليهم واخذي موعد جديد ,,
طبعاآ كل هذا مكتوب تحت بالورقه اللي يعطونج للمراجعه القااادمه ,,

وبالتوفيق ,,

ياحبوبه انا اخر السنه اللي طافت سجلت رفيجتي وخذيت لها موعد عن طريق الرد الالي وهذا رقمهم ١٠٣
وراحت ودت اوراقها وعقبه جنه بشهرين ينزلوا لها كل شهر ١٠٠ هي شهادتها متوسط
واذا تبين تعرفين الاوراق المطلوبه ادخلي موقع الهيكله شووفي والله ناسيه شنو الاوراق
وسالفة نطري للين ننزل اعلان ماعمري سمعتها
المهم دقي وحطي لج موعد والله يرزقج
وصج ترى لازم كل شهر تراجعينهم

واذا قالوا لج حابه تشتغلين بالخاص قوولي عادي مافي مشكله(:
والله يعيين

بنات شفتو مثل ماقالو لي الحين 103 وسجلة بياناتكم