تخطى إلى المحتوى
الرئيسية » زوجج يبي ينام

زوجج يبي ينام

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

قوة بنات

في كثير من الأحيان الزوج يسبق زوجته للفراش
ليش ؟
لأنه دايخ وفيه النوم

بينما زوجته مصحصحة وقاعده بالصالة مجابلة التلفزيون او اللاب توب او تسوي اي شي ثاني

لما زوجج يقولج فيه النوم ،، هل تحرصين انج تدخلين معاه تسولفين وتقعدين معاه الى ان ينام وبعدين ترجعين للصالة ؟؟
ولا يروح ينام بروحه ؟؟؟

هدفي من الموضوع
اتذكر امي تجابل ابوي ليما ينام تهمزه وتحك ظهره
اخوي ،، اذا بغى ينام هم ينادي زوجته حتى لو قاعده معانا
بس انا ،، زوجي اذا قالي تعالي بنام ،، اقوله مو انت بتنام ؟؟ ايي ليش ؟؟ لووووووول

فأضل قاعده بالصالة وساعات يتضايق ،، بس جد احس السالفة مالها داعي
يعني اهو بينام وحده دايخ ويكون قبلها نايم بالصالة ،، اروح ليش ؟؟
خاصة انا ياما سافر لشغله ودوراته لمدة السنة ،، وال 6 شهور ،، يمكن هالشي خلاني احس بقلة أهمية هالحركة

عاد احنا يالزوجات اذا دخنا ،، خنت حيلي نروح فراشنا بهدوء وأدب ،، هذا اذا كانوا بعد حزتها بالبيت اصلا

فما ادري
انتوا شنو طريقتكم !!
اهو الموضوع بسيط وما يعتبر مشكلة ،، بس هم الرياييل وعيارتهم يسوون احيانا سالفة من ولا شي

14 أفكار بشأن “زوجج يبي ينام”

  1. لا والله يروح ينام لحاله انا شكوووووووووو

    بعض الاحيان يقد ساعه ماينام انا وش ذنبي اقعد اهمز ولمز

    مسكينه هالزوجه

    يسلموووووو على الموضوع



  2. لوووووول ههههههههههه الله يقطع سوالفج مواتيني ضحك اما بسالفة ابوي امي تحك ضهره
    صاااااااااااااااااااااااجه عندنا وعندج خير لكن تعالي صح مدري حنا ليه نختلف عنهم اعوووووووواب مثلا اما علي قولتج بينام ودايخ حنا وش لنا نهز السرير هههههههههه



  3. حبيبتي

    خليج يم زوجج حتى لو يبي ينام بروحه

    راح يرتبط فيج اكثر

    وباجر تقدرين هالشي

    انه حتى لو سافر ماراح يقدر ينام

    اذا ماكنتي موجوده

    المساله مساله اترباط و تعود

    وفي زوجات تاخذ زوجها بحضنها و تنومه

    مثل البيبي

    وهذي اهي الي صح

    اما اذا تميتي على اسلوبج

    بيمل زوجج و يتعود على بعدج

    اعذريني لصارحتي

    تعلمي هالشي من امج ربي

    يحفظها و يطول بعمرها



  4. . احنا متعودين انام مع بعض وحتى لو ما ابي انام ادخل الدار اطالع التلفزيون او اخذ لاب توبي معاي واهو يشاخر وانا عالنت عادي :>
    حتى انا ما اعرف انام واهو مو يمي اناديه او انطره ومرات انام بالصاله يمه لمن يقوم ونروح الدار ,.




  5. تعالي بنام يعني تعالي نوميني ياحظي
    شعرفاج بهالسوالف

    واغلبهم اذا كان لهم عوايد بالنوم مثل المساج وحك الظهر ضروري تكونين عنده

    اما زوجي حاله خاصه!
    يطالع تلفزيون
    البرنامج او الفلم ما احبه
    واذا قمت قال تعالي خليج قاعده وين رايحه؟؟
    اقوله مادري اقعد مزهريه؟انت مندمج انا شسوي يمك؟؟؟؟؟



  6. اوووصللله لفراشه وانووومه واقوووله تصبح علااا خيير وعسااه نووم العواااافي وارووح لاني لو اقعععد ما راااح يناام اقرررق فوووق راااسه



  7. يااحليلكم …. : (

    اجل انا مااعندي تفااهم انا اللي انام قبله لووووووووول

    وش اسسسوي مقاابل النت + افلام وانا ادوووخ لا طولت واطفش

    عير شغل البيييت ييييعني بطاريتي تخلص قبله ههههههههه

    بعد التعديل …

    طبعا موب دااااايم الاغلبيييه مع بعض بس تجي اوقات انام قبله هههههه



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.