بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بنات زوجي تعود انا اذا تزاعلنا انا دايما اصالحه
والسبب اني اخاف الله و ما احب نطول بالزعل
والمشكله الاكبر ان لما نتصالح ما نتناقش بالمشكله و اسبابها
انا هالمره راكبه راسي وماني مصالحته وبيصيرلنا اسبوع
وامس سافر السعوديه ما تحملت
دزيت له مسج قلتله (ما ادري متى تنزل من برجك العاجي و من غرورك)
رد و قال (مشكوره على الكلام الحلو)
بنات ششسوي اب صراحه اشتقت له…
السلام عليكم
بنات زوجي تعود انا اذا تزاعلنا انا دايما اصالحه
والسبب اني اخاف الله و ما احب نطول بالزعل
والمشكله الاكبر ان لما نتصالح ما نتناقش بالمشكله و اسبابها
انا هالمره راكبه راسي وماني مصالحته وبيصيرلنا اسبوع
وامس سافر السعوديه ما تحملت
دزيت له مسج قلتله (ما ادري متى تنزل من برجك العاجي و من غرورك)
رد و قال (مشكوره على الكلام الحلو)
بنات ششسوي اب صراحه اشتقت له…
لاتستخسرين هالشي فيه ومهما كااااااان الرجال مايحب يعتذر
الله يسعدكم ولايفرق بينكم قولي اميــــــــن
علشان جذي لاتفكرين اليوم انج تغيرين الطبع وتنطرينه يصالحج
امرج لله
فمن رايي دقي عليه بس مو تصالحينه من اول شي لا..
اول تكلموا بالمشكلة شنو اسبابها و ليش صارت
خلي كل طرف يطلع اللي بقلبه و يبرر موقفه
جذيه احسن لج و احسن له .. تفهمون بعض اكثر
ترا في بعض الرياييل ما يعتذرون .. يعني حامض على بوز المره إن يعتذر لها.
ثانيا:في بعضهم نص و نص ممكن يعتذر و ممكن لأ..
أنا مثلج بالضبط نتزاعل و أرووح أنا و أصالحه …واااااااااي ما قدر على زعله
حتى لو ((هو)) الغلطاااان
لكن ألحين و بعد التجربة.gif "Eh S(15)")
و على حسب المشكلة إذا أنا الغلطانة أروووح و أعتذر
لكن إذا هو
لا
أحقره و بعدين يطفش لأنه متعود إني أجي و أصالحه و يجيني يعتذر
بس بيني و بينج …. شنو مشكلتج ؟؟؟.gif "Eh S(13)")
.gif "Eh S(14)")
.gif "Eh S(9)")
إذا بايخة … فكري فيها لا تنكدين على زوجج
و إذا عودة… ماكو إلا الحواااااار ..الهادي…… بس بدووون صراااااااخ و استرجاع لمشاكل قديمة
والله على كلامي هذا المفروووض يشيلوون د.فوزية الدريع و يحطوني بدالها
لوتنتهزين فرصه سفرته وتقعدين بينج وبين نفسج وتسألين نفسج ليش تصير المشاكل بينكم وشنهي الاسباب ومن البادي فيكم وحطيتي كل هالافكاربكفة وسعادتج مع زوجج بكفه ثانيه بتشوفين الميزان ماراح يستقر لانه كفة السعاده بتكون الارجح نصيحتي لج بدال ماتطرشيله مسجات تخليه يعاند ويكابر ويتأخر بسفرته ويطفش من البيت بسبب حنتج وزعلج طرشيله مسج وكتبي فيه….ظلمة حياتي بدونك يانور البيت واركانه
بتشوفينه يرجع من سفرته طاير فيج ويحضنج وتنسين كل التعب والمشاكل بابتسامه منج له
تركي عنج العناد وماكو احلا من الأنوثه لي رسمتيها بكل تصرفاتج وجوارحج الله يسعدج يارب ويهنيج ويرد لج ابوكم سالم غانم من الشر ولايجب بينكم زعل يارب
اختي رشيقه
عندي سؤال
شنو اهم؟ انا اعتذر اهو يعتذر والقصه اياها ؟ والا الحياه تمشي وتنتهي المشاكل؟
مهم منو انهي المشكله؟ بالعكس قولي انا محافظه علي بيتي وابي اشتري راحه بالي
دقي عليه خليه يتددددددددددلع ويطيح اللي براسه
في نوع من الناس مايعرفون يعتذرون ومايشوفون عمرهم غلطانين والا بلاج بواحد من هالنوع بتقعدين تناطيحينه؟ بتتعبين بوطبيع ما يوز عن طبعه
واذا تبين تغيير لاتحاولين وفي مشكله ترا بيركب راسه زود وزود
مع الوقت راح يتغير
وماينفع اسلوب العناد
لان اهو عنيد بتعاندينه بيعاند زود
اسلوب الدلع والتشرهه ينفع التناطح ماينفعصالحيه بعدين قوليهل ششدعوا حبيبي عنت عليك ياعمري تروح بدون لاتسلم علي واحنا متزالعين ومن هالحجي
اذا انتي نوعج ماتقدرين تتحملين لاتعتذرين روحي اتفاهمي معاه على طول وفهميه كل شي يعني تفاهم بدون تنازل او تدليل
وقوليله انا احتاج احس انك تراضيني وتدلعني فهميه كل شي