زوجي ومواجهتي له بالمحكمه وجذبه

السلام عليكم بنات

حبيت اطرح موضوع خاص فيني
وابي رايكم فيه بنات وشنو اسوي
طبعا اللي قاري مواضيعي بيكون عارف قصتي,,
بنات الاسبوع اللي طاف كانت المحكمه طالبتني بخصوص قضيه طلااااقي
طبعا يا بنات انا رحت المحكمه بروحي ,,,,وقاعده ادعي ,,, وقعدت بقاعة المحكمه انتظر القاضي والمحامي كان موجود مع المستشار ماله ,, بنات تخيلوامنو طلع قاعد قدامي وانا كنت اقرا مذكرة الدفاااع اللي معاها ,, طلعت محاااامية زوووجي
انا انجنت جنوني بققت عيوني وقعدت اقرا كلااااااااااام كله جذ بجذب عني وانقهرت ورحت للمحامي قلت اخوي المحاميه كاتبه جذي وجذي ,,, قال عادي اخت هند يعني تبينهم يكتبون شعر فيج <<< كان يحاول يطمني ويضحكني

شي طبيعي يكتب كل هذا بيطلع روحه من هالمصيبه اللي جايته بس لا تحاتين ,,
بس بنات جاني انهيار انقهرت
واللي صار بعد
ان لما جا القاضي وقاموا ينادون بالاساااامي وجت قضيتي رحت قريب عند القاضي انا والمحامي
والمحاميه جت ولا الزوج الحنوووون جاي صاروخ معاكم فلان الفلاني عسااااني اشوووف فيك يووووم ,,, وحوووبتي ما اتعداااااك لا انت ولا اهلك ياااارب ,,, والقاضي سأل قال سويت بطاقة وشهادة ميلاد ولدك ,, طبعا زوجي ماسوا ولا شي والاولد قاعد يمشي بالشهر الرابع ,, قال لااا وقال انتي سويتي لان انا طلبت من المحكمه اسوي شهادة الميلاد
عشان انا اسمي ولدي
بس للأسف رفضوا تبع الوفيات والمواليد مع اني جاني اذان من المحكمه
قلت لاااا رفضوا لان لازم ارفع قضيه على الصحه والمدنيه اطالبهم فيه
فالقاضي سأل اذا بسوي اول لأ المحااااميه ردت قالت ايه مستعد بس
الزوجه لما طلبت الاوراق رفضت تعطيييييه وقالت اخذهم بالمحكمه
انااااااااااااا عيووووني طاحت عاد المحامممي تكلم قال لا حضرة القاضي الموضوع عند الاخت هند
انا قلت هو ما طلب ولا شي مني لان انا ما استملت ورقة بلاغ مولود ,,,,اللي يستلمها الزوج وانا لقيتها بالمواليد والوفيات وخذيت صوره عنها ما عندي الاصليه وجذاااب هو طلب بطاقة بنتي الكبيره قبل لا اووولد ولما قلت ليش قال مو شغلج هذي بنتي قلت اجل اطلب الاوراق بالمحكمه ,,,
طبعا هو مااادرى عن المسجااات مالته اللي خاشتها مفاااجأه له لان بعد قبل لا يجيه الاستدعاء قال عطيني رقم حسااابج بحولج فلوس … وانا ادري انه هذا مستحيل يحولي الا عشان يطلعني جذابه قدام المحكمه وانه يصرف علي
,,, المهم القاضي اسأله تقبل الصلح قال اقبل ولما سألني رفضت الصلح ,,وهو وافق عالصلح عشان يصير الحق له ويصير تنازل مني,,
وانتهت الجلسه المحامي قال لا تطلعين عندي جم قضيه بخلصهم قعدي بالقاعه عندي وعند المستشااار لان زوووجي قاعد برا ينطرني
ومحاااميته طست ,,

طبعا عقب ما خلص المحامي رحنا الاصنصيرات ولا الاخ جااااي مشووووت ومافي غيري والمحامي والمستشااار وكاااان يخزني خززز وانا طالعته من فوق لتحت ورحت عند المحااامي قمت اساااسره اقول لا تخليني بروحي توصلني لسيااارتي ترا هذا مجنوووون في مرض وياكل حبوب نفسيه والله ,,, المحااامي قال ماعليج عاد المحامممي سأل زوجي قال انتي بس تحتاااج صورة لبطاااقة الزوجه مو جذي؟؟؟
عااااد زوووجي هني مسوي فيهااا ذكي حتى مافي أدب الاكلام او الرد
قال كللاااامك مع المحااااميه خخخخخخخخخخ
والله يابنات انا مسكت نفسي من الضحك هو عباله ان المحامي يبي يطيحه بلسااانه
وعاد المحامي انصدم من قلة ادب زوجي جان يقول هند امشي معاي وزوجي طاااارت عيونه وطلعنا من مكانا ورحنا الاصنصيرات الصوب الثاني تخيلوا بنات وانا طالعه ورا المحامي زوجي يسمعني كلمة استغفرالله استغفرالله مقهووووور مفلفل…
ولقيته ينطرني تحت برا المبنى
حتى قلت للمحامي لا تخليني وصلني لسيارتي قال مايقدر انا بقوف لج من بعيد مع المستشااار تخيلوا بنات قاااام يلحقني
وينزل ركض من الدرج يبي يقطع الشارع لسيارتي
اول ما فتحت باب سيارتي قام يركض يبي ينخش وانا ركبت سيارتي وقفلتها علي
وطيراااان كان ناوي لي نيه
,,, واللي قاهره انه مانعني من السياقه
بس انا اسوق من قبل لا اتزوجه ,,
بناااات ادعوا اللي ياخذ حقي منه ما قط ولا فلس على عياله من قبل لا اووولد والله لووولا ابوي مادري وين اروح
والمحامي طلب شهود عشان قضيه الطلاق بي المشكله زوجي يبي يجيب شهود
واللي هم اخوانه
عسى مامن اخوان,,, واخوانه جللااااب عزكم الله نفس نظامه محببين واهل سفر وضيااااع