سؤال حق اللي توهم مخلصين 12 علمي

بس اذا بتدشين معهد بالصيف انصحج تاخذين رياضيات + عربي + كيميا

هذول اهم شي لأن
العربي = أكثر نسبة ياخذونها بالمعدل
الرياضيات = اهو سهل بس خوفج الابله تركض بالمنهج وما تشرح كل شي وتالي تنصدمون بالامتحان
الكيميا = نفس سبب الرياضيات

المشكله الوحيدة اللي واجهتني بـ12 ان وايد عطلنا فاضطروا الابلات يركضون بسرعه بالمنهج
وماحلينا كل التمارين ولا عرفنا كل الافكار

الفيزيا مثل ماقالوا البنات الكورس الثاني واااااااااااايد أسهل من الكورس الأول
بس مو معناته الكورس الأول صعب

عموما أنا أحس ان فيزيتنا هالسنه وايد أسهل من 11
وانتي شدي حيلج صدقيني لو تدرسين أول بأول ترتااااااااااااحيييييييين وتروحين الامتحان وابتسامتج شقاقيه

يعني لما تردين البيت تحسين ان شي مو فاهمته أو نص ونص وتردين اليوم الثاني تسألين الأبله بالقسم هالمعلومة راح ترسخ في بالج

مو تقعدين ليلة الامتحان فيج البجية موفاهمة هذا ولا هذا وتتوهقين

تعرفين كتاب مهارات دراسية ؟
يبيعونه بمكتبة جرير أتوقع
ترى وايد فادني