][ سؤال للمتزوجات، المطلقات ، على ويه زواج ][

كله يرجع للنصيب ما تنفع طريقك في حساب كل شي
صحيح الزواج قرار خطير وما نقرره بسهوله لكن مره تقولين لا وباكر انت موافقه
والتازلات مطلوبه من كلا الطرفين يعني انا ما كنت ابي اصير مدرسه لكن برغبته صرت مدرسه ويمكن خيره لي وانا ما ادري

لا تتشرطين عند الزواج الا للامور الضروريه مثل تشتغلين او تسكنين بروحج او مع الحموله

غير جذي ما اعتقد ان في شئ ثاني

ههههههههههههههههههههههههههههههههههههه

وعسى الله يوفقج <— مهي راده على الأسئله زعلت

ثانكس سنابل على الموضوع الحلو

بالنسبه للزواج ,,,,, الصراحه ما دري من وين أبتدي ,,, تكلمتي عن الموضوع بكل جوانبه ,,, ما شالله عليج

الصراحه شي وايد حلو اني أشوف وحده مو متزوجه و تكون فاهمه معنى الزواج ,, لأن أغلبيه البنات على

بالهم الزواج ليله و تعدي,,,

مو عارفين ان الزواج يبدي بعد ما تنتهي هالليله ( ليله العرس),,,

بالنسبه حقي انا ما أعتبر ان اللي يصلي و يصوم انسان متدين أو نقدر نقول عنه ملتزم ,,,لأنه هالشي

المفروض ان كل انسان مسلم يسويه ,,,,

على العموم ,, انا برايي أن بند الشروط الموجود في عقد الزواج لازم ما يكون فاااضي , لأن الاسلام و لله

الحمد عطانا هالحق فليش نحرم نفسنا منه !!!؟؟؟

أهم شي برأيي ,,, ان الوحد تكتب ان يكون لها الحق انها تشتغل متى شاءت

2 – ان يكون لها الحق في السكن المستقل متى أرادت ,,, و يعني اذا ما سمحت الظروف في بداية الزواج انهم

يسكنون في سكن مستقل ,,, فتقدر ان تشترط السكن في سكن مستقل بعد سنه أو سنتين من الزواج ( على حسب )

3 – اذا كانت تدرس ممكن تشترط انها تكمل دراستها في أي وقت تشاء

حياج الله اختي جوري .. أثلجت صدري مشاركتج صراحة .. لأنها اجابت على تساؤلاتي ..

كنت وحدة فاهمة ان الزواج ليلة و تعدي .. بس الحين صار مجرد التفكير فيه ( هـــم )

عجبتني هالنقطة .. كلامج صحيح

هل ممكن تكون في شروط ثانية ؟ صراحة ماسمعت عن شروط ثانية احد اشترط ، هذا المتعارف عليه

يزاج الله خير يا جوري

اول شي مشكوووووووورة على الموضوع

وثاني شي انا ريلي كان يبيني 6 سنين بس كنت ارفض ليش ما اعرف يمكن لاني ما ابا ابتعد عن اهلي والغربه وحاله واشوف امي واختي يرفضون مب راضين فانا ارفض… بعد هذا صار النصيب بعد ما ادخلوا الاهل كلهم علشان اهلي يرضون طبعا اهل اللي ادخلوا….

اما عن الشروط والله ماكانت عندي شروط بالنسبه له لكن اول موضوع فتحته معاه اساسيات علقتنا الزوجيه يعني هو موت يحبني بس ما خليت الحب هو اول ساس في حياتنا اول شي الاحترام والصراحه والتفاهم وبعدين الحب فبنينا حياتنا على هل الاساس والحمدلله ماشي حياتنا سمن على عسل الله لا يغير علينا ياربي واتمنى من كل وحده مقبله على الزواج تبني حياتها على هل اسس لانها وايد مهم…..

انا من رايي انه الصراحه والحب والتفاهم
اهم اهم اسباب نجاح الحياه الزوجيه
والحياه الزوجيه فيها تضحيات وتنازلات وايد
والمشاكل الزوجيه بعد تقوي العلاقه بين الزوجين ولا ليش سموها بهارات الزواج
لانها على كثر ما تلسع وتحر القلب بس حلوه تعطي معنى للحياه
انا من رايي ما اهتم بالشروط وايد وزوجي اذا يحبني اكيد يبي راحتي انا بالنسبه لي كانت لي وايد شروط
بس كل هالشروط تنازلت عنها عشان ريلي لاني احبه واعرف ظروفه واهو لو ما يحبني جان ما يه يخطبني جان لعب علي مثل بعض الشباب فعلى هالاساس قبلت اني اعيش مع اهله مع اني كنت رافضه هالمبدأمن قبل

كنت ابي وابي وابي بس سبحان الله رضيت بكل شي عطاني اياه والحمدالله صبرت عليه
واهو ما قصر معاي اول ما تعدلت اوضاعه طلعني بقه
وكل ما بغيت شي ما يقصر علي والحمدالله على كل شي

وينكم يا بناااااااااااااااااااااااااااااااااااات