حياكم الله هل الستيك اعتقد الكل راح يحبه طعم مو طبيعي صج خيال تاكلين وما تشبعين منه بس قبل ما اكتب موضوعي انا لا حظت شغله اللى يدخلون الموضوع الف واللي يردون على الموضوع عشره والاستفسارات كل دزونها على الخاص والحين اذا ما رديتو على موضوعي بحرمكم من طبخاتي واكل بروحي 
اخذي قطع الستيك وتبليها بس فى فول الصويا + زيت + خل + بصل مبشور وخليها اكثر من ساعتين بالثلاجه
وعلى طول على التاوه مسحيها بزيت خفيف جدا وقلبيها لما تتحمر عندج وينشف الماي منها وتصير بالشكل هذا
سوي الصلصة بروح اللى اهي عباره عن بصل مقطع جوانج + ثوم + بهارات مشكله + قليل من صلصة الصويا + دبس الرمان شويه لا تكثرين + ملح اخر شي ضيفي الكريمه للخفق واتركيها على النار لما تثقل شوي صبي الصلصه فوق قطع اللحم بالطريقه هذي
وقدميه وبالعافيه جدا سهل وسريع وطعم فوق الخيال وايد عجب زوجي
حياكم الله هل الستيك اعتقد الكل راح يحبه طعم مو طبيعي صج خيال تاكلين وما تشبعين منه بس قبل ما اكتب موضوعي انا لا حظت شغله اللى يدخلون الموضوع الف واللي يردون على الموضوع عشره والاستفسارات كل دزونها على الخاص والحين اذا ما رديتو على موضوعي بحرمكم من طبخاتي واكل بروحي
اخذي قطع الستيك وتبليها بس فى فول الصويا + زيت + خل + بصل مبشور وخليها اكثر من ساعتين بالثلاجه
وعلى طول على التاوه مسحيها بزيت خفيف جدا وقلبيها لما تتحمر عندج وينشف الماي منها وتصير بالشكل هذا
سوي الصلصة بروح اللى اهي عباره عن بصل مقطع جوانج + ثوم + بهارات مشكله + قليل من صلصة الصويا + دبس الرمان شويه لا تكثرين + ملح اخر شي ضيفي الكريمه للخفق واتركيها على النار لما تثقل شوي صبي الصلصه فوق قطع اللحم بالطريقه هذي
وقدميه وبالعافيه جدا سهل وسريع وطعم فوق الخيال وايد عجب زوجي
يسعدني اني اول من رد على موضوعج كثري من الطخات هذي الله يخلي لج زوجك ولا يفرقكم عن بعض اهو اللي مستانس بالاكل ياااااااااااااااحظه هههههههه عليكم بالعافيه
يسعدني اني اول من رد على موضوعج كثري من الطخات هذي الله يخلي لج زوجك ولا يفرقكم عن بعض اهو اللي مستانس بالاكل ياااااااااااااااحظه هههههههه عليكم بالعافيه
ضحكتيني والله كلامج حلو خلاص ما راح اكل بروحي عشان كلامج الطيب ومشكوره على الدعوه الطيبه وكتبي لنا تجربتك اذا سويتي الستيك صج طعم خيال ودايما لج بصمه حلوه فى مواضيعي
اسعدني مرورج
شكل الاكل مو طبيعي بصراحه يشوق
الله يعطيج العافيه و تسوين لنا اكلات احلا جذيه
>> ماحب المطبخ
بس احب الاكل
شكل الاكل مو طبيعي بصراحه يشوق
الله يعطيج العافيه و تسوين لنا اكلات احلا جذيه
مشكوره يالهاجريه على المشاركه 00 صج لا يطوفك طعم خيال والله يعافيج
روعة طباخج عسى الله يهني ريلج فيج ولا يحرمكم من بعض
وتسلم إيدج
عاد صج مشى ريقي وآنا أقرا
يبيلج حبيبتي تسوين ملف كااااامل حق الطبخات الرئيسية وملف ثاني حق السلطات
وبغيت طريقتج بالبطاط المهروس شكله يشوق
انحطت بالفافورتس
بكل المواضيع اللي أنزلها ألاحظ يدزون لي عالخاص بس ما يشاركون ويشجعون داخل الموضوع نفسه
أكيد أرد عليهم بس أحلى يشاركون داخل الموضوع وتعم الفايدة
>> ماحب المطبخ
بس احب الاكل
اولا مشكوره على المرور 00 وثانيا انا عازمتك مقدما والله الطعم صج رووووووعه وسهل وسريع سويه وكتبي لنا تجربتك
اسعدني مرورك
روعة طباخج عسى الله يهني ريلج فيج ولا يحرمكم من بعض
وتسلم إيدج
عاد صج مشى ريقي وآنا أقرا
يبيلج حبيبتي تسوين ملف كااااامل حق الطبخات الرئيسية وملف ثاني حق السلطات
وبغيت طريقتج بالبطاط المهروس شكله يشوق
انحطت بالفافورتس
مشكوره على الدعوه الطيبه ووفقج ان شالله ومرورج ومشاركتج اهو الاروع بالنسبه للبطاط المهروس انا ما اخليه حيل ذايب اهرسه وازيد عليه حليب وفيه خلطه حلوه اصورها لج ان شالله احط قفشه وحده على البطاط واضيف له ملح وفلفل اسود مجروش وقليل من زيت الزيتون اطعم من الزبده
بكل المواضيع اللي أنزلها ألاحظ يدزون لي عالخاص بس ما يشاركون ويشجعون داخل الموضوع نفسه
أكيد أرد عليهم بس أحلى يشاركون داخل الموضوع وتعم الفايدة
والله حتى انا ارد عليهم بس ماشاء الله رسايلهم بالخاص اكثر من العامه ونفس الاسئله لما تكون بالعامه اعتقد مره وحده نجاوب والكل يستفيد على فكره الصلصه اللى اخلطها مع البطاط اهي Rich Mushroom فيه انواع وايد بس انا احب هذى لان فيها قطع مشروم وساعات احط معاها حبات ذره قليله جدا وحياج الله
تسلم ايدج ويعطيج العافيه بس بسئلج شنو اهوه فول الصويا وين القاه؟؟صوب صوص الصويا ؟؟
تسلم ايدج ويعطيج العافيه بس بسئلج شنو اهوه فول الصويا وين القاه؟؟صوب صوص الصويا ؟؟
يلا جربيه هالستيك وكتبي لنا تجربتك صج سهل والطعم راح تذوقينه ان شالله وايد حلو اقصد صوص الصويا ودام انتى يديده على المطبخ قدميه مع الذره ما يبيلها شغل فتحي علبه وحده ذره حب يبي الجدر حطى فيه زبده فلفل اسود ملح ليمون وضيفي الذره عليه لان الستيك دسم ويبيله سلطات خفيفه واذا حابه نفس السلطه اللى انا قدمتها لزوجي شرايح خبز طوال اقليه بالزيت وصفيه بصحن وضيفى الورقيات اللى عندج بس بترتيب بقل خس جرجير خيار قطع بيديان كلها خليها نفس الطول ورشي عليها اى تتبيله انتى تحبين وحياج الله لاي سؤال
مشكوره على المرور
مشكورة حبيبتي وخوش فكرة صلصة المشروم تعطي طعم ونكهة
لاتحرمينا من أفكارج يالحلوة
لاتحرمينا من أفكارج يالحلوة
حياج الله 0000 اسعدنى مرورج