شكثر طولتي بالرضاعه الطبيعية ؟

انتي لأنج أول مره ترضعين من جذيه ماله ، نفسي
انا في بنتي الأولى رضعتها 6 شهور تقريبا وندمت ليش ما كملت الرضاعه معاها
وبعدين يبت ولدي ورضعته سنه الا شهرين بغيت أكمل السنه بس طلعله ضرسين اسمالله عليه ماقدرت أكمل كان يعورني

بس حرام هذا الحليب حق بنتج لاتحرمينها من حنانج على الأقل كملي السنه

وانصحج اقري عن فوائد الرضاعه الطبيعيه وشوفي الاعجاز اللي فيه ، راح يشجعج على الاستمرار في الرضاعه

انا تقريبا 20 يوم في بناتي بس غصبن علي لان مافيني حليب نقط نقط ومايشبع حليبي لدرجة بنتي وانا نفاس توها ام اسبوعين نقص وزنها والدكتوره زفتني لان حليبي موكافي واضطريت اعطيها صناعي ومتحسفه لاني كنت اتمنى ارضعهم طبيعي
واذا فيج حليب حرام عليج حاولي تعطين الياهل كثر ماتقدرين

اول شهر شهرين راح تتعبين بعدين بيصير عاااااادي جسمج ووضعية قعدتج بتتضبط بيصير عندج عادي تسولفين وترضعين بدون مشاكل باذن الله

ودايما سندي ظهرج بمخدات مريحة

افضل للبيبي وافضل لج الرحم يرجع مكانه الطبيعي اسرع

والله يقويج

استمري

شوفي حبوبه

انا نفسج أول أيام كنت أحاتي واااااااااايد شلون أرضع البنت وانا بره وشلون وشلون

بس بعدين حسيت احساس غريب لما بنتي تكون قريبه يمي

وبعدها صرت ما أرتاح الا لما أرضعها من صدري

وتميت سنه و3 شهور أرضعها

والله كانت البنت اسم الله عليها متبتبه والله بس قطعت عنها الرضاعه الطبيعيه

والله صارت تخرع ضعيفه أحس الحليب الصناعي ولا ابيزه

وحتى بالطلعات عادي أدخل بغرفه مافيها أحد وأرضعها
شالمشكله كله علشان البيبي يهون

انتي شكلج دايما ترضعينها بوضعيه الجلوس
لازم تغيرين شوي
يعني نامي على السرير وتمددي على الجنب وخلي بنتج تمدد على جنب بعد وراسها على كتفج وخليها ترضع
وراح تشوفين الراحه في الرضاعه وبنتج بعد مرتاحه وراح ترضع فتره أطول
انا من جذيه طولت بالرضاعه ويه ولدي بس لو ما هالضروس جان للحين أرضعه
وانا اتفق ويه البنات انتي تعدي أول 3 شهور وجسمج راح يتعود على وضعيه الرضاعه

بس حرام هذا من حق بنتج لاتحرمينها من رزقها ، واذا بتطلعين أو بتروحين الدوام عطيها القواطي
احنه كله نسوي جذيه

انا رضعت شهرين و ووقفت لان خف الحليب و لسبب ثاني ان فيني امساك مزمن مسكينة انتقل لها ماقامت تخرج و تتعصر و تبجي و مازادت الا كيلو ونص لين وقفت الرضاعة و انا ضايق خلقي كان ودي اطول بس بعدها تخرج كل يوم فاذا ماكو سبب قوي يمنعج ترضعين رضعي و استمري بالرضاعة

اختي لا توقفين رضاعه ، الحمدلله ولدي 9 شهور و للحين ارضعه و انشاء الله ناويه لي سنتين اول فترة تشوفينها صعبه بعدين تصير وايد سهله ، و بالنسبه للطلعات تقدرين تشفطين لها حليب و تخزنينة و لي طلعتي يسخنونه لها و تشربه