شلون أتخلص من حشرات الفراش ؟

8
8
8

مع بوبا

ياقلبي

ادري الحل مو شي

بس طيعيني

علشان ترتاحين

هذي الحشرات طفيلية

يعني بس اتقومين اتكون بحالة متجمدة

لازم تبديل الاثاث

و رش المبيدات اللي اهو اللي تبين دوا الجرب

لاتقربين من البيت 3 ايام

انا مريت بنفس المشكلة

صراحة اثاث البيت كله بدلته

بما فيها غرف البنات

بلوة هالحشرات الله يعينج حبيبتي

الله يعينج ولا يبلي احد جد هذي الحشره كرييييهه وماني عارفه اطلعها من بيتي صارلي قريب السنه ولي الحين ماراحت
بس الحمدلله رب العالمين راحت من غرفة عيالي والصاله وهذا اهم شي عندي
باقي غرفتي تروح الحشرات وترد مره ثانيه

جربي هالطريقه وان شاءالله بتروح كلها مثل ماراحت من غرفة عيالي والصاله اهي متعبه بس مضمونه اذا مافي جلد عالاثاث

اول شي اشتري مكواة البخار او جهاز بخار هذا اهم شي لان البق مايتحمله كلللللش ويقضي حتى على البيض مال البق
غسلي الكفرات والاغطيه كلها بماي حار وايريال وكلوركس ولما تنشف اكويها بمكواة البخار عدل بعدين تقدرين تستعملينهم
اذا شاكه ان الملابس فيها بق غسليها كلها وبمكواة البخار عقميها واذا مافي بالملابس طلعيهم من الكبت ورشي الكبت بالغاز او البانزين وردي حطي الملابس ورشي عليها كلونيا
الماترس اكويه عدل بالبخار ركزي عالاطراف وبالفرشه فركيه ب كلوركس ابيض وديتول بعدها رشيه بالبانزين او الغاز وخليه ينشف واشتري تلبيسة الماترس النايلون ولبسي الماترس
الستاره تخلصي منها نصيحه ماراح يروح منها كلش حتى لو سويتي اللي تسوينه لانه مايبين البيض اللي فيها
السجاده افركيها عدل بالكلوركس والصابون والديتول وخليها بالشمس اسبوووع بعدين اكويها بمكواة البخار
السرير فككيه قطعه قطعه ومرري عليه مكواة البخار عشان يذبح البق والبيض بعدها رشيه عدل بالبانزين او الغاز
ورشي الطاولات والكبتات حتى من ورا
الارضيه او السيراميك جيبي طشت حطي فيه جل العملاق الاخضر شويه وكلوركس ابيض ضرووري لانه يذبحه وشوية غاز او بانزين شويه بس لاتكثرين وماي ومسحي الارضيات فيه
الشبابيك مسحيها بالكلوركس الابيض ورشيها بشوية غاز او بانزين
الباب رشيه بالغاز او البانزين
وانتبهي الكهرباء اللي بالغرفه تكونين فاصلتها كلها والغاز تكونين حاطته ببخاخ اسهل لج بالرش وحتى الكلونيا حطيها ببخاخ ورشي الملابس بس اللي بالكبت وحطي بالكبت كور النفثالين
بطلي الشباك وخلي الغرفه على هالحاله يوم كامل وتكونين مسكره الكهرباااااا كلها حتى الليتات

اليوم الثاني مسحي الارضيه بالديتول مع شوية كلوركس ابيض ومسحي الباب وردي كل شي بمكانه
وبخري الغرفه ببخور البان وان شاءالله بيروح البق

انا افضل انج ترمين المخدات وتشترين كفرات خفيفه تستعملينها مدة شهر بس الكفرات اللي بلولو هايبر وستي سنتر على دينار ودينارين ولما تتاكدين ان البق راح من الغرفه ترجعين كفراتج القديمه

هذي الطريقه راح تكررينها مره ثانيه نفس الطريقه بالظبببط بعد اسبوع ونص عشان البيض يفقس مره ثانيه بعد اسبوعين

ولاتنسين تهوين الغرفه يوميا الصبح خلي الشمس تدخل الغرفه يوميا وبخور البان يوميا وتنظيف الارضيات يوميا

وتاكدي ان الباب والطوفه مافيهم شقوق واذا في لازم يتسكرون وترشينهم بالغاز او الكلوركس

واكيييد بيروح اذا سويتي هالطريقه
انا من غرفتي مو راضي يروح لان اثاثي فيه جلد واهو ينخش بالجلد لازم اقطه واشتري يديد

بس ديري بالج لما ترشين البانزين او الغاز
والله يحفظكم ويبعده عنا وعنكم ان شاءالله