شنو الموقف اللي خلا زوجج يكبر بعينج

٣٧٠ قراءة ولا رد !!!!!! ياحبكم للمواضيع النكدية اما المواضيع الزينة اللي لها قيمة محد يبيها

وايد امور .. اذا امه وابوه تعبانين اهو يجابلهم ومستحيل يوخر عنهم ..

وفي مره ابوي طاح بمشكله .. وخسر كل اللي عنده وكان عليه ديون مبالغ فوق نص مليون .. ريلي ما قصر ووقف مع ابوي وقفه ما انساها ووقف معاه احسن من اهله الي لمن شافوه ما يملك شي خلوه والحمدالله وقف ع ريوله من يديد وسدد ديونه ورجع فلوس ريلي ولله الحمد

موضوعج حلو الصراحه

عندي خالتي الله يشافيها حاشها

مرض اللوكيميا وسفروها فرنسا تتعالج

وحزتها كنت في فتره ملچتي وبعد

٤ شهور صار عرسي وخالتي مارجعت

وسافرت شهر العسل فرنسا جان ياخذني

ريلي حق خالتي ازورها واتطمن عليها

وخلاني اقعد عندها وراح عشان ناخذ

راحتنا ومن يومها عايلتنا كلها تمدح

فيه يقولون معرس وبشهر العسل

وماقصر وداها لخالتها والحمدلله مو بس

كبر بعيني كبر بعين العايله كلها

الموقف اللي ما انساه مرة. زار عمة امه. وهي عجوز مخرفه شفته ظمها وبجى مانسيت هالموقف. وهو يقول. من ريحة امه الله يرحمها

ومعاي.

لما نمت بالمستشفى عند العرف نام معاي بنفس الغرفه

هالموقف. يشفع. له في. كل مواقفه السخيفه معاي

الله يهديه ويسخره لي

ماشاءالله تبارك الرحمن الله يخلي لكم رياليكم
ويعيني على مابتلانا من ريال حسافه فيه كلمة ريال

عفيه دشوا على موضوعي بنفس القسم ونصحوني عفيه اللي سعيده وياي ريلها او عندها خبره تنصحني شنو اسوي بستخف

الموقف الي خلاه يكبر بعيني وحده دشت علي واتسب تتهمني أني بعلاقه مع زوجها وان لي محادثات مصوره ومن هالكلام السخيف وريت زوجي والله يابنات مافكر يشوف قال خليها تولي تبي لج هدام البيت على العلم ان زوجي مع الهيئه عندنا فالسعوديه يعني عندهم قضايا الابتزاز مافكر الحمدلله يشك فيني ويقول أاني. خاينته