شنو تنصحوني اذا الجاهل راسه فوق

مااضن اللى اعرف لزم راسه تحت

ترى مع الحركه يتغير وضعه وبعدين بالتاسع انشاللله يتغير الوظع اسالى دكتوره مالت الحوامل

شوفي ياقلبي انا صارلي مثلج بالضبط ببجري ومابقا شي ماسويته حبيت سجدت رفعت ريلي سويت حركات بهلوانية جني بسيرك انا وبطني كل هذا في سبيل انه يلف واولد طبيعي لاني الصراحة مانصحج تولدين من مقعدة فيها مضاعفات لان حجم المقعدة اصغر من حجم الراس فاحتمال تطلع مقعدته ويعلق راسه لاسمح الله وبعدين تتشققين وتتعبين وايد وفيها خطورة عالبيبي يختنق الله لا يقوله ولا يصير فيه شي هذا كلام الدكتورة طبعا مو كلامي انا قعدت وفهمتني وشرحت لي بالتفصيل عن الوضع لاني كنت اتمنى ومصرة اولد طبيعي وكل يوم ابجي وادعي مابي عملية مابي قيصرية لما ذاك اليوم صليت صلاة استخارة وقعدت أدعي ربي وبعدها سبحان الله بعد ماكنت رافضة رفض قاطع القيصرية مادري شاللي خلاني اتوكل على الله واقول حق دكتورتي خلاص ماني ناطرة الطلق بولد قيصرية والحمدلله سهاااااااله نمت قمت كل شي خالص لا طلق ولا تبهذل ولا تعب صج عقب شوي تتعبين بس عالاقل لا انتي ولا البيبي تمرمطتوا وصارفيكم شي الصراحة اختي انصحج من قلب تصلين استخارة وتتوكلين على الله وتولدين قيصرية والله يسهل عليج اختي

حبيبتي انا نفسج ببجري كان الراس فوق بس بصراحه ماطولت بالسجود ولامشيت على تراب البحر ولاحبيت

والاطباء قرروا لي قيصريه والحمدالله على كل حال بس انا كان معاي ضغط

بس انصحج بالحبي وطولين سجود والمشي على تراب البحر

والله يسهل ولادتج وتولدين طبيعي وان شاء الله بعد انا وكل البنات يارب

حبيت اضيفلج شغله يمكن تنفعج..

انا سمعت ان دكتورة بهواني ( بمستشفى الهادي)..

عندها طريقة انهاا تلف راس الياهل وفي وحده مقربة لهل ريلي سوت هالطريقة..

نفس حالتى وولدت قيصريه والحمد لله

ترى الولاده القيصريه ما تخوووف والله يسهل عليج ان شاء الله

حبيبتي لا تحاتين انا جذي قبل ولادتي بأسبوع رحت حق الدكتور وقال طولي بوضعيه السجود وبعد هو حاول يفر الياهل بيده يعني حط جل على بطني وفره وافتر معاه بس سبحان الله رد مره ثانيه راسه فوق بس يوم صليت وطولت بوضعيه السجود صدقيني اني حسيت ان الطفل افتر لدرجه بالليل نزل الماي وولدت بسهاله وطبيعي

شوفي يا عمري أنا ما بقا استشاري ما ما رحت كنت مثل وضعك عندي بنتين طبيعى و الثالث راسه فوق وقلولي تبين طبيعي عن طريق المقعدة بس خطر عليك على البيبي قلت شلون خطر على الرحم وممكن الجاهل يطلع بالمقعدة وتعلق ادينة و تنفصل و تعالجينة طول عمرة انصحك بالقيصرية و ياحلوها ما اتحسين بشي اللهم تتعبين لما تخلصين من البنج لمدة يومين