بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
شلونكم يالغاليات وعيدكم مبارك وكل عام وانتن بخير وتقبل الله طاعتكم وقرقيعان وقرقيعان ………امبيه نسيت نفسي
حبيباتي بغيت خدمة غير مكلفة ابي طرق حلوة لتقديم المهرللعروس لاتسالون لمنو بس ابي افكار بليز باسرع وقت ممكن
السلام عليكم ورحمة الله وبركاته
شلونكم يالغاليات وعيدكم مبارك وكل عام وانتن بخير وتقبل الله طاعتكم وقرقيعان وقرقيعان ………امبيه نسيت نفسي
حبيباتي بغيت خدمة غير مكلفة ابي طرق حلوة لتقديم المهرللعروس لاتسالون لمنو بس ابي افكار بليز باسرع وقت ممكن
وومعاه مصحف
وبتوفيق
يعني يكون الصندوق فاضي من فوق وانتو اتحطون المهر ( وعندي فكره كل 500 دينار تربطونها بشريطه حلوه وتربطونها فيونكه بس اتكون الشريطه حلوه ونفس لون الصندوق وعليها شغل حلو)
ويكون بالصندوق عطورات وبخور ودهن عود كل جاهز من عندهم
او اتروحين لبوابة الهدايا يسوون لج صندوق على حسب الطلب بس روووعه شي مو طبيعي
وعندهم شغلات جاهز اتشوفينها ويسون لج مثلها واتغيررين فيها
واتحصلين مكانهم يم مجمع المهلب يصير اقبال كلية الدرسات التجاريه
حبيبتي اليوم هابين هبااات مو طبيعيه بطرق عرض المهر مثل الفترينا
يعني بالكهربا تشتغل حتى لو انتي ما تعرفين اهل العروسه تجين وتوصلين المهر بالكهربااااا
اهي اول شي تاجرين لج ستاند زجاجي وقواعده جلد من محلات متخصصه بهالشي ( اذا تبين اسألج ابشري )
وتصفين فيه اول شر الشبكه بالواجهه وبعدين تحطين رزمات المهر وهي مغلفه بوكسات وشرايط تحت باخر طبقتين
وهو يفتر الستاند شكله يهههههبل بصراحه طاحت عيني عليه عقب ما شفته ( مهر اختي جذي ) >> طاح حظي مو انا هههههههههههه
او تقدرين تسوييين المهر جنه ( gift ) هديه تصير كبيره وفخمه من براااا وشغل سنع ولما يبطلون الهديه يلاقون نفس الهديه الكبيره
بس حجم اصغر فيهم الرزمااان مالت المهر ,, واذا فيه شبكه معاهم سويله بوكس ثاني نفس الطريقه بس هالبوكس اول ما يتبطل
يكووون فيه فلين وملبس حرير او ستااان بطريقه كلاااسي وتوكون الشبكه مثبته فيها من داخل والشرايط اللي برا البوكس نفسها داااخل
بطريقه حلوووه …
ووووو يا ريت اكون افدتج جبتلج الفناتق اللي شفتهااا اما المعتاااد :
هي طقم سلاااال مثل الحديد المطروووق بس مو حديد هي ومن داااخل فيها ورد طبيعي مقطع وغطاااتها تصير سيييده مو مبطله
وتنحط فيهااا وحده المهر وثانيه فيهااا عطوووور فرنسيه والثالثه فيهاااا المخلطات والعود والبخووور والرابعه فيها طقم مباخر
وخامسه طقم قميص كامل بس ساتر مو اللي خبري خبرج هههههههههههههه وبس الشبكه تكوووون بروووحها مع بوكسهااا العادي ..
هذي للناس اللي يحبووون يدشووون على الناس ايدهم ملياااااانه عشان يكسبون الرضا …
واما البوكس الكبير اللي فيه الخلطات والبخووور وورد مجفف والمهر بالنص هذي المعتااااده ..
ووو بس فديتج وموفقين منو ما كان له هالموضوووع فديتج ماراح نسأل ههههههههههههههههه …
تروحين المرشود عندهم صناديق فيها عود وبخور وبالوسط مكان حق المهر وبراس الصندوق يكتبون اسم المعرس والعروس
شيسون ,,, صراحة شفت شقلهم ابدااااااااااااااع حدة …
تبين طريقة مودرن ؟؟
سوي جيك من البنك بالمبلغ
وحطيه بعلبه مغلفة مع الدبل
أو….
فتحي حساب فالبنك
وحطي فيه المهر
وقدميه ببوك ماركة
وجنطه ماركة حق العروس
يعني انا رايي انه لاتعطينها كاش…
كرت بنك.. أو جيك
طريقة حديثه شوي
انا امي سوت جذي اخوي الكبير تزوج العام وحطت صندوق فيه عطور وبخور وياه المهر
وروحي لقصر الهدايا او بوابه الهدايا يم بعض اقبال كليه الدراسات التجاريه عنده اشكال وع الطلب
وووبالتوفيق
روحي الدرر المنثور
يسوون لكم صندوق وعليه الاسامي او اي عبارات تبينها
او صندوق على شكل كبت تفتحينه من فوق حق المهر
ومن تحت مثل الكبت حق الهدايا وانتوا فنتقوا بالهدايا مثل ( ساعه ماركه – طقم ذهب ابيض – جم قميص نوم راقين – بخور وعطور …الخ )
شوفي حبيبتي بقولج فكرة وايد حلوه ومفيده
بدال لا تحطين المهر بصندوق ……. اشتري شفنيرة اللي تصير مع الاثاث بس تقدرين تشترينها بروحها
بعضهم يكون فيها ادراج وبعضهم تتبطل مثل الكبت
وانتي و فناتقج حطي المهر بجيسه مخمل و وديها الخياط يطرز عليها اسم المعرس والعروس
وتقدرين تحطين كل الف بجيسه
اما الارفف الباقيه اختاري شنو تحطين فيها :
1- الشبكة 2- الدبل 3- ساعه ماركه 4- شيله ماركه 5- عطور فرنسيه 6- عطور عربيه
7- بخور 8- جنطة ماركه 9- كتاب ينفع للعروس وتكونين مغلفته بشريطه عليها اسماء المعاريس
والعروس راح تستفيد من الشفنيرة وتحطها بغرفتها وتستخدمها
وفي فكرة ثانية :
تشترين مثل الاستاند يكون فيه مثل القمع حق الشمع مثل الصورة اللي تحت بس راح تلقين اكبر منه واحلى منه
وتحطين مكان الشمع المهر طبعا تقسمينه على عدد الاقماع
مثلا كل قمع فيه الف دينار
والالف تقسمينه كل 200 بروح وتلفينهم مثل السيجارة وتحطينهم بمكان الشمع بطول تلفيت بصير عندج كل 5 سيجارات بقمع
ان شاء الله تكونين فهمتي شرحي
وتقدرين تحطين باقي الاغراض في علبة او صندوق
ادعيلي الله يوفقني بزواجي