بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
ولدي عمره 3 سنين
وكل شهر حرارة بسبب اللوز وتقعد الحراره فيه اسبوع او اكثر وماتنزل بسهوله
وقال لي الدكتور لازم يسوي عملية يشيل اللوز
انا ماراح اسويله لانه توه صغير
بس اللي تعرف دكتور او دكتورة شاطره تسوي تنظيف حق اللوز
ترد علي
وجزاها الله خير
السلام عليكم
ولدي عمره 3 سنين
وكل شهر حرارة بسبب اللوز وتقعد الحراره فيه اسبوع او اكثر وماتنزل بسهوله
وقال لي الدكتور لازم يسوي عملية يشيل اللوز
انا ماراح اسويله لانه توه صغير
بس اللي تعرف دكتور او دكتورة شاطره تسوي تنظيف حق اللوز
ترد علي
وجزاها الله خير
ليش صغير يا عمري ؟؟؟ ليش انا ولدي نفس الحاله كل شهر مريض وحراره و عفسه ليمن تشنج مرتين وقالي الدكتور اللوز تاعبته بشكل مو طبيعي لازم استإصال قلت واذا سويت العمليه ولدي يرتاح؟؟قال اكييييييييد
عمر ولدي يوم اسوي العمليه سنه وست شهور والحمدالله لك يارب الحمدالله افتكيت وطحت من راس طوفه اول على طول بالمستشفى وننام في المستشفى وحاااله الله لا يعود ذيك الايام … بس الحين حتى لو تغير عليه الجو وصخن ما ترتفع الا 37.8 هذا حدها
ولما تقولين صغير … تدرين شقاعد يصير فيه لما يمرض؟؟؟
اول شي الحراره للصغير مو مثلنا احنا وشوفي شيصير فينا
الحراره تموت خلايا المخ … الحراره تتلف الاجهزه الداخليه
الحرااااااااااره تعفس الجهاز الدوري بكبره …. اول شي خفت على ولدي بس الدكتوره الثانيه صرخت علي تقولي ولدج قاعد يموت وانتي تقولين لا؟؟؟!!! فرضيت وتوكلت على الله
على فكره اللوز جهاز المناعه الاول في جسم الالنسان ولكن في حال مرض البالغ اكثر من خمس مرات في السنه يسبب تصلب شرايين القلب فمابالج بالطفل
انا مابي اخرعج بس انا خفت على ولدج لان انا دارسه هالمجال اتمنى تسمعين كلامي
واذا تبين اي استفسار عن العمليه شلون وجم مدتها وشنو مصاعفاتها .. مالها مضاعفات … وشنو صار وماصار انا حااااضرتلج
وتقبلي مروري وقرقتي يالغاليه بس احتريت على ولدج
خرعتيني والله
يعني عادي لو اسويها حق ولدي
انزين ابي اعرف عند اي دكتور وديتيه؟؟
واي مستشفى ؟؟
وكم يوم قعد؟؟
وجزاك الله الف خير على النصيحه
اولا مراجعتنا من عمر كلا مستشفى السلام وقالولي سويها ….. المهم انا وديت ولدي عند دكتور خالد الصبيح استشاري انف واذن وحنجره ومعروف وشاااطر …. عيادته بعماره يم الاميري مكتوب عليها العيادات الطبيه الكنديه
العمليه تدرين شكثر خذت ؟؟؟ ثلث ياعه بالضبط ما مداه وانا اقوله اكيد خلصتو والا اهوه تعب قالي شوفي الي وراج وفعلي البيبي الي وراه نفس الفتره ثلث ساعه … وعلى فكره كانو خمس ياهال اكبر واحد كبر ولدج
يسويها بالسلام ورويال حياة …..
عمليه ولدي عباره عن لحميه وانابيب تهويه بالاذون و هذيله وااايد مهمين وااايد زينين ويطيحون بروحهم وولدي مو اول واحد بالعايله يسويهم
ولوز بعد شالهم
قتلج ثلث ساعه العمليه وبالافاقه على ما صحى وما يطلعونه الا اذا بلع ….. بس يبلع يعطونج مسكن وبخاخ انف اذا لحميه وجذي وبس من العمليات لي السياره وبس الحياة طبيعيه ولا جنه في شي البيبي
وسواها حق ولد اختي وكان عمره سنه وشي
زوج اختي ما كان راضي يسوي هالعمليه بس الدكتور قاله تسلفني ولدك واسويله وبعدين تاخذه ؟؟
يقول انتوا ما تعرفون هالمعاناة اللي يعانيها الياهل
اي مستشفى سويتيها؟؟
انا مدحولي الصباح؟؟
مادري اسويها بمستشفى عام والا خاص
والعام اخاف مواعيدهم تطول؟؟
المهم بتدخل عاد كيفج
شوفي العام زينين مو موزينين وعندهم كفاءات ترى واجهزه بس الخاص البق يختج تروحين وتلاقين النظافه وكل شي متوفر والسسترات يدارونج ويسووونج يا دهينه لا تنكتين بس العام لا ترى لان وايد عندهم وايد … بس قط فلوسك بالشمس واقعد بالظلال…. صح؟؟
عندهم خبره
الله يعين
اسم الله عليها بعد ماسويت اللحميه وتصغير اللوز
ما قامت تمرض مثل اول
وسويتها عند عبدالله العلى
انا كانت بنتى كله تتمرض وصخوانه من لوزهااا..
وكنت اقول لا يمكن تكبر وتتعدل امورها والدكاتره بعد اهملوا السالفه..
ليما اسم على عيالكم صار عندها روماتيزم ..
فلااااازم الامهااات مايهملون هالشى كثره الالتهابات والصخونه مو زينه..
والله الشافى يستر على عيالنا ويسلمهوم لنا يارب.