عندي درس نموذجي مساكن الحيوانات احتاج منبه

اهلين حبيبتي والله ما ادري شنو تبين بالضبط بس اذا مسكان الحيوانات عندج خلي الاطفال ايمعون لج القش و خليه على شكل دائرة و قوليلهم منو يسكن اهني و حطي بيضة الكندر بعد ما اتنظفينها
و هم اذا تبين مسكن الانسان عندج مصورات جاهزة في دسمان عن انواع مساكن الانسان تقولين مثلا ان تختلف بيوت او منازل الانسان على حسب اماكنهم سواء بالبر او على الجبال و بين السهول و في مناطق البرد او الحر على حسب المناخ و التضاريس و سطح الارض اممممم ما ادري هذا اللي ع بالي و اذا في اكثر بقولج افا عليج

مثلا حطي بيت باربي الكبير اللعبه او سوي من ركن المكعبات بيت خلي طفل يسوي بيت من خلال مشكله قوليله مثلا هناك طفل يلعب بالحديقة و فجاء طق مطر وين يختبئ من المطر يقولج يدش بيته مثلا و قوليلهم منو يستطيع ان يبي بيت من المكعبات و زهبي جم مكعب يمج مو تخلينهم يختارون بروحهم راح يعفسون وياخذون وقت و قوليلهم اهمية البيت بالنسبه للانسان يحميه من البرد و من الحر شديد و يشعره بالامن والامان ومن اختلاف الاجواء من مطر او ثلوج او غبار و جذي
اتمني اكون فدج لو بشويه