فرص وظيفيه بدوام كلي او جزئي Part Time في صناعات الغانم

والله ماعندي فكرة للجامعي جم
بس الثنوي على خبري اذا فل تايم مابين 300 الى 350 راتب اساي+دعم عماله 367 للثنوي هذا طبعا مع زيادة 120 و 50
يعني التوتال 667 ويقصون التأمينات مبلغ شوي ويبقة 600 وشوي مادري جم بالضبط
الجامعي اكثر ما اعتقد بيقل الراتب الاساسي عن 450 او 500 ضيفي دعم العماله للجامعي وحسب القسم اللي بتشتغلين فيه
وفي زيادة سنوية و بونصات ترى يعني ساعات كل 3 شهور ينزل بونص ساعات كل 4 شهور
والبونص حلو للثنوي 300 تقريبا تخيلي 3 او 4 مرات بالسنه ينزلون غير الراتب هذولي اللي يكون مجالهم sales
يعني حسب وين تشتغلون باي قسم كل قسم له تقسيمه غير
انتي روحي و خل يقابلونج و يعرضون الراتب اذا عجبج كان بها ما عجبج خلاص

بس عشان لاتتحسفين قدمي منتي خسرانه شي

اي حبيبتي عادي يصير تقدمين عندهم
وتقدرين تكلمينهم تقوليلهم اداوم دوام كامل بس مابي دعم عماله عشان لاينشال اسمج من الديوان اذا خذيتي دعم العماله
واحسنلج تاخذين خبره

اول شي تدشون هالسايت
http://www.alghanimcareers.com/caree…ncySearch.aspx

تختارون Part-time Opportunities for Kuwaiti Nationals
هذا اذا تبون بارت تايم اذا تبون دوام كامل تختارون الوظيفه اللي تبونها

ثانيا تفتح لكم صفحة تنزلون تحت تضغطون عالمربع الازرق عشان تقدمون للوظيفه

بعدين راح تفتحلكم هالصفحة عشان تسوون اكاونت تحطون ايميلكم وتدخلون الباسوورد مرتين وتختارون من تحت الغانم

راح تفتحلكم صفحة تعبون بياناتكم عادي

لما تخلصونها راح تفتحلكم هالصفحة عشان تحطون السيرة الذاتية مالتكم
طبعا لازم يكون عندكم سيرة ذاتيه مخزنينها بالجهاز زاهبه عشان تحطونها

راح تفتح هالصفحة تضغطون على كلمة Browse عشان تدورون السيرة الذاتيه من جهازكم وتحطون open
وعقبها تنسخون كل السيرة الذاتية وتحطونها بالمربع الفاضي يعني تظللون كل الكلام اللي فيها وتحطونه بالمربع

وبس لما تخلصون تحطون Finish وراح اييكم ايميل تأكيد على تقديم الطلب هذا نص الايميل

Dear ,

Thank you for applying for the position of AI1938-Part-time Opportunities for Kuwaiti Nationals.

We are currently processing your profile in our system and will provide you with an update shortly.

Thank you for your interest in our company.

Recruitment Team @ Alghanim Industries

واليوم ياني ايميل ان فتحوا طلبي واحتمال يدقون بأي وقت بيكون جذي الايميل

Dear ,

Thank you for applying for the position of AI1938-Part-time Opportunities for Kuwaiti Nationals.

This email is to inform you that your profile is currently being reviewed by a member of our team.

As calling or emailing will delay the process for you and our other applicants, we kindly request you not to do so.

We will be in contact with you to update you as you move through our recruitment process.

Regards,

Recruitment Team @ Alghanim Industries

سووا الخطوات اللي شرحتها لكم وان شاء الله مايمر الاسبوع الا وداقين عليكم يارب
وادعولي الله يوفقني ويسهل اموري

العفو حبيبتي ماسويت شي

ويزاج الله خير عالدعوه الحلوة ماقصرتي

العفو حبيبتي
كتبي بياناتج اسمج وجنسيتج وتاريخ ميلادج وموبايلج وايميلج

وبعدين كتبي شهادتج شنو و اذا عندج مهارات skills مثلا تعرفين للكمبيوتر او تعرفين لغات انجليزي او لغه ثانيه
هم عموما البارت تايم للطلبه فأكيد ماراح يكون عندهم خبرات ومهارات وايد
بس السيره الذاتيه شغله شكليه بس من ضمن الاجراءات
والله يوفقج يارب

يعطيج العافيه مشكوره

العفو بنات حياكم الله