بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
صباح الخير عالجميع
حبايبى كلها أيام ونحتفل بالعيد الوطنى وعيد التحرير وعسى الكويت وأهلها بخير ونعمة وأمان والساااااااااااااااامع يقول آمييييييييييييييييييييييين
المهم .. طبعا كل المدارس راح تبدى احتفالتها وأنا ودى بشى مميز وحلو يكون لى ولقسمى نعبر فيه عن فرحتنا بهالمناسبة السعيدة بس أبى أفكار تونس واللى يشوفها يقول واااااااااااااااااااااااااااااااااااااااااااو ( بعد أتشرط .gif "Eh S(3)")
)
واللى عندها فكره حلوه سوتها بمدرستها أو مع أهلها تفيدنا ولا تبخل علينا وجزاها الله خير .. وأنا بانتظار أفكاركم الحلوة
صباح الخير عالجميع
حبايبى كلها أيام ونحتفل بالعيد الوطنى وعيد التحرير وعسى الكويت وأهلها بخير ونعمة وأمان والساااااااااااااااامع يقول آمييييييييييييييييييييييين
المهم .. طبعا كل المدارس راح تبدى احتفالتها وأنا ودى بشى مميز وحلو يكون لى ولقسمى نعبر فيه عن فرحتنا بهالمناسبة السعيدة بس أبى أفكار تونس واللى يشوفها يقول واااااااااااااااااااااااااااااااااااااااااااو ( بعد أتشرط )
واللى عندها فكره حلوه سوتها بمدرستها أو مع أهلها تفيدنا ولا تبخل علينا وجزاها الله خير .. وأنا بانتظار أفكاركم الحلوة
السنه هذي عندنا قسم الانجليزي ماسك قيمة الولاء للوطن وداخل من ضمنها اسبوع الاستقلال و التحرير
فالسنه ما راح نسوي شي
انشالله البنات يفيدونج اكثر
موفقه
بس ممكن اقولج العام رحنا فصلنا ثوب لكل القسم عليه عبارات عن الكويت و علم الكويت عندج الحين في السوق سديري على علم الكويت قيمة 2 دينارين اشترو منه و لبسوه كلمكم بيكون شكلكم وايد حلو الناظرة العام استانست علينا وكنا مميزين من بين كل الاقسام
و سوينا مفاجأ يوم السبت رحنا العصر المدرسة كل قسمنا و رحنا زينا الادارة فراشات على علم الكويت و زينه و غيرها و السنه وايد اشياء حلوه نازله في الاسواق عن العيد الوطني
ولما صار الدوام يوم الاحد الكل دخل الادارة تفاجأ وكانت مفاجاه حلوه ان متى صار كل هذا التزيين
و حطينا في الادارة ضيافة و هي حلويات كويتية قديمة ( درابيل – قيمات – واذا تبين بعد نخي باجلا و جذي)
و شغلنا اغاني عن الكويت
مشكوره اختي على هذا الموضوع اللي اكيد راح يفيد الكثير من المعلمات
افكر اني اشغل النشيد الوطني بالانجليزي واخلي ثلاث طالبات لابسين لبس وطني يحييون العلم هم بالانجليزي
ودي اضيف على هالفكره بس ماعندي ابداع كلش
اي….نسيت
منو عندها النشيد الوطني بالانجليزي؟
تحياتي لكم جميعا ولصاحبه الموضوع
up
up
قطيعه ياكرههم عفيه ابله كلشي على راسها
عيدالوطني والتحرير على عيني وراسي
بس ماصارت احنا ابلات ندرس موادنا ولا نسوي نشاطات هذا شغل ابلات الفنيه
وفوق كل هذا على حسابنا عفيه معاش كلا طاير على المدرسه
محد مكرهني بالدوام غير هالسوالف
واللي يقهرني اللي يقولون الابـلات الكويتيات مايشتغلون
خليهم يشوفون موضوعج بعد عمري
قاعده بالعطله تفكرين بالمدرسه والشغل ولا تفكرين بشي فيه ابداع
تهقون المصريات والسوريات قاعدين يفكرون مثلنا والله اشك
فديت الكويتيه وفديت اخلاصها
طرت على بالي اغنية <<<<<< ياعيني عليج يا كويت ماكو مثلها
انا ماراح اسوي الا اجيب بالونات اوزعها على مدخل المدرسة وبس
لليوم الوطنى واصدار مميز وخاص باسمج
اللى تحب تراسلنى عالخاص
ومركزى في خدمة المعلمات
وتميزنا يميزنا