السلام عليكم بنات اشحالكم إن شاء الله طيبين….
أولا آنا من قطر…وأبي أقوولكم قصتي مع تأخر الإنجاب…..
أنا تزوجت سنة 2024 وما كنت أتوقع إن فيني شي..لأن كل خواتي احملوا بعد العرس على طول…ولا وحدة تجاوزت أربع شهور من عرسها إلا وهي حامل…فتوقعت لنفسي المثل…المهم بعد عرسي بأربع أشهر…كان عندي مغص…والدورة تنزل بالقطارة..رحت لدكتور نساء وولادة…وهناك قالي المصيبة…قالي إنتي محتاجة كورس علاج مكثف…لأن التبويض عندج زيرو…ومستحيل تحملين من غير علاج…وبصراحة خفت…وتعالجت ومرت أربع أشهر..وما في فايدة…وعقبها قالي خلي زوجج يسوي تحليل..وهنا اكتشفنا إن زوجي..عنده مشكلة بالحيوانات المنوية….ولازم أنابيب أو تلقيح صناعي..
طبعا انصدمت…وقالي بالحرف الواحد…انتي مستحيل تحملين من زوجج…وطلعت من عنده وقعدت أبجي الدم…وكان عندي امتحانات زفت في الامتحانات كلها….وزوجي عصب قالي ما تروحين له…خله يولي…ومر شهر من دون علاج..وتأخرت الدورة علي…وقالوا لي خواتي سوي تحليل وأنا قلت مستحيل حامل..وهم ما يعرفون السبب…وقلت يالله بسوي ما بخسر غير 15 ريال فلوس الجهاز…وسويت التحليل..وطلعت حامل…ورحت للدكتور قلت له أنا حامل….تخيلوا شنو قالي؟؟؟
قالي من نفس الزوج؟؟؟تخيلوا وقااحته.. وغمز لي..؟؟.وطلعت من عنده وتهاوش معاه زوجي على هالكلام…ومر شهر…بس سبحان الله ما ثبت..بس ارتحت قلت الحمد الله حملت…وحملت للمرة الثانية وبعد سقطت..وبعده بعد حملت للمرة الثالثة وبعد سقطت…وطبعا محد عرف الأسباب لين الله طيحني على دكتورة اسمها لولوة الأنصاري ربي يوفقها…قالت لي بسوي لج تحاليل مفصلة وحولتني على الدكتورة سلوى اليعقوب…وطبعا د سلوى اليعقوب ما أهملتني نهائيا ما خلت شي إلا وفحصته…وطلعت النتيجه…إن أنا عندي مشاكل تجلط المشيمة أكيد سمعتوا عنه…وعندي المناعة….جسمي يحارب الحمل ويتعامل معاه على أساس مرض…والرحم مقلوب….والمهم قالت لي شي ثالث…وطبعا قالوا لي….إنتي تحت بند الحالات الغير مشخصة والتي ليس لها تفسير….وطبعا كل حمل طبيعي مصيرة الإسقاط وبلشت معاي من الزيرو وسوت لي تلقيح صناعي…وانجحت من المرة الأولى….وكنت أخذ عشر احبوب باليوم…وأبر سيولة يوميا…وطبعا طول فترة الحمل عانيت من نزيف وكنت مهددة بالإجهاض..وفي الشهر الخامس زاد علي النزيف وترقت في المستشفى..وقالوا لي لازم تنزلين الحمل…لأنه خطر على حياتي…وأنا ما رضيت لأن قلبي تعلق في اللي بطني…ووقعت على ورقة أتحمل فيها كافة المسؤولية…واتصلت للدكتورة سلوى اليعقوب…وجاتني وقالت لي لا اتخافين…وطبعا سوت لي فحوصات طلع عندي جرثومة وهي من النادر حصولها للحوامل…وأخذت مضاد حيوي بالوريد مرتين يوميا..لمدة 14 يوم..والحمد الله انها اكتشفتها لأنها خطيرة تسبب تآكل الجنين ومن ثم الإجهاض…هالدكتورة سلوى أنا أدعيلها من قلبي.. كانت جدا متابعتني وما اتضايق من أسئلتي وكانت تجيني شخصيا…وما توقعت ان فيه دكتورة في الخليج مثلها…الحمد الله أنا ولدت في الثامن…وبنتي عمرها أربع شهور…ربي يوفقها…
وأنا أقول لكل وحدة إيإست ا تيإسون..لأن أنا قالوا لي فرصة الإنجاب عندج ضعيفة جدا….وحالتج جدا صعبة…وحملت..
ترا النفسية تلعب دور اكبير…
السلام عليكم بنات اشحالكم إن شاء الله طيبين….
أولا آنا من قطر…وأبي أقوولكم قصتي مع تأخر الإنجاب…..
أنا تزوجت سنة 2024 وما كنت أتوقع إن فيني شي..لأن كل خواتي احملوا بعد العرس على طول…ولا وحدة تجاوزت أربع شهور من عرسها إلا وهي حامل…فتوقعت لنفسي المثل…المهم بعد عرسي بأربع أشهر…كان عندي مغص…والدورة تنزل بالقطارة..رحت لدكتور نساء وولادة…وهناك قالي المصيبة…قالي إنتي محتاجة كورس علاج مكثف…لأن التبويض عندج زيرو…ومستحيل تحملين من غير علاج…وبصراحة خفت…وتعالجت ومرت أربع أشهر..وما في فايدة…وعقبها قالي خلي زوجج يسوي تحليل..وهنا اكتشفنا إن زوجي..عنده مشكلة بالحيوانات المنوية….ولازم أنابيب أو تلقيح صناعي..
طبعا انصدمت…وقالي بالحرف الواحد…انتي مستحيل تحملين من زوجج…وطلعت من عنده وقعدت أبجي الدم…وكان عندي امتحانات زفت في الامتحانات كلها….وزوجي عصب قالي ما تروحين له…خله يولي…ومر شهر من دون علاج..وتأخرت الدورة علي…وقالوا لي خواتي سوي تحليل وأنا قلت مستحيل حامل..وهم ما يعرفون السبب…وقلت يالله بسوي ما بخسر غير 15 ريال فلوس الجهاز…وسويت التحليل..وطلعت حامل…ورحت للدكتور قلت له أنا حامل….تخيلوا شنو قالي؟؟؟
قالي من نفس الزوج؟؟؟تخيلوا وقااحته.. وغمز لي..؟؟.وطلعت من عنده وتهاوش معاه زوجي على هالكلام…ومر شهر…بس سبحان الله ما ثبت..بس ارتحت قلت الحمد الله حملت…وحملت للمرة الثانية وبعد سقطت..وبعده بعد حملت للمرة الثالثة وبعد سقطت…وطبعا محد عرف الأسباب لين الله طيحني على دكتورة اسمها لولوة الأنصاري ربي يوفقها…قالت لي بسوي لج تحاليل مفصلة وحولتني على الدكتورة سلوى اليعقوب…وطبعا د سلوى اليعقوب ما أهملتني نهائيا ما خلت شي إلا وفحصته…وطلعت النتيجه…إن أنا عندي مشاكل تجلط المشيمة أكيد سمعتوا عنه…وعندي المناعة….جسمي يحارب الحمل ويتعامل معاه على أساس مرض…والرحم مقلوب….والمهم قالت لي شي ثالث…وطبعا قالوا لي….إنتي تحت بند الحالات الغير مشخصة والتي ليس لها تفسير….وطبعا كل حمل طبيعي مصيرة الإسقاط وبلشت معاي من الزيرو وسوت لي تلقيح صناعي…وانجحت من المرة الأولى….وكنت أخذ عشر احبوب باليوم…وأبر سيولة يوميا…وطبعا طول فترة الحمل عانيت من نزيف وكنت مهددة بالإجهاض..وفي الشهر الخامس زاد علي النزيف وترقت في المستشفى..وقالوا لي لازم تنزلين الحمل…لأنه خطر على حياتي…وأنا ما رضيت لأن قلبي تعلق في اللي بطني…ووقعت على ورقة أتحمل فيها كافة المسؤولية…واتصلت للدكتورة سلوى اليعقوب…وجاتني وقالت لي لا اتخافين…وطبعا سوت لي فحوصات طلع عندي جرثومة وهي من النادر حصولها للحوامل…وأخذت مضاد حيوي بالوريد مرتين يوميا..لمدة 14 يوم..والحمد الله انها اكتشفتها لأنها خطيرة تسبب تآكل الجنين ومن ثم الإجهاض…هالدكتورة سلوى أنا أدعيلها من قلبي.. كانت جدا متابعتني وما اتضايق من أسئلتي وكانت تجيني شخصيا…وما توقعت ان فيه دكتورة في الخليج مثلها…الحمد الله أنا ولدت في الثامن…وبنتي عمرها أربع شهور…ربي يوفقها…
وأنا أقول لكل وحدة إيإست ا تيإسون..لأن أنا قالوا لي فرصة الإنجاب عندج ضعيفة جدا….وحالتج جدا صعبة…وحملت..
ترا النفسية تلعب دور اكبير…
بصراحة قصتج قصة انتي وكلها عبرة وعظة لكن الحمدالله الله عوضج بالبنوتة الله يجعلها من البنت الصالحات يارب
وبعدين انا نفسج الحين تبويضي ضعيف؟؟؟؟؟؟
وكلي امل برب العالمين يارب
بالتوفيق حبيبتي
والله يوفقج ويخليلج بنتج ويرزقج كل الخير
والله يرزقج بضنى ثاني انشاءالله
وكل البنات
ربى لاتذرنى فردا وانت خير الوارثيين
واللي رزقج قادر يرزقني ويرزق كل خواتي بالقسم يا رحيم
اما وقاحت الدكتور يعني يستبعد على الله انه يشفي زوجك بس الحمد لله انك حملتي
فعلا الله جازاج على صبرج
جزاج الله خير والله يخليلج الكتكوته وتخاوينها ومن غير علاج بعد
فديت اهل قطر والله انا عندي عيال عمي بقطر ( الهاشمي )
والانصاري احنا مناسبينهم من الكويت
حبيبتي انا بعد من قطر واعاني من التكيسات على المبايض وكنت اراجع عند ريم الكردي في كنترول رقم 2 انتي اي كنترول ياقلبي والدكتورة سلوى قطرية ؟؟؟؟
الله يخليلج بنتج ويجعلها من الذرية الصالحة وحي الله اهل قطر
ومشكوووره على ذكرج لقصتج اللي فيها العبرة لنا والدكتور اللي قالج هالكلام هذا ما ينسكت عنه المفروض يحاسب على الكلام اللي قاله.
وماشاء الله دكتورتج (سلوى اليعقوب) صج شاطره اللي اعرفت شنو سبب اجهاضج وسبب النزيف اللي تعرضتي له اثناء الحمل لأن وايد ناس يصير معاهم هالشي ولا يعرفون شالسبب.
الله يرزقج ان شاء الله
وجزاج الله الف خير
على القصة اللي تبعث في نفوسنا الامل
بارك الله فيج