كثرة الغياب

وعلى فكرة انا ماتكلم على اللي عندها ظروف ،اللي عندها ظروف الله يكون بعونها

انا اتكلم عن اللي تغيب لا وتجينا ثاني يوم تقول ريحت !!مليت كل يوم اداوم !! ولا مو حابه التدريس وطاقة جبدها

كلنا تعبانين بس نضغط على نفسنا لين تخلص هالسنة على خير

واما اللي تغيب مالها خلق ولا رايحه السوق الصبح ولا تتريق في مطعم هذي ماتعجبني والمعاش اللي تستلمه حرام فيها

وبعدين اللي قالت شكو مو ضارتج بشي المعاش من الوزاره اقولها اسمحيلي لو انتي مدرسه بتحسين ان غياب زميلتج يضرج ويربك وويخليج تدرسين حصصها وتاخذين احتياطها

اقتباس:

المشاركة الأصلية كتبت بواسطة نونا** شكو فيها الحمدالله انه الوزارة اهيا اللي تعطي المعاشات لو الرزق على المدرسات جان قطعوا برزق بعض!!

الحين انا قلت بقطع رزقها !!

احنا نناقش موضوع ازلي وهو كثرة غياب بعض المدرسات (على غير سنع ) ماقلنا اللي مريضة واللي عندها ظروف

اقتباس:

المشاركة الأصلية كتبت بواسطة la troo7 شكثر يغيبون زميلاتي لاعمري شلت صفوفهم ولا حصصهم ولا احتياطهم الحمدلله وكل وااحد حر بحياته ليت كل واحد يلتفت لعيوبه ويعالجها ويترك خلق الله منه

انتي مدرسة اي مادة ؟؟ وحصصها منو يشيلها ؟؟

وانصحج تقعدين مع الناظره والوكيله والمدرسة الاولى وتطرحين افكارج وتناقشينهم عن ظاهرة الغياب واسباب ولا بعد ان جان فيج حماس لمحاربة هالظاهره افتحيلج مكتب زغيرون يم مكتب الناظره وتسمينه مكتب تحقيقات الغياب وتابعي غياب المدرسات وحده وحده وتحققي من ظروفها اذا كانت حقيقيه والا وهميه.. ولا تنسين الاستئذان بعد عمري اللي تستأذن طلعي وحده وراها تكليف تشوفها راحت نفس المكان اللي قالت عنه والا راحت ستاربكس……….

شرايج؟

على الاقل تفعلين افكارج بارض الواقع بدال ما شراينا ما راينا؟!!!!!!!

ويصير العلاج بيدج وانفع لج عشان ترتاحين نفسيا…..

مشكوره موضوعج يستحق المناقشه..

وراجعتلكم