لانقــــــــــاذ العرايـــــــس من نصــــــب المشـــــــــاغل ؛)

السلام عليكم ورحمة الله وبركاته

شلونكم حبيباتي عرايسنا الجميلات فديتكم الله يوفجكم ويسعدكم ويكتب لكم الخير بكل درب تمشونه

والله يسخر لكم ازواجكم ويجعلكم احب الناس لقلوبهم واحلى البنات بعيونهم

الله يحنن قلوبكم على بعض ويبعد عنكم الحسد وكيد العذال

امييييييييييييييييييييييييين

موضوع اليوم مختلف وبناء على طلب الجماهير اقصد عرايسنا الجميلات العزيزات

احترت وين احط هالموضوع وقلت بخليه عند العرايس لانه هالموضوع راح يكون تابع لسلسلة مواضيعي السابقه الخاصه فيكم

الحين فكرة هالموضوع راح تكون شنو شنو

راح اعلمج شلون تخيطين بدله للاستقبال بكل اشكالها دراعه او نفنوف او بدله تنوره وقميص او بدله عاديه وشلون تفخمينها بحركات بسيطه جدا المهم شي رزه تستقبلين فيه الناس وبارخص الاسعار

الحين راح ابدأ بأول نفنوف اذا شفت منكم تفاعل راح اكمل واذا لا اسمحولي ماراح اكمل لانه ماتدرون شكثر اتعب ——–<<اذا كتبت موضوع تكتب بذمه وضمير

اول بـــــــــــدله لعرايــــــــسنا راح تكــــــــون

هذي افكاري بين ايديكم ومابي الا دعواتكم

الحيــــــن الموديل ناعم وبسيط اعجبتني فيه الحركه من فوق انيقه وفيها شوية ابهار

الحين ابي اخليها بدلة استقبال فخمه شويه حق عروستنا الاموره

الحركه من فوق متفقين عليها

نقدر نبدل خامة لفصوص بقطعة او بالاصح قطعة الكلفه هذي بقطعه من الدانتيل القابيير اللي يكون بارز شويه وطبعا تحددين شكل الورود اللي بالدانتيل وتقصينه مثل هالكلفه وتركبينها

ممكن تغير لون الكلفه للون مخالف مع هاللون ممكن نحط جويتي او اورنج او مجموعة الوان او احمر او نحاسي او سلفر مطفي او ذهبي مطفي الحين خلصنا من الكلفه غيرنا لونها وصار الموديل مختلف

انزين من تحت ماتحسونه عادي ممكن بعضكم يحب انه يكون جذي ويفخمه عزكم الله بالنعال اللي تكون مشغوله وفيها حركات حلوه

واللي تحب لطويل ممكن تركب حركة غير يعني تسوي الموديل لي الخصر بس وتوقف بعدين تفكر حركو مخكم شويه ترا راح تطلع معاكم افكار روووعه

انا اخترت من تحت اني اخذ نفس الدانتيل اللي عالجتف واحطه بهالطريقه

بنات ركزو معاي ناخذ الموديل بس من الخصر وتحت اللي صاير جنه سبعه واللي تحته لين نوصل لنهاية النفنوف

الحين الدانتيل صار عالجتف وعلى التنوره جنه طبقات وشفتو القطعه اللي جنها شبك ناعم تخلونها تور نفس لون الدانتيل وتحطون لاطرافها اي دانتيل ناعم نفس اللون

وانا افضل وبقوه ان الموديل من تحت يكون جذي نفس الموديل الاسود

اترك لكم المايك وقولولنا عن افكاركم الحلوه

وعلى فكره ممكن تغير الخامه لخامة الاسترج تطلع روعه مع هالموديل وارقى هالجسم