لا عاد من فلنتاين . احسن و استاهل . كل وحده صار عيد الحب عندها عيد النكد تدخل

انا شنو اللي خلاني اتليقف و اسوي شي انا اساسا ما احب اعترف فيه

بس قرادة التقليد و لا انا ما احب سيرة الفلنتاين من و انا بنت اللحين تزوجت و اشوف البنات كل وحده خابه عمرها

و على قولة الواتس اب الهلاقه بالاحمر مشتغله

سمعو السالفه بس لا تتشمتون

انا ياطويلات العمر ما احب الفلنتاين
و يومها دقت رفيجتي و تسولف و اهي صارلها 3 سنوات متزوجه يعني قبلي بوايد سالتني عيوووون شنو ناويه تسوين بمناسبة الفلنتاين ؟

انا قلت ولا شي اصلا ما احب احتفل او احط لهالمناسبه اهميه

انا قلت جذي جان تقولي يالخبله انتي من صجج
الريال ما تعرفين مايته لي الحين
باجر يقول ما اهتمت فيني و ما تدري عني و خوفج يكون عنده ماضي و يتذكر سوالف الماضي و اشلون الماضي كان يهتم

انا اشتغلت فيني السالفه

و قمت افكر و احاتي ….

و قررت

اني اضبط نفسي لهالليله ( مااالت على هالليله والله )

قمت و رحت الصالون و سويت تسريحه

وطلبت من وحده كب كيك صغار عليهم ورد جوري

و شريت تفاخيات حمر و تفاخيات عليهم قلوب حب ( حلوه تفاخيه …. )
( بالونات لغير المتحدثين اللهجه الكويتيه)

و شريت زري احمر و نثرته على الارض

يعني جووووو

و طبعا شمووووع و عصير فراوله و سله كلها وروووود جوري و فراوله و تفاح احمر

يعني قمة الليله الحمرا

و شغلي كله راقي و حلووووو و اينن صج تغيرت الغرفه

لبست و تمكيجت و تبخرت و تعطرت و نطرت الاخ !!

انا متعمده ما ادق عليه بشوف اهو شنو يسوي

و الاخ ما سأل عني طوووول هالوقت

الساعه صارت 9 و نص

و الاخ لا حس و لا خبر

و انا قلبي يتواكل و احاتي هذا وينه

اكيد مطنش فيني يبي يدقرني

اكيد اخوانه ماخذينه

اكيد امه شاغلته
اكيد ربعه يفترون معاه بالافنيوز

و آخر شي وسوسه لي الشيطااان

اكييييد الحين عند حبيبته !!!!

و قتها صارت الساعه 10 ونص

اهني طفحت مجاري الكيل عندي

و اشتغل عليه اتصالات و الاخ ما يرد

واااي
بنات

الشمووع كلها ذابت

و احس الجوووو صار حده بارد و انا لابسه المزلط!

و احس صار فيني احتقان وراح صوتي !!!

و قلبي يرقع و ادق و لا احد يرد التلفون يرن و ما في احد يرد

جان ارسل مسج !

وينك ؟

انا ناطرتك من زمان و انت لاحس و لا خبر ؟

و راه مسج ثاني

ما دقيت علي و لا سألت عني و لا تدري عني

الشرهه على اللي تهتم تسويلك مناسبه
و مسج و را مسج طبعا بالواتس اب و بالمسج العادي مال التلفون

المهم

انا شفت ماكو تاثير من مسجاتي و لا آكو رد أصلا

قمت ابجي

اخترب المكياااج و عدساتي حرقتني …

و رموشي التركيب طاحووو

رحت الحمام غسلت ويهي و بدلت ملابسي

الساعه 12 و نص

دق الحبيب علي ؟

عيووون اشفيج عسى ماشر ؟

اااه يالبرود

انا طبعا لا تعليق صمت !

دقيقه و لا اهو صاعد شقتنا

دخل و لقى التجهيزات كلها موجوده

بس لقاني لابسه بجامتي العاديه و اتجهز للنوم و عاقده النونه

تدرون وينه الاخ !!!

الأخ نايم بالدوانيه من بعد صلاة المغرب لي الساعه 12

قالي انا قلت لج اليوم اخوي بياخذ سيارتي و اني بقعد بالدوانيه العب بلي ستيشن صح !
لعبت شوي و عقب حسيت اني نعسان و نمت

انا اهني حسيت اني ابي ابجي من غبائي !!!

وااي بشنو ارقعها !!!

المسجااات

اااه من المسجاات

ليش اللقافه !!!

ليش لييش !!!

الحين يحس اني ميته عليه و لا ميته من الغيره عليه!!!

و انا ابي اثقل ما ابي يحسب اني ميته عليه @@

واااي

قمت و قلت له اليوم يسمونه يوم الحب

و انا حاولت اسويلك مفاجأه بس انت مووو بالموود كلش

قالي ليش الليل توه

الحمدلله ترقعت السالفه من نفسها

بنات منو صارت لها مواقف بهاليوم النحيس هذا !