للمبتدئات تعالي أعلمج اشلون تضبطين عيش المجبوس

السلام عليكم ورحمة الله وبركاته

من زمان ما عندي مشاركات في منتدى مائدتك
بس حبيت المبتدئات بالطبخ يستفدون اشلون تضبطون كمية ماي الجبوس .
الي تضبط عيش المجبوس ترى تعتبر نفسها طباخة
إششششششششششششششششششششلون

آنا أحمس بصلة مفرومة حيييل وبعدين احط العيش ( وكل ما تنقع العيش وايد كلما عطاج نتيجة حلو )واحمسة حماس بسيط علشان لا تتكسر حبة العيش وبعدين صبي مرق الدجاج او اللحم الي انتي سالقة فيه الدجاج أو اللحم على العيش

ألحين ركزي يكون الماي أكثر من العيش بسانتي بس بعدين اخذي الملاس وقفيه في وسط الجدر يعني بين العيش والماي اذا وقف وما مال لا يمين ولا شمال يعني الماي مضبوط
وبعد في نقطة مهمة تعتمد على أهل بيتج البعض يحب العيش نثري والبعض يحب العيش لين فتقدرين بعد ما ينشف الماي تحطين عليه اشوية ماي من مرق الدجاج وتحطين تحت الجدر حديدة سودة وعلى نار هادية

اختي جزاها الله خير طباخة ما شاء الله عليها واتسوي بوفيهات اهي الي علمتني هذه الطريقة
لا وبعد قبل العيد طبخت برياني في جدر الفخار وسويت نفس الطريقة وسكرت غطاء الفخار وبعد 40 دقيقة فتحته الا العيش مستوي ويهبل

ان شاء الله تكونون استفدتو

وسلامتكم