بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم خواتي ..
انا عندي ولدي عمره سنه الحين ..ودايم صدره تعبان يكح وبلغم ..الحمدلله هو مافي ربو ولاتنك بس يتعب صدره كل 3 اسابيع جذي واحطله كمام اللي تقولي عن شي يوخر البلغم ؟
ثاني شي..
ولدي اسنانه اللي فوق طلعو وحسيته حيل ضعيف ياعمري عليه يكسر الخاطر جنه بريعصي والله كان متبتب 
ابي اكلاتكم اللي تممن الجاهل وزينه فيها فيتامنيات سواء شرب ولا اكل
الله يخليكم انطركم ..؟؟
السلام عليكم خواتي ..
انا عندي ولدي عمره سنه الحين ..ودايم صدره تعبان يكح وبلغم ..الحمدلله هو مافي ربو ولاتنك بس يتعب صدره كل 3 اسابيع جذي واحطله كمام اللي تقولي عن شي يوخر البلغم ؟
ثاني شي..
ولدي اسنانه اللي فوق طلعو وحسيته حيل ضعيف ياعمري عليه يكسر الخاطر جنه بريعصي والله كان متبتب
ابي اكلاتكم اللي تممن الجاهل وزينه فيها فيتامنيات سواء شرب ولا اكل
الله يخليكم انطركم ..؟؟
لج
نفس بنتي صدرها فيه قرقعه من البلغ وودي بحل
ماعندي فكره عن الضعف بسبتة الاسنان واتمنى البنات يردون عشان هم بعد استفيد لان بنتي تبي تبدا مرحلت التسنين
هم البابونج اللي على شكل ورق الليبتون بالجمعية موجود حطيه بقلاص ماي حاار وحطي ويااه اللي يحليه سكر نبات وبعد مايفتر حطيه برضاعته ويشربه بدال وجبةالحليب اوقبلها
هذي طريقتي بعيالي والحمدلله تماااام
والمتن ماعليك منه مدام صحته زينة بيرد مثل اول واحسن
واذا تبينه يتختخ عطيه تمر ولحوم وايد مفيد للياهل وعسى ربي يخليه لج
وعن تجربه دام ولدج عمره سنه في ادويه يكتبونها الدكاتره تقووووووي المناااعه..انا ولدي اخذ دوا المناعه الي على شكل بودره يتذوب بالماي ومشالله حيل حيل شفت فيه فاايده..قبل على طوول بس يكح ومريض والبلغم ما يروووووووووووووووووح ..قام دكتورنا كتب له دوا المناعه مع فيتامينات ..والحمدلله يارب …………اتمنى اني فدتج…………تحياتي
لمدت اسبوعين وشوفي بعينج النتيجه
انا مااستغنا عن الحلبه اذا صار صدر ولدي زين احط من5 الي10في مطارت الماي
واذا تعب احط قفشت الجاي بس الله يعينج علي ريحت الحلبه
الله يشفي
عليج بورق الجوافه من الحواي
وقوولي للحواي أن ولدج فيه بلغم يعطيج خلطه اعشاااب فادت ولدي حيل حيل حيل
والله يخليه لج يا قلبي
بس انصحج بالحلبة حييييييييييييييييييييييييييييييييييييييييييييييييي يييييييييييييييييييل مفيدة للصدرة حتى لمن تشربية طول اليومحلبة سواء مع الحليب او شرب الماي راح اتلاحظين لاجاته الكحة راح يطلع معاه بلغم اشكثر والله هاذي عن تجربة وعندج التحاميل المصرية بعد حلوة يطلع البلغم من تحت
ومن ناحية الضعف لا زم كل طفل يمر فيه لان فترة تسنين وترى كثرة الحلبة تسمن الواحد صج ريحة وخياس
بس والله لها مفعول بعد الله
وعندج بعد سويلة عيش مع عدس هاذي اكلة تمتن
وحلوة ومفيدة ودافية له خاصة حنا بالشتا الحين وحطي معاة روب وخليه ياكله وراح تدعيلي والدعوة صبر وحنا امهات ولازم نعاني والله يعينا
وبس
تقبلي مروري
وفي بالجمعية زهورات هي اعشاب تجي بكرتونه وفيها علاقيات نفس مالوت الجاي اسمها العطار
في حق الصدر والنشله و 000 وكثير من الامراض وفي منها خاصه الاطفال وفي حق الكبار
وبالنسبه للمتن بطاط مسلوق عيش ابيض العيش المصري او الصنوايت ومحلبية البيت الي اهي
نشا وحليب وماي
والله يحفظه لج