السلام عليكم
شوفوا الموقف وحكموا ..
زوج وزوجته يسولفون بهدوء والزوجه تتكلم بدلع وضحك وغشمره والزوج شوي جدي يعني بس الزوجه على نياتها وحساسه المهم كانوا يسولفون عن الزواج والبيت والمسؤوليات والخادمه
الزوجه تقول بطريقة دلع واهيا تبتسم " لا الدين ولا القانون يجبر المره انها تخم وتغسل وتنظف هذا شغل الخادمه ..
الزوج : شفيها يعني ؟
الزوجه : لا يا ماما هذا مو شغلي .. ( وكانت تبتسم)
الزوج : اذا اهي راده عالقانون خلاص عيل في اشياء وايد انا مو مجبور اسويها لج ( كان معصب)
الزوجه : مثل شنو ؟؟؟
الزوج : مادري انتي قولي لي شنو يعني اشتري لج هدوم وجذي واصرف عليج ووايد اشياء مو مجبور
الزوجه : والله كل واحد لازم يعرف حقوقه وواجباته واذا كل واحد يبي يمشي على طريقتك هذا مو زواج
الزوج : كا انتي قلتيها
الزوجه : ادري انا ما قلت شي اللي اقصده انه الخم والتنظيف والغسال والكوي مو شغلي .. انت تبي زوجه ولا خادمه ؟
الزوج : شهالوقاحه ؟؟؟؟
الزوجه : شنو ؟؟ مشكور على هالكلمه الحلوه
الزوج : ليش انا شقلت شفيها الكلمه
الزوجه : لا ابد سلامتك حلوه وايد كافي انها منك
الزوج : بديت اشم ريحة نجره ؟؟؟
الزوجه : لا ابد سلامتك ماكو نجره ولا شي ما فيني شي
الزوج قام وطلع والزوجه ساكته وحاز بخاطرها الكلمه اللي قالها لها انتو شرايكم وشنو تعليقكم على الموقف يحق لها تزعل ولا لا
_____________________
السلام عليكم
شوفوا الموقف وحكموا ..
زوج وزوجته يسولفون بهدوء والزوجه تتكلم بدلع وضحك وغشمره والزوج شوي جدي يعني بس الزوجه على نياتها وحساسه المهم كانوا يسولفون عن الزواج والبيت والمسؤوليات والخادمه
الزوجه تقول بطريقة دلع واهيا تبتسم " لا الدين ولا القانون يجبر المره انها تخم وتغسل وتنظف هذا شغل الخادمه ..
الزوج : شفيها يعني ؟
الزوجه : لا يا ماما هذا مو شغلي .. ( وكانت تبتسم)
الزوج : اذا اهي راده عالقانون خلاص عيل في اشياء وايد انا مو مجبور اسويها لج ( كان معصب)
الزوجه : مثل شنو ؟؟؟
الزوج : مادري انتي قولي لي شنو يعني اشتري لج هدوم وجذي واصرف عليج ووايد اشياء مو مجبور
الزوجه : والله كل واحد لازم يعرف حقوقه وواجباته واذا كل واحد يبي يمشي على طريقتك هذا مو زواج
الزوج : كا انتي قلتيها
الزوجه : ادري انا ما قلت شي اللي اقصده انه الخم والتنظيف والغسال والكوي مو شغلي .. انت تبي زوجه ولا خادمه ؟
الزوج : شهالوقاحه ؟؟؟؟
الزوجه : شنو ؟؟ مشكور على هالكلمه الحلوه
الزوج : ليش انا شقلت شفيها الكلمه
الزوجه : لا ابد سلامتك حلوه وايد كافي انها منك
الزوج : بديت اشم ريحة نجره ؟؟؟
الزوجه : لا ابد سلامتك ماكو نجره ولا شي ما فيني شي
الزوج قام وطلع والزوجه ساكته وحاز بخاطرها الكلمه اللي قالها لها انتو شرايكم وشنو تعليقكم على الموقف يحق لها تزعل ولا لا
_____________________
حبيبتي المره مو عيب تصير خدامه ببيت زوجها
الله يوفقهم اثنيناتهم جدا حساسين
الزواج وتعريفات المهام تغيرت بهالزمن
بالنسبه للزوج الزواج فندق
ويهال ابلاش بمعني ابلاش وتييه زياده واهو قاعد
والام كاروفه ناقصها شوارب وتصير يال
انا مالي بشغل البيت يعني بس غرفتي وملابسي وملابس
ريلي أهم شي الياجي كله حق الخادمة، بس صدقيني
يعني انا مو مجبورة بس أسوي جذي بدافع الحب لأن ريلي
انسان وزين ويستاهل هالاهتمام فهل تتوقعين اني نزلت من
قدري وصرت خادمة ؟ مثل ما اهو يصرف ويدلل ويتعب عشاني
عن طيب خاطر انا اسوي كل هذا، ياحلات المرة لما ريلها يسألها
وين الشي الفلاني وتدل مكانه وتعطيه ياه بيدها عدل كلامي ولا لأ؟
اول مرة اعرف انه مو لازم !!!!!!!
بس الريال مجبور يصرف على المرة ( بالدين مادري عن القانون ) و المرة حره اذا تبي تصرف او لا
بس الكلمة كلش مو حلوة .. حسيت ان ماكو احترام بينهم !!
اللة يهديها بس
مو حلوه لمه يبي شي يروح حق الخدامه واهيه قاعده ما تدري شسالفه !! شخانتها مره ؟؟ وهم اكيد اهوه قاعد يخدمها
لمه يصرف عليها ويوديها واييبها مافيها شي الحياه اخذ وعطى
وبنفس الوقت اهوه غلطان بكلمته هذى المفروض رده يكون ارقى شوي من جذي
وايد بنات أعرفهم الخدامه اهي اللي تغسل الهدوم وكويهم والزوجة إهي اللي تيب=يبهم للزوج !!!!!!!!
الخدامة تطبخ وتنفخ والزوجة أهي اللي تييب الغدا ؟؟؟؟؟؟؟
الريال ياهل صغير ويبي اللي يدلعه ويهتم فيه !!!!!!!!!!
والله يهدي النفوس
تقبلي تحياتي
ام تنوح
كان في حوار قبل هذا وكانت مبينه له ان البيت مسؤولية المره من حيث الاشراف عليه وهم انها اللي راح تطبخ وتدير بالها عالعيال وعليه واهو اذا بغى شي خل يطلبه منها مو من الخادمه وقايله له اصلا انه طول الوقت اللي يكون اهو قاعد بالبيت ما راح يشوف الخادمه كل شي اهو يبيه مرته اتيييبه له بنفسها واهي عارفه انه هذا واجبها وقايله له اصلا انت ما تكلم الخدامه خير شر اي شي تبيه قوله لي انا
بس اهي تتكلم عن التنظيف وغسال الحمامات والمواعين والكوي؟؟ يعني لازم اهي بعد تقوم فيهم ؟؟؟ وين بيصير لها وقت تهتم فيه بنفسها ؟؟ ولا دراستها ولا دوامها ولا عيالها ولا اي شي ثاني فوقهم
يعني راحة الزوج ما تصير الا بعذاب الزوجه نفسيا ويحملها فوق طاقتها ؟؟؟
وبعدين اكثر شي مزعلها انه يقول لها هالكلمه بكل بساطه ويسألها ليش انا شقلت ؟ يعني جنه هالصفه فيها ولايقه عليها وما يشوف انه فيها شي غريب يعني
ومن ناحية الصرف إهو ملزوم بالصرف عليها بالحد إلي يقدر عليه يعني ماتكلفه فوق طاقته
وسلامتج واللة يهديهم لبعض
مافيها شي لا اهتمت ببيتها وتنظيفه يعني لانظفت واهتمت معناتها يطيح شي منها ولا ينزل مستواها
جان نزل مستوى امهاتنا ويداتنا قبل ماكو شي اسمه خدامه ولا تدور ببيوتهم واهي الام والخادمه بنفس الوقت
وبعدين على فكره كلام الزوجه ينرفز شنو يعني مو شغلي شنو يعني اهو متزوجها بس حق الوناسه والظحك والطلعات والمشترى ليش قبل لاتتزوج ماتدري اكو شي اسمه مسؤليه اكو شي اسمه تنظيف طباخ … إلخ
ترى الزواج مو بس وناسه وظحك وخدامه
ولو اهي حريصه على زوجها وبيتها جان قالت انا اللي اخدمك بعيوني قبل ايدي بس هذا تعنفق ودلاعه !!!
بس على فكره اهما مالجين بس وكل واحد للحين مو عارف الثاني عدل
بس اهي تفاجأت بإسلوبه يعني ليش يغلط عليها مافي كلمات راقيه يعني ؟