متى تحتاجين الخدامة سؤال خاص حق كل عروس؟؟

والعروس اصلا ماتحتاج خدامه كلشش

الا اذا حملت وكان حملها جايد وشرط ماتكون ببيت الحموله يعني تكون ساكنه بروحها ع اساس تعينها وتكون معاها ماتكون بروحها اذا زوجها طالع

يعني انا اذكر ماتربينا الحمدلله ع ايد خدامه يوم امي تداوم اكون عند جدتي ولما ترد تاخذني وكانت عندنا خدامه بس جذي تعيين امي مو تسوي عنها كل شي لان بهالوقت في مواقف واشياء ترفع الضغط خاصة لما المرا ترد من الدوام تقط عيالها وتنام ولما تقعد ياليت تخليها عندها لا تطلع وتروح واللي يعور قلبي بالمستشفى او المستوصف لما تمشي الاخت ماسكه جنطتها و فونها والخدامه شايله البيبي واهو يبجي يبيها يناديها ماما واهي طاف تقول مسكيه بعرف انت اصلا ليش صرتي مرا وام دامج مو قد المسؤوليه وباجر يقولون عيالنا ليش يحبون الخدامه طبعا اهي اللي تداريه وتلبسه وتوكله وتنومه وتشيله لما تروحين الطبيب وتلعبين بتليفونج