مدرسة حولي الباكستانيه الانجليزيه

لا والله ما يطقونهم ولا شي

انا اختي هناك و ولد اختي بعد

بالعكس مدرسه قووويه حييييييييييييييل

احنا دخلنااهم من الحضانه

والحين اولى روضه

و شهر 4 يدخلون ثانيه رووضه

بس ماشاء الله يقولون الاحرف انجليزي و عربي كاامله

و يكتبونها بعد

وكلماات بالانجليزي و العربي و يكتبون اسمهم بالعربي و الانجليزي

ويحفظون قرآآن

صج المدرسه قوويه

و كل يوم وااجباااات و نسخ احرف

يعني لو بالروضه مالت الحكومه جان اغاني و رقص و خلاص تخرج اليااهل

بس بهالمدرسه يطلع من الروووضه عارف كل شي من احرف انجليزي و عربي

بس اهم شي يكون لج وقت فراغ حق الوااجبات لان الواجبات واايد

خواتي في احد بعد يساعدني يعطيني معلومات عن المدرسه ؟؟

Up >> Up

حبيبتي مدرسة حولي الباكستانيه يكون جميع الجاليات مع بعض بالصف يعني عرب وهنود كلهم في صف واحد بس حصة العربي بفترقوون وبصراحه هذا اللي ما عجبني فيها باقي المدارس الباكستانية العرب بصف والهنود بصف ما عدى حولي

للرفع

في حولي مدرستين باكستانية..

من ناحية القوة فهي فعلا تدريسها قوي.. عربي وانجليزي وقرآن

ومافيها خلط للعرب والهنود ابدا.. العرب مع بعض والهنود مدخلهم خاص.. وانا الحين اتكلم عن العالمية الباكستانية.. مكان مدرسة الرؤية سابقا خلف بن العميد..

وما اذكر ابد احد اشتكى منهم بالضرب..

يعني باختصار التدريس قوي جدا.. اذا لك خلق مثل ما قالت لك الاخت كويتية.. تجابلينهم على الواجبات والامتحانات اول باول..
حتى على ما يجي الفاينل الا يكون بس مراجعة لان كل شي مار عليه..

اي وبعد على فكرة.. قبل الامتحانات يسوون لهم مراجعة شاملة للمنهج باسئلته وكل شي..
حتى يخف عليج التدريس..

اذا تبين نصيحتي.. دخليه في سنواته الاولى خل يتأسس عدل.. وبعدين لما تنقلينه للحكومة الا يكون عنده المنهج سهل..

والله يوفق وليدج ويبارك فيه..

السلام عليكم

أنا دخلت بنتي بس مع الاسف دخلتها متأخر ودراستهم صعبه اشوي يعني اذا تبين لازم ادخلين اعيالج من الحضانه بس هما على حسب الطفل لانه ابصراحه بنتي ماعجبها المدرسات (تقول ليش الابله جنها خدامة!!!!!!!!!!!)

وطلعتها والحين اهيا بالجيل الجديد وماشية ممتاز ماشاء الله عليها