مدى تقبل الانثى للرجل الموحلو

شوفي حبيبتي الشكل صح له دور بس مو مره احس اهم شي الحب والتفاهم وبعدين حلو الوحده تاخذ واحد مو حلو عشان تصير بعينه ملكةجمال وتدلع عليه وتشوف نفسها بس اذا تزوجت حلو وش الفايده هو اللي بيشوف نفسه ولا يعجبه العجب وفوق هذا كله يصير يترزز قدام الحريم والله يعين زوجته كله هواش وغيره ما اقول الوحده تاخذ واحد شيييييييين مره بس يكون شكله مقبول والعشره والمحبه لها دور والله يوفقك وكله قسمه ونصيب

صدقيني اهم شي اخلاقه
وطريقة التعامل بينج وبينه
والا بعدين بيصير بعينج
شيخ الرياييل
ولا ماراح ترضين عليه
احد يقول عنه مو حلو

والزواج
مو شكل
الزواج
عشرة واحساس بالمسؤولية والحب والتفاهم
عساج تحبينه وتموتين علهي واهوا يموت ففيج
ويعشقج
قولي امين

عساربي يجعلكم قرة عين لبعض
والله يهنيكم

ومثل ما قلت لج
الشكل مو ضروري
والللللللللللله مو ضروري

شوفي حبيبتي انا ريلي اول ما شفته اخترعت اي والله اخترعت كلش كلش ما كنت متصوره ان زوج المستقبل راح يكون بهالصوره بس مره مرتين ولمن شفت تفكيره و تعامله معاي وطيبة قلبه مع انه عصبي يعني مو بسرعه تقبلته بس لمن قمت اشوف الاشياء اللي تعجبني فيه يعني لونه انا وايد عاجبني لونه ولون شعره و قوة شخصيته صرت اشوفه حلو حلو ما في احلى منه وما ارضي يقول عن نفسه جيكر حتى

واهم شي انتي و اشلون تكيفين نفسج انج اتقبلينه و اتعودين عليه

الرياييل مخابر مو مظاهر
وشكل الريال كلش كلش مو مهم
لا شكله ولا جسمه ولا ستايله ولا شي
المهم أسلوبه واخلاقه هذي الي بتحليه في اعيونج

انا لما تزوجت ما كنت مهتمه حلو ولا لا وبعدين شفت انه حلو وشوي شوي صار عندي احلى واحد بالدنياا والرجل مو بشكله الرجل بأخلاقه وشخصيته ورجولته

يا بعد قلبي الله يوفقج ان شاءالله

شوفي والله ما اتوقع كان في احد مثلي يموت بالزين و بالحلوين لوووول

بس الحين احمد ربي مليون مره اني ما خليت هالشي يخرب علي !! جان تحسفت عليه انا متأكده

و جان تبين الصج الصج مافي احد مو حلو !!

ومافي احد ما يثير الاعجاب عند احد !!

بالكويت البنات يخزون ريلي !! و يمكن تعجبهم فيه الشغلات اللي انا ما تعجبني

و هني هم يتحرشون فيه المانيات و فرنسيات لووول

انه ما يكون حددده جميل يخليج ما تحاتين انج والله اليوم شعرج كشه و الا ويهج منصفق و هالشي جدا مريح نفسيا بعد الزواج لوول

اتخيل نفسي متزوجه جميل جمال . مراح يكون عندي شغل الا مجابله المنظره و احاتي يتصيد علي

فخلج عالمتعدل تكونين ربحانه من جميع الاتجاهات

ومشكوره بعد قلبي على دعوتج

جمال الشكل مو مهم الرجل جماله بشخصيته واخلاقه هي اللي تخليك تحبينه واعتقد ما في رجل مو حلو كل رجل في شي مميز والكمال لله سبحانه وتعالي