مكياااج العرووس

حبيبتي :-

شوفي انصحك انك ماتشترين كل شي مرة وحده لان في مكياج ينزل جديد كل ساعه المهم اخذي الأساسيات مثل الفاونديشين و الشدو والحمر والفرش بس مو وايد لان احنا بنات كل ساعه نشتري لا تستعجلين كلش تاخذين كل شي مرة وحده يمكن مايناسبك ،، والله يوفقك والف مبروك

بعد عمري

اولا مبروك و الله يوفقج يارب و يتمم لج على خيرر

انا مو متزوجة بس عندي خبره بالميك اب و اي سؤال لا يردج الا كيبوردج

اول شي عشان ما اتشتتين
اعرفي انتي شنو ستايلج الي بتتبعينه عشان تعرفين اشتشترين
لان ماله داعي العروس على اساس انها عروس تشتري كل الالوان و ما تستخدم منهم بعدين الا اقل من ربعهم

اولا كريم الاساس :
اخذي واحد للاستعمال اليومي :
للبيت حلو تستخدمين اي مرطب ترتاحين عليه و فوقه بودر خفيف
بودرة كانيبو التوتال فنيش رووعه اخذي الدرجة الي نفس لونج استعمال يومي و اخذي الفاتحة للمناسبات او اذا تبين تكشخين

كريمات استعمال يومي احلى شي نيفيا الايديل فينيش مع بودرة مابلين تلقينهم في سنتر بوينت

كريمات المناسبات اذا انتي نوعج تحطين ميك اب الاعراس بروحج اخذي كفر ديرم او كريولان مع بوردة سمايلنغ

و الاستقبالات و الطلعات حطي بودرة كانيبو الفاتحة مع اي كريم يناسبج

الشدوات : شارمل شدواتهم حلوة و يعطون اسعار حلوة بالمعرض روحي المعرض و اخذي لج باليته حلوة فيها الالوان الي تحبينها و اهم شي الاسود و الابيض و البني و الزيتي و الكحلي و المشمشي و الوردي الهادي المايل للبيج هذي اساسيات
واخذي منهم اضاءات و حمرر

الحمررر اخذي من غيرلان لان علبهم حلوة او سان لوران يعني حلو لما اطلعينهم من الجنطه شكلهم ذرب

اخذي تحديد اسمه سبايسي من ماك روووووعه يرتب الشفايف

البلاشر اخذي من اي ماركه ترتاحين لها بس حاولي يكون في تدرج مو لون واحد يطلع احلى
بلاشرات بودي شوب حلوة و ديور حلو بعد و لوريال

القلوسات اخذي اي ماركه ما يفرق بس اخذي قلوسات فيهم طعم للبيت لا تنسين

تعلمي ترسمين حواجبج بشدو الحواجب من بدي شوب او تاتو الحواجب من فور ايفر

المسكرا ما في احلى من هيبنوس لانكوم و اخذي كحل سشيدو الكريمي معاه تكون فرشته حلو حيل

و اخذي فرشة بلاشر من بودي شوب و فرش الشدو من بوبي براون

هذا الي جا في بالي و الخاص مفتوح لج اذا بتسالين عن اي شي و الله يبارك لج انشالله و يوفقج

اتمنى ما اكون نسيت شي

رشوقه انا مثلج بعد

قوطي بالمكيااااااج

فراشه كويتياااااات مشكووووووووورة ياقلبي والله ماقصرتي

والله يووووفقج ويرزقج بالزوج الصااااااالح

ماشاءالله عليها فراشه ما خلت لنا شي

اممم اذا انتي مو وايد مع الميك اب

اشتري set كامل من مكياجي العلبه العوده اللي فيها شدو والصبغ والبورده والكحل الاسود والحمر وهم ماسكرا وايلاينر كل شي فيها حدها زوغه

والفرش اخذي من بودي شوب الـ set كامل او من مكياجي يونسوووون وهم ينفعون حق اللي مو خبره بالميك اب حيل بتساعدج

وباجي التناتيف يمعها مثل الماسكرا مالت HR او جفنشي اتيينن
والفاونديش + و الاي لاينر + والـ lip stick ( احمر لااازم + وردي وفوشيا + براون ولحمي واورانج ) شوفي اللي يناسبج

ولا تكثرين وايد خليهم بعدين لانه الميك اب في شغلات مدتها بسيطه وتنتهي وهم بعد فتره ينزلون اشياء يديده واحلى

ووالله يوفقج بحياتج يارب

انا بعد نفسج عروس شريت لي من المعرض الالوان الاساسية من شارمل واللي على طول احطهم وشريتلي الوان فريحيه حلوة بحاول اغير ستايلي وطريقة مكياجي بعد الزواج … وطبعا البلاشرات بكل الوانها خذيت والتحديد والاقلام اللي تحت العين والكمباكت واالاضائات الحلوة هذي
الاصباغ اخذي كل الالوان والحين الفصفصوري حلو هابين فيه ادري بيطلع مو حلو اذا انتي مو هاوية الوان بس اخذيه يفيدج بالبيت تتزقرتين

وانا خذيت من استلودر حمرة ما تروح تصير تخلي الشفايف حمر طبيعي وفوقهم قلوس واايد حلوة تحطينها الصبح كمكياج الصباح وانتي معاه بالببيت او وانتي طالعه الصبح شي حلو وهادي وبالليل عد فنتكي بس البسيط حلو مو لازم يكون المكياج اوفر ..

ماشاءالله البنات ماقصروا …
بس أهم شي أخذي الأساسيات ولا تكثرين مكياج عشان ماتزهقين منه …
واموفقة حبيبتي إن شاءالله …