تخطى إلى المحتوى
الرئيسية » ملابس النفاس؟؟

ملابس النفاس؟؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

بنات شنو تلبسون بفترة النفاس؟؟

و من وين تشترون لبسكم؟؟
شنو تلبسون اذا ياكم أحد و شنو تلبسون بالبيت عادي اذا بروحكم؟؟

الوسوم:

14 أفكار بشأن “ملابس النفاس؟؟”

  1. chahinez
    الرد
    قمصان حق الولادة حرير ولا ستان تلاقينهم يا قطعتين يا قطعه يا اييج القميص مع روبه يا كامل نفنوف وفيه فتحة صوب الزرارت حق الرضاعه تلاقينه بأنور والطاهر ومحلات قمصان النوم

  3. imilla
    الرد
    اول الأيام قمصان حرير او قطن مع اروابهم .. لا تاخذين ستان بالصيف حرر .. و اخذي لج جم دراعة ناعمة حق اذا يالج احد عقب ما ترتفعين

  4. mira
    الرد

    اقتباس:
    المشاركة الأصلية كتبت بواسطة روحي-تحبك
    قمصان حق الولادة حرير ولا ستان تلاقينهم يا قطعتين يا قطعه يا اييج القميص مع روبه يا كامل نفنوف وفيه فتحة صوب الزرارت حق الرضاعه تلاقينه بأنور والطاهر ومحلات قمصان النوم

    مشكورة

  5. imilla
    الرد

    اقتباس:
    المشاركة الأصلية كتبت بواسطة وروود
    سوق الجميع عتدهم حلوين

    الطاهر
    انور

    دراعه كلوش نعومه وفيه اللي فوقهم تور انا خذيت منهم نعومين

    الطاهر و أنور أدلهم
    سوق الجميع وين؟

  6. kamiliya
    الرد

    اقتباس:
    المشاركة الأصلية كتبت بواسطة flana
    اول الأيام قمصان حرير او قطن مع اروابهم .. لا تاخذين ستان بالصيف حرر .. و اخذي لج جم دراعة ناعمة حق اذا يالج احد عقب ما ترتفعين

    مشكوووووووره يالحبيبة

  8. chichaki
    الرد
    الطاهر وانور مثل ماقالوا لج الاخوات وفى بعد سوق سلمان الدبوس باسرداب محل بس لملابس النفاس والمواليد حللللللو انا اشتريت منة لبنت اخوى ولامها هدية حلو راح يعجبج واسعارة حلوة ومناسبة السوق الى منطقة الفحيحل اسواقة حلوة واشياء غريبة تعالى وشوفى بنفسج

  10. hanan
    الرد
    قميص كشخه لاستقبال الضيوف

    دراريع ستان ناعمه لزيارة الخالات والناس الخاصيين

    دراريع بيت عاديه اذا ماكان احد بيزورني

    والله يسهل على الكل

  11. chahinez
    الرد
    بالمستشفى اخذي لج دراعه خفيفه ناعمه وشكلها حلو
    اما بالبيت اول الايام اذا بييج احد اخذي لج دراريـع الحريـر تحصلينها بانور والطاهر وفي محل بعيد النصار عنده هالسوالف

    وبالبيت اذا ماعندج احد اشتري لج جم بجامه قطن
    والله يسهل عليـج وعلينا انشاءالله

  12. brinhu
    الرد
    اذا احد زارني البس اطقم ارواب قطعتين من انور والطاهر كشخه لكن اذا بروحي البس بجايم امهات 3 دنانير بس يكونون مبطلين من جدام حق الرضاعه

  14. khouloud
    الرد
    صراحه انور عنده قمصان نفاس رووعه …لالالا خيال
    لالالا شقول …. تهوس
    لكن اسعاره غاليه حيل…والمشكله انه للنفاس وبس يعني مايصير لوقت ثاني
    صراحه انا اشوف ان مجمع النقره الجنوبي اسعاره زينه يعني 18 و25 حلو
    وشفت نفسهم بالفروانيه بالضبط
    واخذي اللي الحرير مبطن بقطن
    ولو تلقين قطن وذرب احسن بعد…عشان المبطن يخليج تعرقين
    وفي اظن بالجميع ذربين واقطان من قطعتين .
    واذا بالبيت ماعندج احد يعني الظهر والعصر لبسي دراريع قطنيه عاديه …وطبعا بدلي قبل المغرب تحسبا للضيوف
    ولاتنسين ان اي شي تشترينه لازم مفتوح للرضاعه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.