تخطى إلى المحتوى
الرئيسية » منو جربت الولاده الطبيعيه من غير كمام ولا ابره

منو جربت الولاده الطبيعيه من غير كمام ولا ابره

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم كروشات
شلونكم؟
شلون الحمال معاكم؟

طبعا الموضوع باين من عنوانه
انا بجريه وفي اول السابع وبصراحه ابي اكون واعيه لمن ينولد البيبي مابي اكون مخدره

وكنت ناويه اخذ ابره ظهر بس اخترعت من تجارب البنات وخاصه اللس دكتورتها ناهده يوم تقول البيبي راح يموت

فعلشان جذي قاعده افكر اني اولد طبيعي والسهالات تجي من الله ان شالله
والخياط يحطولي مخدر
فبلييييييز بنات ابي تجاربكم اللي ولدوا طبيعي من غير كمام ولا ابره

الوسوم:

14 أفكار بشأن “منو جربت الولاده الطبيعيه من غير كمام ولا ابره”

  1. chichaki
    الرد
    يؤوه. انتي من صجج. أنا ولدت. بدون ولا شيء طبيعي. يومين. و ربي تعبت نفسيتي حيل مو شوي. ا نصيحه. لوجه الله. اخذي كمام. انتي ما اصارخ عليهم. يعطوني كمام من كثر الالم. مارضوا. اولدي بمستشفى. خاص و فكي نفسج

  3. inzou07
    الرد
    يااااااااربي !!!
    من صجج انتي ؟! شاللي حادج ؟
    الحريم كمام وابرة ظهر وباليالله يالله يتولدون من العوار وانتي ماتبين لا هذي ولا هذي !!
    صدقيني بحزة الولاده من العوااااار بتقولين قربوووو الكمام
    هههههههه ضحكتيني اصلا انا من ادخل غرفة الولاده بخمط الكمام يمي واجلب فيه وماهده لين اولد

    شكلج شجاعه 

  4. amira
    الرد
    ههههههه
    يعني ولادة بيت
    عيل ليش اتعبين عمرج وتروحين المستشفى

    الطب تطور والحمدالله مسكنات وكمام وإبرة الظهر ليش شالله حادج
    لإنج ماجربتي الطلق وطاعة الراس الله يسهل عليج

  5. madiha
    الرد
    صاحه من العوار تبي اي مسكن بس انصحج اولدي بالهادي طلعت الراس و الخياط ماحسيت فيهم كنت نايمة اهم ينمونج بطلعت الراس

  10. kamiliya
    الرد
    ماعليج من سوالف البنات العوار ماراح يذبحج كل طلق يجيج ثثواني و يروح مو صعب تتحملينه
    انا عيالي 2 بدون مخدر واحلى ولاده واحد بالعدان والثاني بالمواساه اصلا احلا شي لما تحسين فيه و بطلوقه صج عوار بس تحسين بعواره احسن من تكونين مخدره ولما يطلع وتشوفينه و تسمعين صيحته شعور ولا احلى ويخطونه على بطنج تالي يعطوني ابره عقبها انام عشان الخياط والولاده عواره تنسينه بعد ماتولدين على طول

    ولدي بالسلام نومونيي بالابر و لدت ماحسيت فيه صراحه مو شي نمت وقعدت لا شفت طلعته ولا سمعت صوته
    وبالسلامه ان شاءالله و انا وياج

  11. chahinez
    الرد
    الولادة من غير ابرة ولا كماام ====تحسين روحج بتموتيييين تشوفين المووووت بعيووووونج

    عذااااااااب وبالاخص اللحظات الاخيرة

  12. kamiliya
    الرد
    انا جربت الكمام فتره الطلق وكان بصراحة يخفف الألم علي بس وقت الولادة الفعلية قريب طلعة الراس شالو عني الكمام علشان اصحى واقدر اني ادفع الياهل

  13. imilla
    الرد
    شوفي حبيبتي انا جربتة بدون كمام في ولدي الثاني ورب البيت مع اذكار الولادة والاستغفار طلع بكل سهولة بس مااقولج بدون الالم لزم في كل الولادت الالم تدرين ليش لن ربي يكفر عن كل الذنوب اللي ارتكبتيها مع كل طلق تحسينة

    ولدي الثالث اخذت كمام في البداية بس شالوة مني علشان اساعدهم ويطلع بسرعة والحمدللة تخيل كل ماحسيتي بالالم انمسحت ذنوبج ورجعتي كيوم ولدتكي امك تخيل
    صج ان اللة كريم ونحن لانستحق كرمة
    نصيحة ابرة لا ثم لا اخذي كمام بس في البداية

  14. مريم
    الرد
    من صجك يمعودة راح تموتين من العوار لا يبا اخذي الابرة انا ماجربت بس اسمع ومن الحين خايفة مرات افكر بليل ماقدر انام من اسمع العوار فلبطن والظهر كانة واحد يكسر ظهرك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.