من لديها معلومة عن الأطعمة المناسبة للطفل في عمر ست أشهر

بنات وينكم

شوفي حبيبتي وركزي معاي
أهم شي تأكدي إن الطفل ما يستغني عن الحليب ولكن في فكرة مغذية أكثر وهي زيادة السيريال مع حليب الممية مع كل مكيال حليب مكيال سيريال
أما عن نوع السيريال ففي البداية استعملي سيريال الأرز لأنه وايد أخف وسهل الهضم على معدة البيبي ويشبع
ولكن الأهم هو تعويد الطفل على الأكل بالملعقة
ابدي بعد مرحلة زيادة السيريال على الممية يأسبوع وكليه سيريال الملعقة وسويه شوي سائل عشان ما يغص فيه
(((( طبعا اشتري ملعقة البيبي البلاستيك متوفرة بكل مكان)))
ولا تبدين توكلين الطفل بالقفشة إلا لما يكون يعرف يرفع راسه ويقعد متسند على كرسي بيبي أو مخدات ولا توكلينه وهو نايم
ابدي وجبة واحدة باليوم وبعدين وجبتين
أهم شي يكون الطفل جوعاااااااااان عشان ياكل ولا تنصدمين لو لقيتيه ياكل كمية قلية هذا العادي (ابدي بعمل مكيال واحد وخليه شوي سائل)
وبعد ما ياكل السيريال مدة اسبوع
نبدي مرحلة الجد

الأكل الفريش مافي أحسن منه ويغذي أحسن من السيريال مليون مرة
عندج البطاطا الحلوة اللي لونها أحمر فظييييعة وايد وايد مغذية غسليها حيل وقشريها عدل وطبخيها بماي فقط خليها تغلي تغلي لين تصير وايد طرية مثل المرهم وهرسيها بالشوكة عدل أنا ولدي واااااايد يحبها

عندج التفاح المسلوق (يقشر طبعا ويسلق جيدا)
الكمثرى المسلوقة (يقشر طبعا ويسلق جيدا)
ويراعى عند التقشير إزالة طبقة كبيرة من القشر عشان لو كان فيه اي أي شي خربان يطلع
الموز المهروس بالشوكة (بدون سلق) الدكتور يقول عنه أفضل غذاء للطفل وايد مغذي وسهل الهضم

طبعا كل الأصناف السابقة تنسلق جيدا بعد الغسيل وتنهرس جيدا جدا بالشوكة أو لو عندج خلاط مولينكس مال الأطفال وايد زين

**********************************
أما الغدا فتقدرين تسوين :
جزر مسلوق
كوسا مسلوقة
قرع مسلوق
وطبعا الكل ينهرس جيدا وممكن تضيفين معاه قفشة من الأرز المصري عند السلق عشان يشبع ولقيمة غذائية أفضل
في الفترة الأولى استعملي كل نوع أكل بروحة وبعدين تقدرين تخلطين
يعني سوي تفاح وكمثرى مع بعض
كوسا وجزر مع بعض
قرع وبطاطا حلوة مع بعض
جذي
وأهم شي

الاهتمام الكامل بالنظافة لأن وايد أطفال تبدي معاهم النزلات المعوية لما يبدون بالأكل
الاهتمام بنظافة كل شي تستخدمينه في الطبخ
وتخصصين للبيبي قدر صغير ستاينلس ستيل بروحه
******لا تستخدمين الألومينيوم ولا التيفال**********
وديري بالج الياهل اللي يتعود على أكل السيريال بس صعب تعودينه ياكل الأكل العادي
ولا تعودين الطفل على نوع واحد أكل بس دايما نوعي
ولا توكلين عسل أو سكر أو ملح قبل عمر السنة ولا تنسين تشربينه ماي بعد الأكل

انا صار ٧ شهور بس مالي خلق اوكله واسويله بس بحاول عالايام ابلش
بعطيه الريوق حليبه مع بسكوته فارليز
الغدا عيش و كوسه و جزر

وبس لي الثامن بعدها بسوي شي ثاني للريوق بس العشا ماودي اعطيه اخاف يحوشه عوار
وملاحظه كل وجبه معاها ماااي