تخطى إلى المحتوى
الرئيسية » موسوعة الحلى الباااارد . متجدد

موسوعة الحلى الباااارد . متجدد

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

مرررررررحبا ياالشيفات

أبي حلى بارد ولذيذ مابي واحد أبي كذااااااااااا واحد عشان اختار أحلى واحد فيهم لزوارتي لأهلي باجر ومالي خلق أفتر

بالصفحات فحطيت على غوغل بس جد جد تعبت لأني ماألقى اللي أبيه ولمن دشيت اهني لقيت اني راح افتر بالصفحات

عشان أدور كذا طريقه واختار وحده منهم

فأتمنى من جارة القمر انها تخلي هالموضوع موسوعة الحلى البااااااااااااااارد فقط

عشان اللي تبي البارد من غير ماتفتر بالصفحات تلقاه بمكان واحد

وأتمنى من الخبيرات بالحلى البارد يدشون ويعطونا جم طريقه ويالليت بالصور وبالخطوات

أنا مفكره أحط كل اللي البنات بيحطونه اهني ملاحظه بتليفوني أسهل كل مابغيت حلى بطلت عالملاحظه وقمت أدور اللي ابيه

اي صج بنات ونبي وحده خبررررررررررره تسويلنا ملاحظه txt للموبايل فيها كل الحلى البارد وتحط العنوان

(( موسوعة الحلى البارد _ منتدى كويتيات ))

عشان تفتر عالكل حالها حال القصص وبنطر متى توصلني

لووووووووووووووووووووووووووول

يلا بنات ورونا همتكم

مع تحياتي : سراج الليـــــــــل

الوسوم:

9 أفكار بشأن “موسوعة الحلى الباااارد . متجدد”

  3. salima
    الرد

    هلا حبيبتي

    يبتلج هالحلى سهل ولذيييييذ من الاخت العضوه قطوه

    وهذي الطريقه تري سهله:_

    الطريقه جدا سهله و عادية :- باونك كيك ككاو سخنته بالميكريويف اشوي و حطيت عليه صلصه هيرشي و حطيت عليه ايس كريم كي دي دي ككاو

    و حطيت عليه صلصه هيرشي و كسرت فوقه اوريو و بس

  4. brinhu
    الرد
    حلو الجيس كيك اوريوو

    الطريقة :
    1- صفي كيك الكاكاو في قالب الكيك الي ينفتح من الأطراف وشربيه بعصير كوكتيل كي دي دي أو عصير برتقال ودخليه الثلاجة على ما اتسوين الطبقة الثانية.
    2- حطي في الخلاط 3قيمر ، 2 كريم كرامل ، جبنة فيلاديفيا ، سكر ( مقدار فنجان قهوة عربية ) ، 1ملعقة جيلاتين مذابة في نص كلاص ماء حار .
    3- جهزي بسكوت الأوريو 10 بسكوتات قطعي كل بسكوته 4 أجزاء وحطيه بعدين مع الخلطة الي سويتسها .
    4- صبي الخلطة على الكيك ودخليها الثلاجة .
    5- عند التقديم زيني أطراف التشيز كيك ببسكوت الأوريو المطحون . واذا بتزينين سطح التشيز كيك اصير بعد حلو بس آنا ما زينته .زينته ب5 حبات من بسكوت الأوريو

    —————————-

    حبايبي مقادييير الكيكة الأخيييره ( ماخذتها حماتي من منتدى للأمانه ) :

    الطبقة 1 : بسكوت أولكر الشاي ويوضع فوقه صوص الككاو وطريقته ( نعمل حمام مائي يخلط فيه كل من : علبة قشطة نستله أو قيمر كي دي دي + 2 ملعقة كبيره من صوص ككاو سائل جاهز + ملعقه شكر بودره ) يوضع فوق طبقة البسكوت ثم فوق الصوص طبقه ثانية من البسكوت .
    الطبقه 2 : في الخلاط يتم خلط : 2 كيس دريم ويب + قلاس حليب سائل بارد + 3 ملاعق شكر بودره + 4 حبات جبن كيري + نص علبه قيمر إما القشطة أو الكي دي دي ) ويوضع فوق البسكوت .
    الطبقة 3 : برد ساندويتش يقطع ويوضع بالأطراف ويزين بالنص فليك مبشور أو مفتت …

    ملاحظة

    * توضع الكيكه في طبق التشيز كيك الدائري اللي ينفتح من الأجناب حتى يعطيها نفس هاذا الشكل .
    * قبل وضع طبقه 3 يوضع الطبق في الفريزر مده ساعه حتى تتماسك الطبقه .
    * يفضل عمل الحلو قبل تقديمه بيوم حتى تتماسك الكيكة جيدا .
    والنتيجه حلوه ولذيذه نفس ما انتو شايفينها بالصوره … وعوافي مقدما

  6. imilla
    الرد
    2 كيس دريم ويب

    1 كوب كريمة الخفق

    8 حبات جبن كيري

    2 كوب قشطه

    4/3 كوب سكر بودر

    كمية كبيره من بسكويت بتي بور + حليب سائل للغمس

    للزينه

    حشوة التورته ( كرز أو التوت الازرق )

    الطريقه
    اخلطي جميع مقادير الكريمه بالمضرب الكهربائي ( دريم ويب + كريمه + جبن كيري + سكر + قشطه )
    احضري إناء التقديم ثم شربي البسكويت في الحليب وصفيها بجانب بعض( بالعرض )
    طبقه واحد فقط ثم امسحيها بطبقه خفيفه من الكريمه

    صفي فوقها طبقه اخرى من البسكويت ولكن بالطول وبجب ان تكون حجمها اصغر من حجم البسكويت إلي في الاسفل وامسحي عليها الكريمه نعمل 4 طبقات من البسكويت وبين كل طبقه نمسح كريمه

    والصف الثالث نعمل 4 طبقات اخرى ولكن بالعرض وحجمها يكون اصغر من إلي في الاسفل
    كل طبقه يجب ان تكون اصغر من الاخرى ( يعني تأخذ على شكل الهرم ) طبقه بالطول والاخرى بالعرض

    والصفين الاخيرين نضع فقط طبقتين من البسكويت

    ثم امسحيها من الخارج بباقي الكريمه وادخليها الثلاجه لتجمد الكريمه قليلا

  8. kamiliya
    الرد
    بسكويت جالكسي

    المقادير:
    3 جالكسي مذوب عالبخار
    1 باكيت بسكويت (اي نوع بسكوت ينفع لمثل هالوصفات)
    2 علبه قشطة
    دريم ويب ( مغلفين )
    حليب سائل

    الطريقة:

    1- نغمس البسكوت في الحليب السايل ونرصه في الصينية
    2- ناخد الجالكسي ندوبه على البخار ومعاه علبة قشطة .. حتى اللون يتغير والخليط صارثقيل شوية .. نصب نص هالمقدار فوق البسكوت
    3- نرص فوق الطبقة بسكوت من جديد ونصب فوقه باقي الخليط
    4 – ناخد القشطة الباقيه مع الدريم ويب وباقي الحليب ونخلطهم في الخلاط ونصبهم في الصينيه ونجمدها

    للتزيين:
    جالكسي مبشور … او بودرة الجالكسي
    او ممكن بودرة اي نوع من انواع الكاكاو ممكن سكر ناااااااااااااااااعم (مطحون )

    منقوووووووووووووووووول

  9. hanan
    الرد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.