بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلآم عليكم
.gif "Eh S(17)")
موظفات البنك الأهلي المتحد
عندي جم سؤال .. وأتمنى تفيدوني
1: بالنسبة للأفرع والكول سنتر .. من متى لـ متى دوامههم ؟
اذا كانوا بأماكن داخلية + بأماكن تجارية ؟
2: جم مدة الدورة اللي يقدمها البنك للموظف اليديد ؟
3: شنو شروط اللبس بالافرع ؟ يعني في بنوك تمنع البناطيل .. وفي بنوك تحدد حتى نوع الأحذية
المسموح فيها .. فـ البنك الأهلي المتحد شنو منوعاتهم بالملابس وشنو المسموحات ؟
4: جم معاشاتهم ؟
وشكرا ً
.gif "Eh S(8)")
السلآم عليكم
موظفات البنك الأهلي المتحد
عندي جم سؤال .. وأتمنى تفيدوني
1: بالنسبة للأفرع والكول سنتر .. من متى لـ متى دوامههم ؟
اذا كانوا بأماكن داخلية + بأماكن تجارية ؟
2: جم مدة الدورة اللي يقدمها البنك للموظف اليديد ؟
3: شنو شروط اللبس بالافرع ؟ يعني في بنوك تمنع البناطيل .. وفي بنوك تحدد حتى نوع الأحذية
المسموح فيها .. فـ البنك الأهلي المتحد شنو منوعاتهم بالملابس وشنو المسموحات ؟
4: جم معاشاتهم ؟
وشكرا ً
بالنسبه للكول سنتر ما عندي فكره عنه
أما الأفرع اذا كان بمناطق سكنيه الدوام راح يصير شفت واحد من الساعه 8 لي الساعه 3
و اذا بأماكن تجاريه المجمعات الدوام راح يصير شفتين صبح و عصر
بالنسبه للدوره على حسب البنك
فيه بنك دورتهم مدتها 3 أشهر و فيه بنك مدة دورتهم 6 أشهر
أما اللبس ما عندي فكره والله
و الراتب اذا جامعي بحدود الـ 500 و الدبلوم 400 غير دعم العماله
و الحمدالله انا توني انقبلت فبنك برقان و انتي الله يوفقج و تتوظفين بالمكان اللي تبينه ان شاء الله
أتمنى أكون فدتج
اب
اب
مبروك الوظيفة
شنو تخصصج و من وين؟
شوفي ياطويلة العمر بالنسبة للكول سنتر دوامهم شفتات بس حق البنات حدهم يداومون لي ٩ بليل جن مو متأكدة منه لان مامر علي احد بالكول سنتر
وبالنسبة للأفرع السكنية من ٨-٣ والتجارية ٩-١ والعصر ٥-٧ وطبعا لازم تكونين موجودة قبل هالوقت بنص ساعة وتطلعين بعد نص ساعة وفي عندج فرع المطار ومجمع الوزارات من ٨ -٢ وجيكي بموقع البنك عن اوقات دوام الافرع
والدورة الي يقدمها البنك اهي اسبوع بس بالرئيسي بعد هالاسبوع يوزعونكم بالافرع كمتدربين لمدة ٣ شهور بعدها تتثبتون
واللبس عادي مو ممنوع البناطيل بس ممنوع الجنز والالوان الفسفورية والاوفر فاشن
المعاش ممنوع نقوله بالضبط بس اهو اعلى بيسك بالبنوك يعني ٥٠٠ وزيدي عليها خردة هذا حق الجامعي والدبلوم ٤٠٠ وخردة وفي بدل عصر حق الي يداومون شفتين ١٢ دينار اليومية اذا داومتي ١٢يوم واكثر و٦ دنانير اليومية اذا داومتي اقل من ١٢ يوم
والبونص السنوي على حسب تقديرج يا راتب او راتبين او ٣ وتذاكر حق القاهرة كل سنتين وتأمين صحي
اييي ونسيت اقولج ترى ماله داعي واسطة توكلي على ربج وقدمي انا انقبلت بدون واسطة وشغلهم سريع مشالله ماينقعون
أنا تخصصي اتصالات لووول مال امه داعي بالبنوك بس الحمدالله مشت أموري سهالات معاهم
نصيحه قدمو على كل مكان و اكثر من بنك
ربي يوفقكم ان شاء الله