نبي افكار جديدة وحديثة في اعداد الدروس الريادية و ورشات العمل

وفعلا فيه إفادة للجميع

أولا ورش العمل

لا تخلونها بس كلام بكلام

لا …لازم تدخلون معاها أشياء تكسر الملل

بالنسبة لي آنا سويت السنة الماضية ورشة عمل عن التعلم باللعب للمرحلة الإبتدائية

الورشة ما خليتها بس كلام بكلام

لاااااااااااا

سويت الآتي :

1- أثناء الورشة
طبعا آنا كنت اتكلم بصالة الألعاب بس تحت مو على المسرح
وكان على المسرح صف بس مو كامل خذيت تقريبا 15 بنت بس
وكنت مجهزة بالمسرح السبورة المتنقلة وأدراج ((يعني صف مصغر ))
وكنت مسكرة ستارة المسرح
بعد ما خلصت الكلام عن التعلم باللعب صعدت المسرح أمام الحضور وطبقت كلام الورشة على الصف

كانت الحركة واايد حلوة وعجبت الكثير

لأنه كلام يعقبه تطبيق مبااااشر وهذا هو المطلوب

7

7

2- معرض كامل لأفكار لألعاب تربوية

وعقب التطبيق هذا.. الكل قام وفر وشاف المعرض وكنت آنا واقفة عشان إذا أحد يبي يسأل سؤال

وكان هذا أحلى شي بالورشة الكل يصور ويطالع ويسأل

وأحس خذيت فيهم أجر وااايد

((بنهاية الورشة فروا وشافوا الأفكار ))

7

7

حركة المعرض وااايد شدت الحضور

تخيلوا قبل لا أبدي الورشة وأهما يفرون ويصورون

عشان جذي لا تغلطون غلطتي

حطوا شريط محد يدش المعرض ليما ينقص الشريط من الناظرة والموجهة أحسن لكم

ثانيا : الدروس الريادية

آنا بوجهة نظري عشان الدرس الرايادي ينجح..يكون فني بالدرجة الاول
يعني أقصد مو بس مظهر وتكاليف على الفاضي

لازم يكون فيه الآتي

1- بعيدا عن التكلف
يعني لازم يكون واقعي ..مو تيبين وسائل مكلفة بالواقع إنتي ما تقرين توفرينها
إذا يبتي وسائل لا تطبق على أرض الواقع لتكلفتها .صدقيني ماراح يكون ناجح

2- عدم تدريب الطالبات مسبقا
خليهم على سجيتهم ..والله صدقوني مرة حظرنا درس الموجه قال البنات مدربين من قبل
وصج كان واااضح لدرجة إنه البنت مو متفاعلة تحسين حافظة الإجابة صم

3- إستخدام وسائل التعلم الحديثة

مثل

التعلم باللعب ((وما شاء الله الإنترنت فيه أفكار قمة بالرووعة ))
التعلم التعاوني ((تقسم الصف لمجموعات يتعاونون بينهم في الصف ))
التعلم بحل المشكلات ((وهني تربطينهم بواقعهم من خلال حل مشكلة يواجهونها بحياتهم ))
التعلم بإستخدام القصة ((أي قصة متعلقة بالدرس ))

موفقة يالغالية