هل يحق للناظرة ورئيسة القسم معاقبة المعلمة على الغياب المرضي؟

لج حق 15 يوم مرضية

زيادة قدمي فيها مجلس طبي و يحييلج اهوو للاجازة لفترة مرضية

و حسبي الله و نعم الوكيل عالظالم عبالها انج اتجذبين

هذي مشكلتهم مو مشكلتج

والحل انتي بنفسج قلتيه

الحل تتعاملين معاهم مثل باجي زميلاتج

انتي اللي مصغرة نفسج عندهم وسامحة لهم بهالشي

لانج مبينة لهم ضعفج وحاجتج لهم

وهذي عيب اللي تركض ورا هالتقرير وتبين هالشي لهم

المنهج عساه ماخلص

محد يحاسبج كلللش ع المنهج

المسؤولة رئيسة قسمج والناظرة والتوجيه

اهمه اللي يسدون النقص

تبين نصيحتي

طفي جهازج ولاتردين ع مكالماتهم

لانهم مو كفو حشيمة

ماقدروا ظرفج ولا صحتج

ولا بيدهم شي

طنشييييهم واسحبي عليهم

الصحه لاراحت مايعوضها شي

لا سمح الله صار لج شي بتدفعين دبل معاشاتج ودبل امتيازاتج

الواحد يشتغل عشان يطور حياته

مو عشان يدمر حياته

عيدي حساباتج وعيدي التفكير باولياتج

انا والله اموت من القهر لما اشوف المعلمات مظلومات من هالحقيرات اللي مايقدرون

انا لو مكانج ما افكر فيييهم كلللش ولا برايهم ولا بزعلهم

واقصاها ادز لهم مسج واقول عسا اللي فيني فيكم عشان تعرفون اذا اقدر اداوم او لا

شكرا حبيبتي .. على النصيحة صدقيني انا من النوع اللي ما يفكر في التقرير لكن رئيسية قسمي هي اللي تفكر فيه ومن كثر ماهي عاشقة للتميز ظنت الناس مثلها انا التوجيه يدري بحالتي اني مريضة وقلت للموجهه بلساني اني تعابنه وما خبيت على احد وترجيته علشان الامتياز .. لكن اللي ضايقني انه تظن انا شغالات عندها وعند الناظرة هي لو حكيمة كان قدرت تتصرف في حالة غياب اي معلمة زميلتها تتعاون معها وتراعي ظروفها هي تركت الأمور تمشى على البركه مع اني انا اذا اخذت احتياط زميلتي درست لها علشان ما تتأخر وخليتها ما تحاتي منهجها هو اول وتالي خالص خالص ، لكن حز في نفسي تهديدها وقلة ادبها وعدم وتقديرها لظروف المعلمة اقول لج شئ ، مرة الناظرة نادتني لمكتبها ولما دخلت لقيتها تتكلم في التيلفون طلعت اشرت لي بيدها تعالي المهم دخلت الا واسمع الناظرة تتكلم عن معلمة في مدرستنا غايبه وتقول هذي ما صدقت على الله يعني تمرض وتسير فيها هالمصيبة علشان تغيب انا تضايقت حيل حسيت بقهر على هالمعلمة وليش الناظرة تكون سيئة الظن لهذه الدرجة وتقول عنها انها ما صدقت على الله مهما كان المرض يذل الانسان ويهد حيله ويش دعوة يفرح وهو يتنقل بين المستشفيات لكن هذلن الناظرات ونظرتهن للمدرسات وفي حينها تصورت ان المناطق التعليمية مكتب توريد العمالة المنزلية والمعلمة اللي تمرض وما تعجبهم يبدلونها استغفر الله العظيم ، بيني وبين نفسي تضايقت على حال هالمعلمة انا يا اختي العزيزة عطيتهم الطاف وحطيت لي خط ثاني خاص لي ولأهلي ومن يعز علي اما المدرسة حطيت لهم خط اسكرة لما اغيب ، تخيلي اذا غبت ويش تسوي تروح حق صديقاتي وتقول دقو عليها او انها تبلغهم يبلغوني مطالبها .. استغفر الله العظيم ..انا عمري ما اهتميت بتقريرها حتى انها مرة قالت نعطيج افادة قلت عطوني ما يهمني لا عت جبدي منهم ومن مطالبهم اللي ما تخلص .. وشكرا على مرورج ونصيحتج ..

طالبه ١٩٩٠كلامك عين العقل وانا معاك مليون بلميه لو الواحد بيمشي ورا الناس ويتركهم يحكمون عنه كان الواحد راح فيها والله اذا او صلت لصحه ركزي على نفسك وصحتك هم اهم وبعدين يزعلون يرضون بطقاق وضعك واضح مو وحده قاعده تلعب اخذي طبيات وريحي عمرك العمر يخلص والشغل مايخلص الله يشفيك شفاء عاجل

لاحول ولاقوةالا بالله
الله يعافيج ويشافيج شفاء لايقادر سقما

اخذي مجلس طبي

واذا فيها خير اتكلمج

لا تداومين ولاىشي ولا تردين عليهم

لااا تردين عليهم خير شرررررررر

وارد اقووول الصحه فووووق كل شي الدواام موو مهم الصحه اهم الزم ما عليج صحتج