ولله الحمد من بعد الله ثم سورة البقرة والاستغفار انــــا .

ا

لسلام عليكم

اشلونكم بنات ان شاء الله يرزقكم يارب ويمن عليكم رب العالمين مثل ما من علي بفضله ورحمته يابنات انا ولله الحمد والشكر حامل بعد 4 سنوات كنت اعاني فيهم من دكتورة لي دكتورة ومن عياده لي عياده ما خليت شي والنفسيه كانت توصل لي تحت الصفر من الكلوميد والابر والتلقيح ومن نفسيتة بعض الدكاتره جني مو ناقصه
كنت وايد افكر وحيل احاتي واحسب الايام وكل شهر ومن اللقافه اللي فيني اروح اسوي تحليل منزلي او دم ..
وفي يوم صادفت وحده اعرفها من زمان خوش بنيه قلت لها عني فانصحتني وقالت لي استمري عليها وبالج اتخلينه تدرون شنو كثرة الاستغفار (( استغفروا ربكم إنه كان غفاراً يرسل السماء عليكم مدرارا ويمددكم بأموال وبنين ويجعل لكم جناتٍ ويجعل لكم أنهارا )) وسورة البقرة وعسل فيه غذاء الملكات وطلع النخل وحبوب اللقاح كل يوم مع ماي زمزم استمريت عليه تقريبا 3 اشهر والله يابنات الله سبحانه وتعالى رزقني في شهر ما كنت ابدا اتوقعه والله والله والله كنت اقول انا ما راح اراجع بهذا الشهر ابي ارتاح نزل علي في موعدها نقط خفيفه عقب اختفت ما حطيت في بالي اني اكون حامل تأخرت اسبوع ما حبيت اني اركض مثل كل مره واشتري التحليل علشان بس ما احس هالاحساس بالخيبه وانا بطبيعة شغلي صاعده نازله اصعد الكرسي علشان انزل ملفات وانط منه يعني ولا واحد بالميه حاطه في بالي اني اكون حامل ليما قلت لزوجي قالي امشي اوديج اتسوين تحليل دم رحنا للعياده وسوينا الاختبار وعقبها بساعه بشروني يعني احساس ولا في الخيال بشهر ما راجعت فيه ولا حطيت الحمال في بالي بس رجعت لربي وادعي بصلاتي وصلاة الليل يارب ارزق كل محرومه كنتم في بالي ولكم نصيب من دعواتي وارزق فلان وفلانه وياربي انا بعد وياهم والاستغفار وسورة البقرة والحمد لله والفضل والمنه … اللهم لا مانع لما اعطيت ولا معطي لما منعت

الله يعوض على كل محرومه بالذرية الصالحه
ويارب تمم علي بخير واحفظ لي جنيني واجعله من عبادك الصالحين