وينكم يالعنزيات تعالواا ساعدوني ؟؟

المليحيه

مقادير طبخ اللحم:

بصل حبه وحده مقطع
لحم حسب الطلب
الماء حتي يمتلئ القدر
ملح ملعقتان
بهارات ملعقه

مقادير اللبن

علبة لبن المراعي المتوسطة الحجم
ماجي مكعبات مكعبه وحده
فلفل احمر حسب الرغبه
فلفل اسود حسب الرغبه

((طريقة العمل))

1- نضع اللحم داخل القدر ونضع فوقه الماء الساخن والبصل مع البهارات على النار

حتى يستوي واذا تبخرت المياه اضافة مياه اخرى حتى يستوي اللحم.

2-ونضع اللبن في قدر اخر على النار ونضع عليه ماء من ماء اللحم المغلي(المرق) بكميات قليله متتاليه

3-وتحريك اللبن دون التوقف واضافة مكعبات الماجي والفلفل الاحمر والاسود حتى غليان اللبن انتبهي لا تحترق

4-ووضع اللحم فوق اللبن بعد تصفيته من الماء وترك ماء اللحم واذا كان اللبن ثقيل نضع من ماء اللحم حتى يكون متوسط الكثافه

5- طبعا وجود خبز من الخباز او الي ما شاء الله عليها تعرف تخبز تخبز خبز صاج او تنور وفي ناس تحط عليه رز وتصير بالحالتان..

لاتنسيني من دعواتك

ماعرف هالطبخه اول مره اسمع فيها بس شفتج تبينها ويبتها لج ياقلبي وهني وعاااااااااافيه علي قلبج"

يالبا قلب بنت عمي
ماقصرت امنا الغاليه نونو

ومره ثانيه نسد ان شاءالله
وبالعافيه

ابشري حبيبتي والعنزيات دايم بالخدمه احم احم (يعني انها عنزيه ) شوفي المليحيه او الشاكريه مثل ما يسمونها السوريين لانها اكله سوريه بالاصل (((تسلقين اللحم بس بدون اضافة اي شى له بس الماى والملح واذا استوى اللحم جيبي جدر وحطي فيه لبن بمقدار علبه كبيره لو على حسب كمية االلحم المهم حطي اللبن على النار وحركيه لالالالالالالالا تشيلين ايدج عنه خليج حركي وحركي ليـــــــن يفور صبي المرق الي باقي مع اللحم تكونين مصفيته من فبل وحاطه فصوص ثوم من 4 الي 5 فصوص وبعد ما يفور اللبن صبي المرق عليه وانتي تحركين طبعا لاتشلين ايدج عنه لان اذا شلتي ايدج بيخرب اللبن المهم واذا فار اللبن نره ثانيه حطي قطع اللحم وحده وحده وقصري النار واذا تبين رشي شوي نعناع ناشف عليه وزيديه شوية ملح وبعد ما يتسبك وتصير المرقه ثقيله بامكانج تسوين التقلايه الي هي تسخنين سنمه اي نوع سمنه فارم او اي نوع تفضلينه واذا سخن تكونين فارمه ثوم وتحطينه فوق السمنه لين تطلع ريحنه رشيه فوق اللحم ( انا عني ما اسوي طريقة التقلايه لاني ما احب السمنه) وانتي براحتج وعلى فكره انا ناخذه هالطريقه من الوالده الله يحفظها لنا ويطول بعمرها وهي سوريه والسوريين مشهورين بهالاكله وانا عني دايم اسويها لاني احبها وان شاء الله راح تعجبج

يـاهلآ يالغاليه . .

هذي المليحيّه أو المنسف الأردني وراح أقولج مليحييه على طريقتّنا
<- تسأل أمــهاا

المقادير
لحم حسب الحاجه
بصل على حسب كمية اللحم اللي عندج
ثوم هم نفس الشي على حسب الكميه
بهارات
ورق غار
ملح

تحمسين اللحم مع المقادير السابقه على نار هاديه مثل طريقة مجبوس اللحم
وتضيفين عليه الماي إلين يغطي اللحم
وأتركيه يطبخ إلين يتسوي اللحم ..

نجّي الحين حق طريقة مرقة المليحيه
يصفى اللحم , ونشيل مرقة اللحم .. وبجدر ثاني حطي شوي زيت ملعقة وحده جذي مع راس ثوم مهروس وبصّله وتشوحينهم على النار
مع مكعب مّاجي تضيفينه عليهم
ونضيف ماي اللحم على الجدر اللي حمستي فيه البصل والثوم وتأكدي من كمية الملح

يضاف اللبن على ماي المرق لبن المراعي ( اذا عايله لترين ) اذا أفراد شوي يكفي لتر + ملعقة شوفان كويكر
وتمي حركيه اللين يفور المرق اللي عندج . . ولاتشيلين ايدج من التحريك إلين يفور المرق عندج , عشان مايعّزل اللبن عن مرق اللحم
اذ وصلت المليحيه لدرجة الغليان وقلبت عندج ضيفي عليها رشة نعناع وفلفل أسود ..

بهذه الأثناء تكونين طابخه عيش مصري بجدر صغير عشان تحطينه دار مادار اللحم ..

التقديم
بصينيه كبيره قطعي خبز صااجي ( تضبط بالخبز الصااج أفضل )
ووزعي الخبز المقطع على الصينيه , وحطّي اللحم بنص الصينيه فوق الخبز
وحطي دار ماداره العيش المصري المطبوخ
وصّبي مرقة المليحيه فوق الخبز واللحم الين يتشرب الخبز
وقدميه بالعاااافيه
إن شاءالله اكون أفدتج