بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مرحبا بنات شخباركم
في موضوع عجبني وحبيت احطه للنقاش
وين ترتاحين اكثر
في بيت زوجج او بيت اهلج ؟؟؟؟؟؟؟؟؟؟؟؟؟؟؟
وشنو السبب ؟؟؟؟؟؟؟؟؟؟؟؟؟؟؟
يعني بالزوارات خاصة اللي ينامون عند اهلهم خميس وجمعة
مرحبا بنات شخباركم
في موضوع عجبني وحبيت احطه للنقاش
وين ترتاحين اكثر
في بيت زوجج او بيت اهلج ؟؟؟؟؟؟؟؟؟؟؟؟؟؟؟
وشنو السبب ؟؟؟؟؟؟؟؟؟؟؟؟؟؟؟
يعني بالزوارات خاصة اللي ينامون عند اهلهم خميس وجمعة
؛
ارتاح في بيت زوجي اكثر
لان تعودت على المكان
و اخذ راحتي اكثر باللبس و كل شي
و احب انام بسريري
و احس بالامان اكثر
؛
؛
بس تدرين اذا كان الزوج على المزاج بتكون الشقه
اهي مكان الراحه يعني شقتي انا الاميره فيها
اتصرف على كيفي بالاكل واللبس … والخ
بس ارتاح في بيت زوجي اكثرررر لن تعودت على هالمكان وانه صاحبة البيت والمسؤله عنه
وغير جذي راحتي اهدومي غرفتي حمامي لابتوبي كل شي تحسين غير
بس عموما الوحده ترتاح ببيت ريلها اكثر لان بيتها ومكانها
اما اذا قصدج
بالزيارات
لا اكيد بيت اهلي اريح
بس تعودت علا مكاني ابشقتي خاصة سريري
في النوم وفي اللبس وفي كل شي …
اما اذا كان قصدج مثال ماقالت الاخت حرم راشد انو بالزيارات فأراتاح اكثر في بيت اهلي
حتى زوجي يقول ودي اعيش عند اهلج !!! >>>> لانه كله شباب
بس اذا كنت متضايقه وقلبي مقموت احب بيتي واحب اقعد في مكاني الخاص
بهدووء بلا ازعاج ولويه …
ومشكوووره على المووضوع
وانا اقصد بعد الزواج
ارتاح في بيت زوجي
مو لانه أحسن من بيت أهلي بالعكس في بيت اهلي اطلع اتمشى وكل شي تحت خدمتي
بس لأني في شقتي أشيل بس همي صحيح اني مع اهل زوجي واكيد مافي استقرار
ولكن بيت أهلي أتعب من المشاكل اول ماجي كل واحد يقط علي همه وامي الله يخليها لي تفتح لي محضر كامل عن كل اللي صار ماصدق انحاش من البيت مع اني اشتاق لهم موووت والمشكلة من اطلع اقعد اعالج بمعدتي وقولوني اسبوع خخخخخخخخخخخخخ
تكفون اللي تقرا ردي تدعي لبيت امي بالاستقرار لان امي الله يطول عمرها كسرت خاطري امس تبجي وتشتكي من حياتها وعدم الاستقرار فيه
أما راحتي الحقيقه في بيت اهلي . انام على راحتي وأصحا على راحتي وألبس على راحتي وأطلع على راحتي وآكل على راحتي وماكو ميك آب ولا تالي الليل قميص نوم وراحة بدون حدود بس إن أغراضي افتقدها خخخخخخخخخخخخ
عن أهلي