يا بنات طلب لو سمحتوا عيادة الدكتور بدر النصر الله

بالنسبه حق دكتور بدر نصرالله ما يتبع نظام اتكنز … اول شي يعطيج نظام الـ DETOX … النظام حق تنظيف الجسم وعشان يعرف طبيعة جسمج … شكثر تنزلين ..

وهالنظام تقريبا واحد للكل … بس في تغييرات بسيطه .. وهذا النظام :::

على الريج ::: تشربين كوب ماء دافيء

الأفطار:

نوع واحد فاكهه من التالي::
(( برتقال ,, تفاح ,, عرموط ,, كيوي ,, اربع حبات متوسطه فراوله)) يعني غير مسموح باضافة نوع فاكهه ثاني ..

الضحى:

مكسرات اي نوع (( من خمس الي ست حبات ))

بالاضافه الي واحد من الانواع التاليه ::

# حبة فاكهه ـــ> تفاح او عرموط او برتقال او فراوله …
# حبه واحده بيض بالاضافه الي خيس ,, خيار ,, طماط
# شريحة توست بالجبنه او لبنه قليلة الدسم بالاضافه الي الخس والخيار والطماط
يعني كل يوم تختارين نوع … ماتكررين نفس الاكل كل يوم ..

الغداء:

قطعة لحم مشويه أو صدر دجاج او سمك بس اهم شي ما يكون مقلي + سلطه ممكن اضافة الملح والليمون والقليل من زيت الزيتون ..

العصر او المغرب ::

حبتين تمر + فاكهه نوع واحد من الي ذكرتهم ..
او

خـــــــــس (( كميه معتدله عشان الامساك وانتو بكرامه ))

ممكن تاكلين كاكاو مره وحده بالاسبوع .. انا افضل كاكاو الموجود بقسم الدايت بالجمعيات … او اي نوع ثاني بس صغير الحجم مثلا KIT KAT

العشاء:

تبــــــــــــــــــــــــوله
او
شوربة خضــــــــار (( ممكن اضافة المشروم + البروكلي + الخضراوت الي تحبينها بس من غير البطاط ولا شعريه ولا مكعبات ماجي ))
او
سلطــــــــــــــــــــــــه
او
بيضه واحده (( مفيوحــــــــه))
او
دجاج تكا (( من 5 الي 6 قطع فقط )) + سلطه

واذا مليتي يصير تغيرين .. يعني تبديلين العشا بالغدا والعكس ..

ونصيحه \ شربي ماي كثر ما تقدرين يعني اكثر من لتر باليوم …

الدكتور بدر نصرالله

انشاءالله اطبقين النظام وينزل وزنج .. لانه رفيجتي انزلت عليه بالاسبوع 3 كيلوات و 600 غرام حلويييين صح
الفال لج انشاءالله … عنوان الدكتور :: المنطقه الحره .. الرقم :: 24613253