.يش بالسمسم مقرمشة ولذيذة

المقادير

3 كوب طحين
1 كوب سمسم محمص او مش محمص..ما بتفرق
1 كوب زيت زيتون أو زيت ذرة (بس بزيت الزيتون أكيييد أطيب)
1 ملعقة كبيرة ملح
1 ملعقة كبيرة خميرة فورية
1 كوب ماء دافئ للعجن

طريقة العمل

نضيف المكونات الجافة كلها مع بعض و نخلطها كويس

ثم نضيف الزيت و نضيف نصف كوب الماء…و نعجنها كويس و نضيف ماء حسب الحاجة…العجينة لازم تكون جامدة يعني ما تزيدي ماء اكثر من اللازم للعجن فقط.

نكورها و نغطيها لمدة ساعتين حتى تتخمر…نتركها في الفرن اللي دفيناه و طفيناه.

شوفو الصور

شغلي الفرن لحتى يدفى و بعدين اطفيه و حطي العجينة فيه لمدة ساعتين خليها تخمر كويس

هيك شكلها لما تتخمر عليها نقاط بيض

هلئ قطعيها كرات بحجم كرات التنس و خليها ترتاح 1/4 ربع ساعة

ضروووري ترتاح ربع ساعة لحتى يسهل رقها

ادهني أي صنيه عندك بزيت و بلشي رقي عليها

رقي الكرة بإيدك أو بالشوبك…بس بيدك أسهل…رقيها لأقصى حد خليها رققيييقة مرررررةةةة

صفيها بالصنية و بعدين دخليها الفرن الحامي و راقبيها لحتى تتحمر من أسفل بعدين ارفعيها على التحمير

وهيك شكلها لما تجهز

يمي يمي يمي ..مقرمشة و لذيييذة

تقدم بعد أن تبرد جيدا مع شاي أو لوحدها و ألف صحة و هنا