السلام عليكم ورحمة الله
هالمموضوع طرا ببالي فجاه وقلت احطه هني للوناسه وعشان نتذكر هالايام الحلوه واكشناتها
مادري اذا الموضوع موجود من قبل او لا بس ماعمري شفت نفس هالطرح هني
الموضوع : شنو صار بالتفصيل بيوم الخطبه لما شافوج حمولتج ولما شافج زوجج ( النظره الشرعيه )
وشنو لبستي وشلون كشختي ؟
وشنو المواقف المضحكه والمحرجه و…………… الخ
ببدا انا اول شي 
انا الخطبه الشوفه يعني تقسمت ليومين اول مره بس الحريم جو شافوني
كان يوم جمعه ما انساه
لبست نفنوف قصير اسود فيه ورود وفليت شعري كان طويل وسويته ويفي ومكياجي كان بسيط حيل تعمدت اني اخليه خفيف عشان مايقولون جمال جذبي هههههههههههه
طبعا لبست كعب مو حيل عالي وسط بعد عشان الطول مايغشهم ( لاني دقمه ) ماحب اغش هههههه
هاليوم من كثر الاحراج والخرعه ماعرفت امشي عدل انحرجت احس روحي جني ياهل ملبسينها كعب طبعا اول مادشيت سلمت عليهم
كانو ( خالتي _ حماتي الوحيده _ بنت حماتي _ مرت حماي الوحيده )
قعدت جمب خالتي وقعدت تسالني وتسولف معاي وماطولو راحوو بس اذكر موقف يضحك خالتي نوعها متعلمه ومثقفه حيل تحب التعليم وسالتني سؤال شنو طموحج وهدفج بالحياه من كثر ما انا مستحيه قلت لها سؤالج صعب هههههههههههههه قعدت تضحك وطوفتها لي 
بعده باسبوع صار وقت شوفت زوجي لي طبعا لبست عبايه وملفعي ( غير منقبه ) حطيت مكياج خفيف ولبست شبه كعب يعني قريب للفلات نزلت كانت امه واخنه جايين معاه وامي وابوي قاعدين واختي الكبيره كلهم نزلت سلمت على امه واخته وقلت السلام لما وصلت عنده وقعدت وقعد يسولف عن نفسه وعن كل شي جدام الكل بعدين قالوله اسالها وسالني شنو طلباتج شنو الي تبينه والي ماتبينه قلت بعد ربع ساعه تتنيح انا مابي شي بس 3 شغلات ماتمنعني منهم دراستي ووظيفتي وسيارتي ( لاني للحين طالبه ) وسكت وقالو اكيد وهالشي مافيه كلام وهالسوالف
شوي قام ابوي وقاله اقعد اخذ راحتك وتكلم معاها طبعا طلع ابوي والحريم راحو الصوب الثاني من الصاله وقعدت معاه بالجهه المقابله للحريم وقعد يتكلم عن نفسه شوي وقالي ماعندكم ماي .gif "Eh S(1)")
هني الصدمه قلت امبلا قالي ابي ماي جيبيلي اهني ابتسمت وطنشت لاني مابي اقوم من الفشله
عادها علي قالي قومي ابي ماي ههههههههههه عشان يبي يطالعني عدل قمت وصبيت الماي وعطيته والحريم يضحكون علي وشرب الماي وطقال لمه يالله وراحوو
والحمدلله تم الزواج برضانا كلنا والله يحفظني له ويحفظه لي
الحين دوركم يابنات 
السلام عليكم ورحمة الله
هالمموضوع طرا ببالي فجاه وقلت احطه هني للوناسه وعشان نتذكر هالايام الحلوه واكشناتها
مادري اذا الموضوع موجود من قبل او لا بس ماعمري شفت نفس هالطرح هني
الموضوع : شنو صار بالتفصيل بيوم الخطبه لما شافوج حمولتج ولما شافج زوجج ( النظره الشرعيه )
وشنو لبستي وشلون كشختي ؟
وشنو المواقف المضحكه والمحرجه و…………… الخ
ببدا انا اول شي
انا الخطبه الشوفه يعني تقسمت ليومين اول مره بس الحريم جو شافوني
كان يوم جمعه ما انساه
لبست نفنوف قصير اسود فيه ورود وفليت شعري كان طويل وسويته ويفي ومكياجي كان بسيط حيل تعمدت اني اخليه خفيف عشان مايقولون جمال جذبي هههههههههههه
طبعا لبست كعب مو حيل عالي وسط بعد عشان الطول مايغشهم ( لاني دقمه ) ماحب اغش هههههه
هاليوم من كثر الاحراج والخرعه ماعرفت امشي عدل انحرجت احس روحي جني ياهل ملبسينها كعب طبعا اول مادشيت سلمت عليهم
كانو ( خالتي _ حماتي الوحيده _ بنت حماتي _ مرت حماي الوحيده )
قعدت جمب خالتي وقعدت تسالني وتسولف معاي وماطولو راحوو بس اذكر موقف يضحك خالتي نوعها متعلمه ومثقفه حيل تحب التعليم وسالتني سؤال شنو طموحج وهدفج بالحياه من كثر ما انا مستحيه قلت لها سؤالج صعب هههههههههههههه قعدت تضحك وطوفتها لي
بعده باسبوع صار وقت شوفت زوجي لي طبعا لبست عبايه وملفعي ( غير منقبه ) حطيت مكياج خفيف ولبست شبه كعب يعني قريب للفلات نزلت كانت امه واخنه جايين معاه وامي وابوي قاعدين واختي الكبيره كلهم نزلت سلمت على امه واخته وقلت السلام لما وصلت عنده وقعدت وقعد يسولف عن نفسه وعن كل شي جدام الكل بعدين قالوله اسالها وسالني شنو طلباتج شنو الي تبينه والي ماتبينه قلت بعد ربع ساعه تتنيح انا مابي شي بس 3 شغلات ماتمنعني منهم دراستي ووظيفتي وسيارتي ( لاني للحين طالبه ) وسكت وقالو اكيد وهالشي مافيه كلام وهالسوالف
شوي قام ابوي وقاله اقعد اخذ راحتك وتكلم معاها طبعا طلع ابوي والحريم راحو الصوب الثاني من الصاله وقعدت معاه بالجهه المقابله للحريم وقعد يتكلم عن نفسه شوي وقالي ماعندكم ماي
هني الصدمه قلت امبلا قالي ابي ماي جيبيلي اهني ابتسمت وطنشت لاني مابي اقوم من الفشله
عادها علي قالي قومي ابي ماي ههههههههههه عشان يبي يطالعني عدل قمت وصبيت الماي وعطيته والحريم يضحكون علي وشرب الماي وطقال لمه يالله وراحوو
والحمدلله تم الزواج برضانا كلنا والله يحفظني له ويحفظه لي
الحين دوركم يابنات
اب
اب
امه متوفية الله يرحمها و اخته الكبيره بحسبه امه و هي اللي اخطبتي و جت بيتنا مع بنت اخو زوجي
حطو موعد يجون الساعة 5 و تاخرو ما جو الا الساعة 6 المغرب لان ضيعو بيتنا ما يدلون بمنطقتنا
كنت لابسة بدله لونها كحلي و فيها ورود لونها سماوي و مكياجي ناعم حيل و كنت مريضة حيل و فيني كحة جنها كحة الشياب
انا تفاجأت ان دخل زوجي مع اخته و انا حسبابي ان اخته تشوفني اول بعدين هو حتى دخلت بعدين و انا لابسه اللفة مع اني كنت مسويه شعري و صابغته اشقر
زوجي من النوع الحياوي حيل ما يطالع بالحريم كلش و انا اللي قعدت اخزه خز لووووووووول
و الكحة ذابحتني طول الوقت اكح جدامه و ما قدرت امسك نفسي قمت اركض و صبيت لنفسي ماي و شربته لاني فعلا اختنقت من الكحة
بعدين امي قالتله ليش قاعد بعيد عنها قرب منها و سولف و هو مستحي جان اقوم انا وقعت يمه صج بارع لووووووول
سالني تعرفين تطبخين ؟؟ شنو هدفج من الزواج ؟ و الاسئلة العادية مالوت قديم الزمان
انا عجبني وايد و دش قلبي و لمن طلع و ركب سيارته اخته كانت واقفة عند الباب و انا نسيت أساله اذا يدخن او لا لاني ما استحمل الزقاير جان أسالها يدخن ؟ قالتلي لا الحمدلله لا زقاير و لا شيشة و نفس اليوم بليل اتصلت اخته و قالت نبيها و الحمدلله الامور مشت تمام و ملجنا بعدها باسبوعين و تزوجنا مدة سنة و نص لكن الله ما قسم نطول مع بعض و توفى الله يرحمه
بالاول رحت عند الحريم وقعدوا يخزوني من تحت لتحت
عقب اخوي ناداني عشان اروح للمعرس يشوفني وانا اريولي تتنافض حشا رايحه مقصب ههههه
جان ادخل عليه مع اخوي فديته وسلمت وكنت شايله عصير على ما اعتقد حطيته ولفيت بقعد أنا ويهي خخخخ جان اخوي يعطيني ذيج العين اللي يقولي قمي مع الوي خخخخ
جان اقوم واقعد وأقوم واقعد ما عرفت شنو يقصد جان اطلع هههه
أكيد كان يقول بقلبه شنو هالرقله ههههه
بس ماصارت ساعه جان يتصل يقول متى نملج ههههه
شادن ههههههههه الارتباك بلوه بهالمواقف والله يتمم عليج زواجج بالحب والسعاده
انا كانت اول شوفه حق امه واخته جونا البيت وقت العصر وطبعا معطين خبر قبل يجون
اتذكر كنت لابسه فستان اسود وشعري تاركته سايح يعني مفلول وكان طويل لحد نصف الفخذ وكثير وكنت لابسه افلات لانه اختكم بالله طويله
وكلاس خفيف وكحل داخل العين المهم نزلت لهم وسلمت عليهم وقعدت جنب خالتي سالتني كم سؤال وانا من الحياء ارد بصوت مخنوق وماعرف اتكلم والموقف المحرج لما وقفت بروح وطيت اصابع ارجولها والمسكينه تصيح تقول رجلي رجلي الحمدلله انه مو كعب خخخخخخخخ
وبعده 3ايام جاء زوجي يشوفني وكان قاعد مع الوالد بالمجلس وكنت مستحيه حيل مادري شقول وكيف اتصرف طبعا لبست تنورة طويله وبلوزه كامله وغطيت شعري ولبست اشوي كعب وطبعا بدون مكياج او اي شي
كنت امشي خطوه ووقف امشي واووقف لما وصلت قريب من الباب كان اخوي الله يسامحه واقف على الباب والباب مفتوح قالي اتفضلي دخلي تبلمت كانه داخله على مصيبه وتعفس وجهي واحمر وحالتي حاله وخذيت نص ساعه تقريبا وانا ايه وبدخل وارجع وكل شي بالاشارات بينا
الله يسامحه اشر حق اخوي الثاني يدفني وماصدق على الله اخوي الثاني دفني دفه والله يابنات اتزحلقت زحلقه واصله لعند زوجي اشوي واطيح بحضنه وتماسكت الحمدلله وقال الوالد اقعدي بروح اشوي وارجع المهم قعد يسولف وانا ارجف ومستحيه بس المحرج اكثر قالي ليش خايفه لا يكون شايفتني وحش واكل الناس ( قلت أيه )هههههههههههه وهو طالع قال حق الوالد متى الملكه
ليت تعود هذه الايام
انا خطبتي اذا ذكرتها اضحك مع انه مافي اي مواقف محرجه
انخطبت بشهر 7 حددنا يوم الحريم يجون فيه
لبست فستان وردي مشجر قصير كمه طويل
وسويت بشعري ستريت وكان لونه اسود
وسويت مكياج حلو
وكنت عااااااااااااااااااادي جدا مو مرتبكه مادري ليش
جتنا امه واخته
وجلسنا نسولف طبعا هم ناس خجوووووووولين كلمتين ورد غطاها
وماسألوني ولا سؤال
بعد اسبوعين تقريبا جاء شافني
وكنت مستتتتتتتتتحيه لبست تنوره وبلوزه ساااتره وطويل بطويل مااقتنعت فيه ابد لان التنوره سكيني ومبينه البتاعات
ومااحطيت الا مكياج خفيييييييييييف
غلوس وماسكارا وشوي فاونديشن
المهم اتفقت مع ابوي انه يجلسه بمكان عشان اجلس انا بمكان قباله
ماابي ادخل ويشوفني وانا امشي من ورى <<<استحي
المهم يوم دخلت لقيت ابوي قالب ام السالفه جلسه بمكاني
اللي كنت مخطططه اجلس فيه قدمت العصير
وااضطريت اجلس بالكرسي اللي قدامه
وشافني وتفحصني زييييييييييييييين اهئ اهئ
جلس ابوي باخر المجلس وهدوووووووووووء
انا منزله راسي مستحيه ماشفت الا جزماته وايدينه اكثر من كذا ماشفت
واصلا انا متفحصته زين قبل لادخل عليه من صور طلبتها من اخته
ومن شباك المجلس خخخخخخخ
يعني مضبطه اموري
ابوي كان متشدد علينا مادري ليش بيتكلم معي وبيسالني سكته
قال بس تفرج ههههههههههههه ليه ماادري ؟
وزوجي الا الان حاقد يقول فشلني
عاد اقوله مو بس انت انا تفشلت
لاني كنت مستحيه ومنزله راسي فكان ابوي يأشر بايده خلاص قومي
وانا مااشوفه
وكنت بقلبي ودي اصررررخ مستحيه ومرتبكه واخاف اقوم يقول ماشفتها زين رجعوها
وكان معي منديل حطيت حرتي فيييه <<للحين عندي محتفظه فيه
مادريت الا ابوي يقولي خلاص قومي تفششششششششلت ومسكت صيحتي وطلعت بسررعه
من الفشيله هههههههه
عاد اول ماطلع زوجي قاله ابوي ننتظر ردكم
قال لا من اللحين اقولك ابيهااااا <<خقق معي الرجال
وبعد الزواج قال ليش لابسه ضيييق ؟
تبين تغريني
ههههههههههههه
الله يتمم عليج بخير ولايفرقكم
انا عكسج ابوي وهقني كنت اتمنى يقولي روحي خلاص
الله يتمم عليج يارب ويجعل حياتج الزوجيه حلوه ومستقره *
ذكرتنا باللذي مضى
ههههههههههههههههههههههههههههه
الله يتمم عليج بخير ولايفرقكم
امييين
ويارب وياك حبيبتي ويتمم الكل وحده سعيده بحياتها
ذكرتنا باللذي مضى
ههههههههههههههههههههههههههههه
ههههه اي والله ذكرى جميله و مرات ايام اموووت ضحك على عمري وتصرفاتي واشياء تفشل من الاحراج بعد كانت اتصير تلقائي بس الحمدلله انه فاهم لانه لما تزوجت كان عمري 16
ههه بس مادري انتي ليش متفشله ؟ وهو بس ابوك -اجل انا ماشاءالله الشله كلهم موجودين ابوي واخواني واحد من اعمامي يمووت في هالسوالف
أميرة -الله يرحم ريلج ويعوضج خير ..
لؤؤططه هالموضوع مواقفكم تووحفه هههههههههههه
لا يوووقف
>لازالت تضحك
صج كانت لحظات حلوة ذكريات عذبة
أميرة الله يرحم زوجج ويغمد روحه الجنة