بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مبارك عليكم الشهر ..
وبما ان شهر الخير هل علينـا فيعنـي هلت الطبخات السنعه
وهالموضوع راح يكون عباره عن كل شيء تحضرينه من حلو او سلطه …… الخ
تدونينه اهنــي وبجذي نتبادل التجارب فيما بينــا .. واعتقد فكره جديده ..
ومن باجر كل عضوه تدخل تسجل طبخاتها
واتمنــى يكون فــي تفاعل
بناااااااات لاتفشلوني 
مبارك عليكم الشهر ..
وبما ان شهر الخير هل علينـا فيعنـي هلت الطبخات السنعه
وهالموضوع راح يكون عباره عن كل شيء تحضرينه من حلو او سلطه …… الخ
تدونينه اهنــي وبجذي نتبادل التجارب فيما بينــا .. واعتقد فكره جديده ..
ومن باجر كل عضوه تدخل تسجل طبخاتها
واتمنــى يكون فــي تفاعل
بناااااااات لاتفشلوني
وينكم بنات اشدعوه تمرون ولاتردون
خل اقولكم طبعا انا بالمطبخ مبتدئه
بس اساعد الماما شوي
سويت سلطتين روووعه
1-
السلطة الفرنسية
———————
1 علبة لبنة
3 علي روب ( زبادي)
2 بصل مفروم
ثوم مفروم ( الكمية حسب الرغبة)
2 خيار مبشور
2 جزر مبشور
2 طماطم مقطع صغير
2 فلفل رومي مقطع صغير
3 باذنجان مقطع شرائح طولية ومقلي
زعتر — فلفل أسود — ملح
عصير ليمون مضاف إليه خل
3 م ط طحينة سائلة
خبز عربي مقطع صغير ومقلي
الطريقة
————-
نخلط اللبنة والروب والبصل والثوم ثم نضيف الزعتر والفلفل الأسود والملح ويقلب ثم نضيف الخيار – الجزر – الطماطم – الفلفل الرومي – الطحينة وعصير الليمون ويقلب
نرص طبقة من الباذنجان في صينية ثم نصب عليه جزء من الخلطة ثم نرص طبقة ثانية من الباذنجان ونصب عليه باقي الخلطة ثم نتركه في الثلاجه ليبرد وعند التقديم نرش الخبز المقلي.
وبالعافية .
وبالنسبة للزعتر والملح والفلفل الأسود وعصير الليمون حسب الذوق يعني حطوا وذوقوا
2-
سلطة الذره
—————
– جبن كرافت مبشور
– ذره
– خس مفروم ناعم
– مايونيز
– ملح
– عصير ليمونه
وتخلط جيدا وتقدم بارده .
وسويت حلووو بس ماضبط بغيت ابجي
ذقته روعه ولما جيت اطبق خرتها .
مشكورة على الموضوع،، ماأوعدج أدشله كل يوم لأني صج حدي مشغولة بس أكيد إذا فضيت بتلاقيني اول وحدة.
بالنسبة لي ، سويت أمس مجبوس دياي ، وياه شوربة الشوفان ، وأمي كانت مسوية هريس مطرشله لنا، عاد حطيته على السفرة ، ووياهم الكبب اللي شريتهم من أم محمد، وطبعا لبن وفيمتو ، وسلامتكم ..
طبعا ماكليت شي كلش ، هذي طبيعتي أول أسبوع من رمضان، وبعدين لا آكل الاكو والماكو، حسبي الله على إبليس، عاد فرصة الواحد يضعف برمضان ..
وتقبل الله طاعتكم
ما شاء الله عليج بقتي فكرتي
انا يايه اليوم بقول شاركونا افطاركم
بس مخالف من سبق لبق
اقولكم افطاري اليوم لانه امس فطرت في بيت خالتي فماسويت غير
مكرونه البيتزا بايقتها منكم
المهم
اليوم
طبعا المقرر اليومي
تشريبه
شوربه عدس
سلطه
كبب
عاد يمكن اسوي طبق جانبي
دجاج مسحب
اما الحلو
كريم كرمل
امس تفطرت عند حمولتي ..
اليوم بقولج شسويت
مجبوس دياي
شوربة دياي بالشعريه
سمبوسه
بيف باستري بالجبن الابيض
فيمتو
بيذان
وسلامتكم
حتى انا امس ابيت حمولتي .. و خذيت معاي شوربة الدياي بالفطر
و اليوم بروح بيت ابوي ان شاء الله
و باخذ معاي معكرونية فيونكات بالدياي من تأليفي .. و ان شاء الله تضبط معاي
احنا اول يوم كان فطورنا :
===============
شوربة عدس + سلطة +بيتزا + سمبوسك جبن وخضار + معكرونة بالبشاميل + تشريبة + فيمتو ..
الحلو >> قطايف + كنافة + حلو كاكاو
وثاني يوم :
=======
شوربة عدس + شوربة خضار +سلطة+ بيتزا + سمبوسك جبن وخضار + كبة برغل + مجبوس لحم + فيمتو …
الحلو >> قطايف
((الله يطول بعمر الوالدة ما تخلي شي ما تسويه ))
الفطور اليوم
تشريبه
شوربه عدس
سلطه
بيتزا
فطاير زعتر
كبه مرق
اما الحلو
جبنية
السلام عليكم
اليوم فطورنا يمي يمي
سويت مسخن دياي بالخبز الايراني
و بيتزا التوست
شعريه مع البيض (بلاليط
)
شوربه
فيمتو
بيذان
وسلامتكم
=========
شوربة عدس / شوربة خضار
تشريبة
بيتزا
سمبوسة جبن /خضار
بلاليط
الحلو >> قطايف + حلو التمر
شيش طاووق + شبس مقلي + شوربة ماجي + هريس + سلطة + فيمتو
والحلو = جلي
هريس
جريش
مقليات (كبه + رولات + سمبوسه )
فاهيتا لحم
لقيمات
شوربه عدس
سلطه خضره
عيش بشعريه ومرق لحم
ونجمه الشاشه طبعا التشريبه
الله يعطيكم العافية يارب
ويجزاكم كل خير على هالتفاعل
بس انا اقصد <<<<< راح تنطق
اي طبق تسوينه تكتبين وصفته لنا
الهدف نتعلم
واكيد السفره متروسه من الأنعام بس نبي الللي صنعتيه بنفسج
اوكيك …
خل اقولكم شنو سويت امس …
اليوم ولا حاااااااااااااجه …
طريقة معكرونه تجنن ولذييييذه ..
——————————–
معكرونه مسلوقه مع ملح وفلف اسود وزيت
صدور دجاجه مسلوقه ويزال الجلد والعظم ومقطعه قطع صغيره
الخلطه ( بازلاء – جزر مبشور – مشروم شرائح )
تحمسين بصلة وتضيفين الدجاجه وتحمس وتضاف الخضار
البازلاء والجزر والمشورم ونستمر بالتحريك شوي لحد ماتذبل بس
وتضاف لها المعكرونه وتقلب جيدا ، ثم رشه شبنت مفروم
ورشه نعناع ناشف .
تصب المعكرونه في البايركس وتضاف لها الصلصه التاليه :
( قلاص جبن صغير + 3 ملاعق مايونيز + 2 ملعقه قشطه + نص قلاص ماي <<<< بالخلاط )
اتمنى اكون شرحت عدل
طبعا هذا اللي سويته بس
طبق واحد وواجد علي ههههههههههههه
حطيت لكم وصفتها
وسوينا شوربه ذره لذيذه وسهله
الطريقه
ربع قالب زبده ( انا حطيت 3 قفاش) تسيخ علي النار في جدر صغير وبعدين تضيفين لها 3 ملاعق كبيره طحين ويحرك يعني اتحمسينه شوي لي بدا يتغير اللون ضفي عليه شويه فلفل اسود وبهار نتفه وبعدين لي انحمس بعد شوي ضيفي عليه 3 كواب ماي (واحد من الاكواب مذوبه فيه ماجيه)
وحركي بسرعه
راح يذوب الطحين في المزيج
ويصير لونه مصوفر شويه
بعدين ضيفي عليه نص قلاص حليب سائل
وذره
( ممكن تزيدين نص ماجيه) وذره ملح
وخليه يطبخ علي نار هاديه لين تستوي الذره
يوم الثلاثاء كنت عند حمولتي على الفطور خذيت معاي معكرونه بالكرمه والمشروم
وحطيت الطريقه والصورة بالاطباق الرئيسيه
امس الفطور في بيتي
سويت محشي كوسا وفلفل أخضر
سويت يريش
و بيتزا البريوش يم يم لذيذه
وامي طرشتلي تشريبه
وبس خلاص
اليوم الخميس الفطور عند اهلي وخذيت معاي معكرونه بالمشروم والكريمه وزدت عليها ذرة
وبس لاني مت من اليوع