؛؛؛ هذا الريجيم العدل والله انه الوحيد اللي نزل وزني ؛؛؛

صراحة كل دكتور رحت وكل ريجيم سويت ووزني وصل الثلاث ارقام من بعد ما كنت تحت ال70
والحمدلله اني صممت وسويته وظغت على عمري ويا حلو وناستي يوم شفت الفرق وطبعا هذا اول شي يبيله عزيمة وارادة وصبر لأن مو من اول يوم راح تفرق معاي

شوفي شنو سويت

اقوم مبجر من النوم لو حتى عطله لازم ريوقي يصير قبل الساعة 10.30 وهو عبارة عن اختار واحد من هالثلاث عشان ما امل :
– عصير برتقال فرش + حبة شابورة + جبنة لايت
أو
– نسكافيه سادة ممكن ملعقة شكر + بيضة مفيوحة
أو
– سلطة فواكه + روب

الغداء لازم ما بين الساعة 1.30 إلى الساعة 3.30 على فكرة الوقت مهم لعملية هضم الاكل وتسريف الفضلات عشان جذي كنت احافظ عليه :

– ربع دجاجة بالفرن مع كوسا + علبة روب
أو
– صينية خضار كوسا وفلفل بارد وطماطم وجزر + حبة فاكهة
أو
– ربيان مفيوح + روب بالخيار

العشاء الساعة 6.30إلى الساعة 8 :

– روب بالخيار + حبة شابورة
أو
– سلطة خضراء + روب
أو
– شابورة مع جبنة خالية الدسم

اذا صرتي جوعانة اكلي حبة فاكهة نوع واحد ( برتقالة أو تفاحة ، كيوي أو رقي ) بين الوجبات بعد الوجبة بساعة

واحرصي انج تمشين ساعة باليوم 4 مرات بالاسبوع وبعد الساعة 8 ما تاكلين شي لو حتى نمتي الساعة 1 بليل ممكن تشربين نسكافية من غير سكر فقط

وهذا وجهي اذا ما نقص وزنج بعد 10 ايام
اتحداااااااااااااااااااااااااج