أبي أحط بالون المعده ,وين أروح؟

ماينفع معاي والله اعرف نفسي

شنو تبيني اقوللج اكقر من ان خالي احسن دكتور ريجيم بالكويت .. الكل يقوللي خالج فلان و ماتروحيله؟والله مينونه ..

كل الدكاتره يقولون ان الاحباط اكبر عدو للريجيم ..اذا انتي محبطه ماراح تضعفين

اعرف ناس ماتو من تغيير مسار المعده .. بس البالون عادي كلها منظار , كل الناس تسوي منظار عادي ..

العمليه راح اسويها بعد شهرين ..

وطول هـ الشهرين بحاول اصك على نفسي
عل و عسا اقدر واتحمل ..

مشكوره على مرورج حبيبتي

بانتظار ردود المجربين

هلا حبيبتي انا اعرف 2 مجربين ومسوينها عند خالد عياش بدار الشفا بحدود 700 – 800 والحجي قبل 3 سنوات وصج ضعفو وكانت اوزانهم بحدود 130 ووصلو لي 70 في 7 شهور بس على كلامهم انهم تعبو من الترجيع وما ينصحونج تداومين اول شهر علشان لاتتفشلين من الدوخة والترجيع .. لكن بصراحة ردو متنو عقب جم شهر .. يعني نفس الريجيم بتهدينه راح تمتنين .. مع ان وحدة فيهم سوت عقب العملية شفط وشد لان الجسم حيل يترهل ومع هذا تمتن وبين فترة وثانية لازم تعابل بعمرها ..

زبدة الحجي انج اذا ما غيرت نظامج الغذائي والروتين اليومي مافي فايدة .. وانا عن نفسي كنت على وشك اني اسويها بس تراجعت واشتركت بدايت سنتر 3 شهور ونزلت 7 كيلو صج شوية بس صارلي سنتين مارديتهم وفوق هذا احاول اقلد اكلهم او مكونات الأكل .. وبين وقت والثاني اشترك بنادي شهر . او امشي شهر .. والله يوفقج وتوصلين للوزن اللي تبينه

أختي الغاليه

آنا صديقة عمري سوت العمليه بدار الشفا بس ما أدري عند أي دكتور وما علمنا أحد

أقعدت ترجع أسبوع لما قال لها الدكتور آنا مضطر أشيله مره ثانيه البالون ما نجح وياج

وبعد 3 شهور عورها راسها والله عوار مو طبيعي راحت عند طبيب قالها من أسنانج لما راحت طبيب ال أسنان قالها طبيب التخدير إللي مسويلج المنظار كاسر عظمة الفك عندج وعطاها علاج بس ما أدري شنو

أنصحج أختي لا تسوينها والله خطره آنا شفت صديقتي وهي ترجع تقولين بتطلع روحه أسبوع كامل والدكتور يقولها صبري

حرام عليكم نفسكم ….. قللي أكل ولعبي رياضه هذا الحل

انا توني مسوية العملية في دار الشفا صار لي اسبوع
العملية كلفت 850 تقريبا مع يومين اقامة مع الأدوية

اول يومييين ترجييع بس مو مثل ما يقولون البنات

يعني استغفر الله تكونين تعبانه انتي تبين ترجعين ترتاحيين

و اليومين اللي في المستشفى يعني ما تحسين بشي لان حاطين لج درب و كل اشوي يعطونج دوا حق الترجييع

بعديين كل اشوي يقل الترجييع

بصرااااااااااااااااااااااااااااااااااااااااااااااا اااااااااحة صج اشوي عذاب بس مو مثل العذاب السمنه
اعرف ناس مسوينها انزلو 20 كيلو بعديين بعدها رجعوهم بس مشكلتهم اهم خربو النظام
و اهي اقل شي تنزلج 15 كيلو في ال 6 شهور

بصرااااحة في وايد ناس قالولي صكي حلجج ولا تسوينها بس يا ربي اهم مو حاسيييين فينااااااااااا
عموما بعد 6 شهور شيلتها 250 بس اتوقع مع الاستشارات توصل 300

مواعيييدهم 100%

يعني انا دقيت عليهم الأحد بالليل ابي موعد عطوني الاثنين الصبح رحت الموعد قالولي متى تبين العملية
قلت لهم باجر العصر باجر العصر سويت العملية

سهالات ان شاء الله

محمد الجار الله دقيت عليهم عطوني موعد يوم 28 الشهر يعني بعد سبوعين و نص
و الحبيب تكلف العملية قريب ال 1100 من غير يومين المستشفى

د.فهد الاصفر بمستشفى العدان اهوا جراح ومتخصص بهالسوالف بس انا ماعرف نس مسويلهم انا اعرفه لانه اهوا اللي درسنا عن عمليات تصغير المعده و مبين فاهم شغله
مره قابلوه ابقناة الراي علق على انواع العمليات او قال عن البالون اوالحلقه انها ماتصلح حق اللي يحبون الككاو

الميزوثيرابي الي سمعت عنه انه ما يسوي شي ومامنه ايده وهم لازم ماتكون متينه وايد يعني اهوا مجرد يرتب الجسم ما يضعف
حسبي كتله جسمج وراح تعرفين اذا تحتاجين عمليه ولا لا

Body mass index= weight in kg / [height in cm ]2

الطبيعي تكون بين 19-25 عند دكتور فهد لي 27
اكثر من 30 سمنه واكثر من 40 سمنه مفرطه وتحتاج عمليه
سوالف الشفط تصلح حق اللي اقل من 30 يعني مجرد بيرتبون جسمهم

انا احس عمليات الحكومة اضمن … انا ما جربت الخاص بس ابمستشفياتنا الحمدلله في دكاترة شطار